لا والله لا تحكموا ع الكل وموضوع الاخت فعلا صاير انا اشوف اخواتي وتعامل اهلي معاهم اللي متزوجه وتجيب وتحط وتعطي هي فوق روسهم حتى لو هي على غلط واللي مسكينه زين حصلت لها زوج مسكين يستر عليها من تروح يبدون يسبون فيها وفيه

صحيح احنا كذا الحمدلله اهل زوجي يحترمون اهلي ويحبونهم ونفس الشي يحبون زوجي ويعتبرونه ولدهم اللهم لك الحمد ويحسبون له الف حساب لان زوج بنتهم

والله يهديهم اللي اهاليهم مو مخلينهم بحالهم

ماعمري سمعت بهاذاالكلام بمجتمعي

اشبكم كاتبين مجتمعي ومامجتمعي خير ي جماعه كل مكان وكل قبيله وكل منطقه فيها الصالح والطالح حسستوني بكلامكم كل منطقه عايشه بكوكب ؟؟
انا نفس صاحبه الموضوع يمكن عشان والدي متوفي وكان منفصل عن امي وتزوجت وهذا انا حالتي حاله لمن اروح لها من ادخل الباب وربي مابالغت ماشوفه من كثر الطلبات روح سوي وروح اعمل صارو اخواتي وخالاتي كلهم يعلقو يقولو هذا زوجك ولا زوج امك بديت اضايق من جوتي احس نهايه الاسبوع ينكرف اكثر من وسط الاسبوع وجيب وحط وروح ودي وجيب ساعات ماتكلمني انها تبغاه اتفاجئ يجيني من الدوام اقوله بنخرج مكان يقولي لا امك دقت تبغي وتبغي وساعات يروح لها منطقه غير المدينه الي انا فيها ومن جد بديت اضايق وبنفجر قبل كذا لمحت لها انها لو تبي شي تكلمني ومره او مرتين سوتها وبعدها خلاص سحبت وصارت منها له خصوصا اني ترتبيت بعدين عنها من صغري علاقتي فيها مو قد كذا واقول الام ماعله واسكت نفسي واصبر نفسي لكن الين متي؟ انا كنت مريضه مرض مايعلم فيها الا ربي سنين وانا اعاني ماني داريه عن زوجي ولا مشاعر ولاشي ولمن ربنا عافاني احس ابي اعوض السنين اللي راحت والله صرت اوسوس اموت وانا ماتهنيت فيه وماني عارفه ايش اسوي ولا كيف اتصرف انا من النوع اللي اكل في نفسي وقلبي بس ماحب ازعل احد مني ماقدر ارتاح بنومي اجلس نفسيتي تعبانه وابكي لكن الوضع تعدي عن حده كثيررر ومادري كيف اتصرف

بالعكس مو كل الناس اهلهم مضايقينهم انا الحمدلله وماشاء الله اعتبر نفسي عايشه أميره قبل الزواج وبعد الزواج وحتى لما تطلقت ما تغير شي وبالعكس متعاطفين معي بالمره و واقفين معي من صغيرهم لكبيرهم انا وبنتي والبيبي اللي جاي بالطريق وانا مو موظفه ولا شي وطليقي رافض ينفق علي وعلى بنتي واهلي يصرفون علي وعلى بنتي ومرتاحه الحمدلله ما ينقصني شي الا يكون حاضر والحمدلله هذا من فضل الله . الله يعين البنات اللي متضايقات من اهاليهم والله يهديهم يارب .