السلام عليكم ورحمة الله وبركاته
يابنات اقسم بالله العظيم
اني اقول الحق …
انا ذكرت في العنوان بعض الخلطات الطبيعية مو كلها
اثارها الجانبية اصعب من اثار المواد الصناعيه .. لاانك قادره تتخلصين منها في لحظه
المقصد هنا لا تستبدلي الصناعي بالطبيعي ولكن انتبهي من بعضها فقط
ويعني تستعملي الطبيعي المخصص فقط للشعر
انا لي تجربة واحب افيدكم
انا شعري كان وش زينه مافيه اي مشكله غير تساقط بسيط بسبب فقر الدم
وفي البدايه قرأت خلطة عن الثوم وفوايده للشعر
ومدري وشو ، زي كذا تحضرين معك ثوم مهوس وتنقعيه في زيت زيتون
وتخليه فشعرك وتدعكين فيه فروة راسك .. وراح ينبت
الشعر بشده ..
طيب انا ماجا في بالي ان تساقط شعري بسبب حاجه في الدم
مالها علاقه بفروة الراس ...
وكان اجرب الخلطه هذي واستمريت عليها
الحقيقه كنت اتوهم ان نبت لي شعر جديد
ويمكن بعد نبت وماحسيت والله مدري
وحتى لو نبت ، شوفو النتيجه ايش
والاثار الي طلعت لي ...
طبعا ولو نبت ماكنت بستفيد
لااني وقفت عن هذي الخلطة
وبالتالي الريحة ماراحت
استمريت ثلاثة اشهر احاول اطير ريحة الثومن من راسي
يوميا ثلاث اربع مرات اغسل شعري بالشامبو
وماتروح الريحة
والله جاني اكتىاب وحاله نفسيه وانحرمت من القعده مع الاهل وصديقاتي
وكذا ... الحمد لله ماكنت متزوجة ذاك الوقت
وشعري اللي كان يتساقط قليل
صار يتساقط بكميه هائله بسبب كثرة غسله ويوميا
مااستفدت شي حتى لو نبت مثل ماقلت لكم
بعدين شفت وحده كاتبه عن الحنه وكذا
وانه مفيد ويخلصك من الروايح وغيرها
انا اساسا مااحب الحنه ولا ريحتها
بس علشان تروح ريحة الثوم قلت اجازف ابؤ المجازفة
وقسم بالله اني خليته بشعري لغاية ماجف وبالتالي غسلته ثلاث ايام علقت ريحة الحنه براسي وراحت ورجع شعري بدون ريحة ولاشي
ودعيت لكل وحده كاتبه وصفة الحنه
وقلت ايه هذي الخلطات ولا بلاش ..
طيب اعتمدت على الحنه بس بطلت اجرب،خلطات فيها ثوم وغيرها
طيب شعري جاف ومتعبني اذا اسويه سشوار
مايستوي بسهوله
جيت لمواضيع متشابهه في المنتديات النسائيه ومنقوله
بعد والله حرام كذا
يتكلمون فيها عن خلطات طبيعيه وماسكات للشعر
وبااسلوب مقنع جدا جدا
والبعض للاسف مايجربون الخلطات ويطرحونها
ويبغون بس النتايج او ردود
بالنسبة لي جربت خلطه من مكوناتها بيض وزبده
وانا الان اموت من الندم ...
البيض والزبده .. روايحها اهون من الثوم
جربتها تحت اسلوب مقنع جدا جدا ..
على اساس انها بتخلي شعري الجاف جوناااان
وروعة وهي بديله للبلسم وماادري ايش
يعني بصراحة حتى ماقدرت اقاوم وانا اقرا الموضوع وانا فاتحة الثلاجة
كل شي بالخلطه كان متوفر
وخليتها على شعري المده المعينه والوقت المحدد
وغسلته اربع مرات بشامبو
ومن يومها .... شعري تحول لشعر دهني .. مجبوره اغسله كل يوم
واكثر من مره ..
وفجأه تطلع لي ريحة قرف قرررررررررف بشعري
ريحة كريهه وخايسة جلست ابكي بكا قسما بالله تعبت نفسيا
وكل مااغسلها ماتروح ... قلت اجرب الحنه
جربت الحنه والسدر مافي فايده
الى ان اكتشفت ان عندي فطريات في فروة راسي
كلها جات بعد هالخلطة
الى ان توصلت الى شامبو يستخدم كعلاج ا
يخفي الريحه بصراحة
بس لازم استخدمه مرتين بالاسبوع لمدة شهر وبالتالي
مره الى ان اقطعه بالتدريج ..
لكن احسه مؤقت
يوم ثاني لازم اغسل بنفس الشامبو
وهو لازم بس مرتين بالاسبوع
وكانت الله يعزكم علي الدورة من استخدمته ثاني يوم انقطعت
واحس يأثر علي
فماعندي حل خلاص كل شي جربته الان بروح الى اخصائية
جلد و ان شاء الله تفيدني ادعولي
بس اللي حبيت اقوله لكم ان هذا تنبيه
انا ضحية خلطات .. اتركي شعرك زي ماهو او اتبعي خلطات معينه او مضمونه
ومجربة ، وسمعت ان هذي الفطريات بيئتها الفروة والشعر الدهني
وانا شعري تحول الى دهني فمجبوره اغسله كل يوم علشان
ما اسمح لها تتكاثر وانتو تعرفون التهابات الفروه ممكن تسبب مشاكل اكبر
اهم شي التغذيه الصحيه
وتحريك الدوره الدمويه بالتسريح
واذا شعرك جاف ادهنيه بالزيوت الطبيعيه الخاصة للشعر
انا استفدت من زيوت الخروع والزيتون واللوز والسمسم
بس الزبده دمرتني مع البيض
اتمنى اني افدتكم ولو بقليل
تساقط الشعر ونقص كثافته وقلة حيويته فى اغلب الحالات
يكون نقص فيتامينات بالجسم او حالة نفسية مرت فيها
اثرت عليها سلبيآ او سوء تغذية
و بد ال ما تقعد تخبص بها الخلطات والتجارب المفروض
تسوى تحليل شامل
واذا ظهر كل شئ سليم ساعتها تتجة للخلطات والتجارب
ولازم تحط ببالها ها الشئ اللى يناسبني
من الخلطات والتجارب احتمال ما يناسب غيري
وجزاك الله كل خير حبوبة على ذكر تجربتك