الكنافه
خبز توست مطحون
زبده مذوبتها على النار
تخلطين الزبده مع التوست بيدك لين يتماسكون مع بعض
وتاخذين نص اقل من نص الكميه وترصينها بصينيه بايركس وتساوينها
ثم تسوين مهلبيه ((انا اشتري مهلبيه الجاهزه اللي بكرتون ازرق وبس اضيف لها كاسين حليب واحركها على النار لين تغلي ويثقل قوامها))
واصبها على التوست اللي بالصينيه البايركس
واجيب التوست الباقي واحطه فوق المهلبيه وارصه بس على خفيف مره
وادخله الفرن من تحت لين يتحمر وبعدين من فوق لين يشقر
واطلعها واسقيها شيره واذر عليها فسق
..................................................
السنبوسه وجيب التاجر
السنبوسه عندي بالفليزر
محشيه لحم مفروم مع خضار
نوع الرقايق سويتز
اطلعها من الفليزر ولما يذوب الثلج
اغمسها بحليب سايل وبعدين دقيق ابيض
واقليها
وااي على طعمها يقررمش
...
جيب التاجر
عباره عن توست افرده بالفراده
واقصه بالكاس واجيب توست ثاني مسويه فيه نفس الطيقه اللي قبلها
واحطهم فوق بعض واصكر الحوايف بعجين ومويه عشان ماتنفتح
وبعدين اغمسها ببيض وبعده بقسماط
واقليها
وبعدين اقصها من النص واحشيها اللي ابي
((اسوي كميه كبيره واحطها بالفليزر وقبل القلي اطلعها واقليها ))
((الباقي من التوست الاطراف اللي فردتها وقصيتها يصير باقي اطرافها حرام اكبها فاخذها واطحنها واحطها بكيس واخليها بالفليزر للكنافه الكذابه))
,..................................
مصقعه
شرايح باذنجان مقليه
ولحم مفروم مسبك مه البصل وشوي طماط وثوم وبقدونس وكزبره وبهارات وفلفل حار
اذا استوى اللحم
اكب الباذنجان عليه واخليه على النار مده دقيقه على الاقل لين يتسبك
وبعدين احطها بصينيه بايركس
وقبل التقديم بربع ساعه اولع عليها واخليها بالفرن شوي
.........................
الصفحة الأخيرة
وبالعافيه