بعض اكلاتي للرجييييييييييم

كيفكم بنوتات وزاد الله همتكم نحو الرشاقه يارب
انا لي 5ايام باديه حميه وماشيه على التخفيف مااقدر على نظام رجيم معين احب التنويع صراحه بس اني التزم بكميه وطريقة اكل معينه تساعدني على نقص وزني وحبيت اشاركم بعض وصفاتي للاكل وكله من اختراعي هههههه بس والله اكل صحي ولذيذ حتى لاهل البيت كلهم مااحد بيحس انه اكل رجيم
نبدء على بركة الله واعذروني ماصورت ولاطبق زي ماقلت لكم مالي الا5ايام دعواتكم لي بالاستمرار

اول طبق ====شوربة خضار لذيذه وصحيه جداااا
اخذ الخلاط حق العصير واقطع فيه :جزره صغيره وكوسه وملفوف وفليفله حلوه وطماطه وبصله وفص ثوم وبهاراتي اللي احبها وكزبره خضرا و3م شوفان وشوي ملح واحط مويه واضربها كلها لين تنخلط صح واحطها بقدر الضغط 20دقيقه وتمتعي بأحلا شوربه لادهون ولا شي خفيفه ومغذيه ولو بغيتي تضيفين لها صدر دجاج مايمنع وبيزيد قيمتها الغذائيه

ثاني طبق====مصقعه عباره عن باذنجان اسوي فيه شقوق واشويه على نار هاديه على عيون الغاز10دقايق اقلبه فيها مرتين بينحرق من برا ومن جوه بيلين وبعدين اشيل القشر واخذ اللب اللي جوه واخذ قدر احط فيه فليفله حلوه وطماطم وبصل كله مقطع مع 1م فقط زيت زيتون ورشة ملح وكمون واخليها تتسبك لين تنهرس الطماطم ثم اضيف الباذنجان واحركه معاها 5دقايق وخلصنا

الطبق الثالث=====صدور دجاج انظفها واقطعها مكعبات وانقعها بمويه وخل شويه حتى يروح الزفر وبعدين اجيب قصدير واحط الدجاج عليه واقطع بصله وفلفل حار وبارد وطماطه وارش ملح وكمون وفلفل اسود وشوي زعتر بري او اوريقانو زي مايسموه البعض واحكم القصدير واحطه بصينية فرن نص ساعه وخلاص اقدمه مع رز ابيض مسلوق وزبادي احلا وجبه

الطبق الرابع=====نفس الفكره تبع الدجاج بس مع خضار بطاطس كوسه جزر فاصوليا بازلاء باذنجان اللي احب بس هالمره مو بقصدير لا بقدر الضغط ومع كاسة شاي بس مويه وعلى نار هاديه ونص ساعه وبيستوي من
حاله


الطبق الخامس=====وجبه خفيفه بالبرقر بدل مااقليه اجيب طاوه تيفال واقطع حبات البرقر مكعبات بس النوع اللي يجي بدون بقسماط اقطعه مكعبات واحطه بالطاوه مع 2م فقط زيت واقعد احمر فيه لين يتحمر ويستوي اضيف عليه بصل مبشور واقلبه شويه واضيف فلفل حلقات وطماطه مكعبات وشوي كمون واقلبه شوي واكله مع خبزه بر لذيييييييذه جدا والله احسن من المايونيز والصلصات الثانيه اللي كلها دهون


الطبق السادس======لحم مكعبات بدون شحم مقطع ونظيف جيبي قدر الضغط وترى اغلب اكلي اسويه فيه اختصار ويطلع لك عصارات الاكل ويساعدك على تقليل الدهون المهم احط اللحمه واضيف عليها البصل المقطع وفصين ثوم وقرن فلفل حار للي يحبونه وبهارات مشكله وم كركم وملح وهيل وقرفه صحيحه ومويه يادوب تغطي اللحمه بشوي واضغطيه ساعه الا ربع وبين وقت والثاني هزي القدر وانتبهي لايكون جفت مويته ويحترق اذا استوى خلاص يوكل مع رز ابيض او خبز بر

يارب تعجبكم طبخاتي وهنا وعافيه يارب ونحو اجسام رشيقه الله يزيح شبح السمنه عني وعنكم اللهم امين