بعزم حمولتي و شايله هم

المنزل والديكور

السلام عليكم خواتي
انا ان شاء الله بعزم حمولتي و اهلي طبعاً عندي في البيت و اول مره اعزمهم ما عمرهم طبوا بيتي
عاد احس اني متوهقه عندي نواقص كثيره احس ما يمديني اجيبها اول شي بروح لبن دايل بجيب دولاب للعبايات
و بجيب سجادات و شراشف ماعندي إلا ثنتين
حتى البيالات و الفناجيل و الترامس ما عندي شي يواجه كلها عاديه اشكالها ولا تكفي
و بيتي صغير ماشاء الله خوات زوجي و بناتهم مع خواتي فيهم بركه و احس ما يكفيهم المجلس المشكله المقلط حوسه حاطه فيه ألعاب بنتي و طاولة الكوي وهو اللي بنقلط فيه العشاء طبعاً بشيل كل اللي بالمقلط و بحطة بغرفة. الملابس و غرفة الملابسه صغيرة و فل مليانة شنط و دواليب و جهاز سير و درج الجزم
من جد احس ما ادري من وين ابدأ يبي لها ميزانية حتى سفرة الأكل ماعندي سفر زينة ما ادري وين ألقى اللي تنباع بالمتر
احس بتقضى اشياء كثير و اشياء كثيره يبي لها تعديل
انتم وش سويتوا اول عزيمه لحمولتكم وش سويتوا وش حطيتوا العشاء
 
28
6K

يلزم عليك تسجيل الدخول أولًا لكتابة تعليق.

تسجيل دخول

ريماااsss
ريماااsss
9 مشاهدات ولا رد
الله يهديكم بس
ابي تجاربكم
كيداهم 2011
كيداهم 2011
اول شيء اكتبي الاشياء اللي ناقصتك وتحسينها مهمه واشتريهاا ع قد ميزانيتك ..... واكتبي في ورقه الأكلات اللي بتسوينهاا ... واشتري طلباتهاا ..وقبل العزيمه بيومين نظففففي البيت كله تنظيف دقيق. ..والمجالس بخريها وقفليها .وقبل العزيمه بيوم سوي الحلويات وحطيها بالثلاجة ،،،،واليوم اللي فيه العزيممه شيكي ع البيت مره ثانيه وبخريه وسوي الاكل والشغل الي عليك والله يعينك ،،،،،اتمنى أني أفدتك.
غلا و حلا
غلا و حلا
اتفق مع الاخت اللي قبلي
انك تجيبين قلم وورقه وتسجلي النواقص والاشياء اللي تبين تسوينها لان وقت العزيمه مع الربكه تنسين والورقه تذكرك ان شاءالله


واتوقع مافيها شي لو خواتك ساعدوك بالترامس او بيالات اوملاعق زياده او اي شي تحتاجينه وجهزي صنية البيالات والفناجين من الليل وغطيها بفوطه جمله

وبالنسبه للعشاء حلوه الصواني اللي تقدرين تسوينها قبل بيوم تريحك مثل : صواني البشمل تسوين كل شي فيها وقبل التقديم تحطين البشمل عليها
كتبي في قوقل صواني للعشاء وبيطلع لك اشياء حلوه
والله يفرج كربتك واي استفسار اناحاضر
شوكولاتة آرو
شوكولاتة آرو
لا اله الا الله محمد سول الله
**&&**
الله يسهل عليك ان شاء الله تسهل
كنت بقولك نفس كلام الاخت اللي قبلي ماقصرت
حواء نادره
حواء نادره
عندي اقتراح بما ان بيتك صغير
لاتعزمينهم سوى اهلك يوم واهله يوم
وانتبهي لاتاخذين من احد شي حتى لو اختك
كملي بيتك ولاتبينين لاهلك انه ناقصك شي