السلام عليكم ياحوائيات
كيفكم ان شاء الله بخير ,,,
هذي بعض اكلاتي اللي سويتها لما رحنا نتعشى انا وأهلي عند ناس قرايبنا ...
اولآ هذي الاطباق بشكل عام معليش اللي ملفوف بسفره صينية مكرونه بالباشميل مافيه قصدير ولفيته بالسفره تقولون رايحين كشته ,,
sh_1
هذي الحافظه محشي كوسه مسويته الوالده الله يعطيها العافيه وكان لذيذ الله يشفيها ويعافيها
2
وهذا ورق عنب مسويته انا يامحاكيتكم والطريقه للي طلبوها ( الحشوه :رز مصري مغسول ومنقوع في مويه حاره وتحمسين بصل وطماطم مكعبات وشوي معجون طماطم وتخلطينهم مع الرز وتحطين عليهم بهارات وفلفل وكزبره خضراء وشبت مقطع ودبس ارمان وهذا اللي يعطيها طعم مميز وبعدين حشي فيها ورق العنب بالطريقه العاديه وتشريبتها مويه وزيت زيتون عصير ليمون وشوي معجون طماطم وملح ودبس الرمان تقريبآ فنجال وتصفين بقاع الكاتم بصل شرايح وبعطين بطاطس شرايح بعدين الورق المحشي وبعدين تصبين التشريبه علي وتغطي الورق سم واحد بس وبعدين تغطينه بصحن وتكتمينه ونص ساعه وهو مخلص وتمتعي بألذ ورق عنب ) اتمنى فهمتوا علي
3
وهذا بيتزا مسويته انا والكبه جاهزه
4
وهذي مكرونه بالباشاميل مالقيت لها صوره لحالها
5
واخيرآ حلا تمريه من يديني جعلها تسلم :35:
6
اللي سألوني عن طريقة التمريه الله يجزاكم خير رفعتوا معنوياتي حسيت اني اعرف اطبخ وانا اخذت فكرتها من المنتدى بس حست فيها شوي لان اي طريقة حلا آخذها لازم ازيد شي او انقص مدري وش ذا العاده هي زينه ولا شينه :)
نجي للمهم تجيبين تمر معجون اللي يجي جاهز وتقسمينه اقسام على حسب النكهات اللي تبين جزء خلطت معه فول سوداني خشن وجزء عجنت معه لوز مجروش (خشن) وجزء شعيريه باكستانيه محموسه شوي بس ومكسره بعدين تشكلينها مستطيلات صغيره واللي عجنتيها مع الفول السوداني اغمسيها بسميد محموس واللي معجونه مع شعيريه باكستانيه اغمسيها بالشعيريه المحموسه واللي معجونه مع لوز مجروش اغمسيها بأوريو مطحون وانتم عاد ابدعوا اعجنوا بأي شي تبغون واغمسوها بأي شي والصوص اللي معها اربع انواع نوع نستله مع فول سوداني ونوع نستله وجبن كيري ونوع نستله وهيرشي سايل شوي بس يغير اللون ونوع توفي الجاهز او اللي انتي تسوينه في البيت
وهذا ورد للاولى والثانيه والثالثه اللي ترد علي ولا يهونون الباقين
wrd
مع السلامه في اطباق ثانيه بأذن الله
**ام سامر** @am_samr_18
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
سفره دائمه ان شاءالله
يعطيك العافيه
ويجزاك الجنه