بعد 8 شهور زواج قررت ابدا الكشف عن سبب تاخر الحمل وبديت بكل ثقه

صار لي تقريبا 8 شهور من زواجي
وكل شهر مر علي وانا انتظر الحمل واقول هذا الشهر باذن الله حامل
واعد الايام على الدوره وبعد ماتتاخر افرح واقول بنفسي انا حامل بس ابي استنى كم يوم علشان هرمون الحمل يكون اكثر وضوح
وانا من قبل موعد الدوره شاريه التحليل
مرات تجي الدوره قبل مااجرب التحليل
ومرات اجرب التحليل قبل ماتجي ولما يكون سالب اقول بنفسي لا انا حامل بس توه مابين خلوني انتظر بعد الا والدوره بطريقها لزيارتي من قبل ماتاخذ موعد معي وانا بعزة فرحي الا وهي طابه علي(الحمدلله على كل حال) :(
اما هذا الشهر فله قصة حسيت باعراض غريبه وقلت انا باذن الله حامل هذه المره
اعراض مثل اعراض الحمل بالضبط
مزاج والم بالظهر وصدري
المهم كنت احسب للدوره قبل ماتيجي ب 3 اسابيع
ولما قربت موعدها هالمره شريت تحليلين لاني باذن الله كنت واثقه من حملي
اذا مابين الاول اعيد الثاني بخمس ايام
الاول كان سلبي وحولت عيني وانااناظر فيه واقول شكل في خط ضعيف مايبين اكيد(وهو مافي خط ولا يحزنون) :(
المهم تعبت هذا اليوم بالحييل من ظهري ومزاجي وقلة نومي
رحت للمستشفى وسويت تحليلين دم واعزكم الله بول وانا ماادري كم ياخذ الوقت حتى يظهر وانا انتظر ساعه بالانتظار وهو مااخذ الا ربع ساعه بس
وطلع مافي :(
ماتبت قعدت احدث نفسي اني حامل بس مابين باول ايامه
وانتظر ايام علشان استخدم التحليل الثاني اللي شريته بس فاجاتني الدوره هذه المره بعد
الحمدلله على كل حال :(
المهم عزيزاتي وخواتي
بديت اشوف وش العله عندي اليوم سويت تحليل هرمونين الحليب والثاني ماادري اسمه اختصار ماعرفته بس تقول الممرضه انه وتاشر على الرقبه يمكن الدرقيه الله اعلم
باقي تحليلين وتقول الدكتور ه الاشعه الصبغيه مع اني خايفه منها هي بس يقولون تالم والمها مثل الم الولاده يمكن الحريم على قولت الدكتوره يبالغون او انها هي تبي تطمني
وزوجي حبيبي بعد راح يعمل تحليل
والله يكتب اللي فيه الخير انا نفسيتي وزوجي اكيد بس انه مايبين شي بس حاسه فيه
والناس كلهم حولي وبعضهم يكلموني من مدينه بعيده بس علشان يسالوني
تعبت بس املي بربي كبير