بعض الأحيان الواحد جالس في بيته مرتاح يتفاجئ

السلام عليكم
لي صديقه قديمه جدا من ايام المدرسة لها سنوات
العلاقه رسميه جدا فقط بالأعياد والمناسبات نتراسل
أنسانه على نياتها وطيبه جدا وفيها فهاوه ونسيان
كتب الله وتزوجت صديقتي انسان متسلط ومتحكم الدرجة قال برفع قضيه على اهلك انهم كذبو علي وزوجوني انسانه مفهيه وغبيه يقصد صديقتي
اول شي طلب منها احذفي كل ارقام صديقاتك ومابي يكون لك صداقات ابدا
علمتني انه بتسويلي بلوك قلت الله يوفقك واهم شي زوجك ولاهمتني لانه العلاقه رسميه جدا وماتعنيلي شي فقط احترمها واقدرها لكن حتى قبل البلوك من العيد للعيد نسولف
اتفاجئ بدت تشيل البلوك وتفضفض لي من معاملة زوجها لها انه يسبب مشاكل ويفشي خصوصياتهم وعلاقتهم الزوجيه للناس بحجة انه يتشكى وكنت اهديها وقلت لها نصيحة وضحي له انك زعلتي لانه يفشي مشاكلكم للناس وقوليله اي شي بيني وبينك لايطلع برى
ومره من المرات جت تشتكي وقالت انه يكلم اخته من الرضاعه ويفضح مشاكلنا ويقولها عن كل شي يصير بيني وبينه وانه يوم جيت اكلمه عصب ووداني اهلي وان اخته دقت علي وقالت ان زوجك يقولي كل شي يصير بينكم وكلام كثير وتتدخل بينهم اخته من الرضاعه قلت يا فلانه اخته من الرضاعه هذي لا تكلمينها كثير وانتبهي منها وعلاقتها القريبه مع زوجك وانهم يسولفون في امور عيب الاخوان يتكلمون فيها هذا شي مره غلط طبعا هذا السوالف كانت تفضفض بالواتس وارد عليها
اتفاجئ اليوم تقولي زوجها يقول احد يلعب في راسك انتي احد مخببك علي انا برفع شكوى للمحكمه ضد صديقاتك
المشكله صديقتي ماشيه معاه تمام ولاضرته ولا رفضت ترجع معاه وكل شي ابشر وسم وحاضر على اي اساس تقول زوجتك مخببه الحرمه مطاوعته بكل شي يقولها يمين تروح يمين يقولها يسار تروح يسار انا خفت بكرا يتبلاني ولا شي خصوصا اخر فتره ترسلي كثير تتشكى انا يوم قالت محكمه وخرابيط خفت رغم انه واثقه من نفسي ماخببتها ولاقلتلها اتركي زوجك ولا زوجك مايستاهلك بالعكس كنت اصبرها تتحمله وتصبر وانه كل الرجال كذا لكن الشي الوحيد اللي خوفني كلامي عن اخته اللي بالرضااعه والله كاتبته لها واتس ورب الكعبه لو ياخذ جوالها يشوفه تصير مصيبه انا قمت اوسوس وسويت لها حظر وقلتلها خلاص فكيني من المشاكل مو ناقصه ياحرمه اخاف بكرا اطيح في مصيبه خصوصا زوجها مو سهل شكله مشكلجي لكن الوسواس لعب فيني لعب بس افكر
على فكرة اخته اللي من الرضاعة هذي حتى خوات زوجها الشقيقات حذرو صديقتي وقالولها لا تسترسلين معاها وحطي لها بلوك واذا دقت ننصحك لا تردين يعني حتى خوات زوجها شاكين في وضعها
المهم أنا خلاص تعلمت درس من اللي صارلي
ورب الكعبه لو جتني اختي تتشكى من زوجها حتى اصبرها او اهديها مااافيه بقول مدري عنك انتي وزوجك تتفاهمون يمه منهم الرجال مو طبيعيين انت انسان سلبي ومشكلجي وتحب الأكشن بكيفك بس مو تدخل بنات الناس في مشاكل معاك وانا من اليوم وطالع خلاص مالي دخل في احد ورب الكعبه صارلي يومين بس افكر اساسا انا غلطااااانه من قالت زوجي مايبي صديقاتي يكلموني المفروض انا احط لها بلوك وش ابي فيها اخلي تحط البلوك متى مابغت وتشيله متى مابغت وانا اللي اكلها بالاخير وتطيح على راسي