المقادير:
مصران تقي من الشحوم
لحم مطحون
كمشة روز
بصلة
ثوم
توابل ملح فلفل اسود فلفل احمر رند وخليط الاعشاب عبارة عن زعيترة اكليل نعناع يابس
زيتون اخضر
كمشة حمص
2 بيضات
زيت + مغرفة سمن
معدنوس
1 جومبو الذوق حسب الاختيار
طريقة التحضير:
في القدر او الطنجرة نحضرو الصلة البيضاء عادي نطحن البصل مع الثوم نحط عليها شوي زيت ملح فلفل ورقتين رند ونخلط شوي وبعد ذلك نطحن فيها حبة جومبو نغلوه يغلي شوي ونمرقو
نكونو غلينا الزيتون لنزع الملح وبعد ما يكون المرق طاب شوي وبدا يتخثر نحط الزيتون والحمص وننقصولو النار نتركه على نار خفيفة
ناخذ شوي من اللحم نزيد شوية ملح فلفل اسود ومعدنوس مقطع رقيق نعملوه كريات ونتركهم بجنب بعد ما ينضج المرق نرميه فيه
من جهة تانية ناخذ المصران بعد ما كنا غسلناه و اصبح نقي نملحه
وناخذ الحشو
عبارة عن لحم مرحي ارز نص بصلة مقطعة رقييييق نص ربطة معدنوس زيتون اخضر مقطع رقيق ملح فلفل اسود ثوم وفلفل احمر وكسبر مطحون
نخلط الكل مع بعضهم ونكسر فيه 2 بيضات
ناخذ الخيط ونبداو نحشو في المصران نتاعنا نعمله كريات صغار لكن بشرط لا نحشيها كثير نترك شوي فراغ ونربطه ونترك فراغ بين الربطة والربطة والصورة توضح ذلك
نتركه في قدر ماء ملح ورقتين رند وخليط الاعشاب وشوي زيت
نتركه يغلي ونرمي فيه االمصران المحشي بعد ما نكون ثقبناه ثقوب صغيرة نتركه يغلي في الماء حتى ينضج
بعد ما ينضج نصفوه من الماء ونفصل كل حبة
نحط السمن في مقلاة ونحمرلكريات المحشية
من جهة اخرى نرى المرقة بعد ما تكون نضجت والحمص ابضا نحطو الكريات
في لمرق ونتركهم تقريبا ربع ساعة
قطرات الليمون تمد مذاق اخر عند التقديم
وهذا الشكل النهائي