بعض الافكار للمخطوبة والمالكة و اسأليه عن تفاصيله و تدللي ..مثلا قوليله عمري خاطري تسوي سكسوكة ..تجرب تسويها على شاني ؟
اقدم لكم بعض الافكار اللي عجبتني وان شاء الله تفيدكم
مملكة يعني حلالك صح؟
فحطي هالشي ببالك
يعني لا تكونين رسمية واجد...ترى هالفترة فترة الدلع و الدلال والحركات
و لا تكونين جريئة واجد...خلي مفاجآت للزواج
تبين حركات دلع بالتلفون..سهلة تدرين ليش؟؟
لأنك مو قدامه قاعدة و ما بتحسين بخجل واااجد يمنعك من الكلام الحلو ....
يبغيلها لسان حلو بس
بقولك كم شغلة حاولي تسوينها لما يتصل عليك ..و كل مرة نوعي ...يعني كل مرة يتصل حاولي تطبقين شي من اللي قلته طيب ؟؟؟
اول شي ..القاعدة العامة ...الصوت يكون هااااديء بالكلام معه ..و دووم نعومة ..يعني كلامك و نبرة صوتك معاه غير لما تكلمين وحدة من صديقاتك او اهلك عرفتي
و خلي ضحتك دلال ...ضحكي بصوت واطي و نعومة ...طيب ؟؟؟
و خلي كلمات عمري و قلبي و حياتي على لسانك..هو حلالك
او دلعي اسمه..لوكان محمد قوليله حمودي قلبي ...يوسف ناديه يسوف عمري
أو قوليله يا محمد ....((اسمك ))...
مثلا لما يقول شي ..قوليله حاضر يا محمد سارة مثلا
الحركة الثانية ..خليه يتكلم و اسكتي و لما يقولك وينك..
قوليله بدلع معاك..بس سرحت بصوتك
أو قوليله فديتك صوتك
او قوليله اقولك بس ما تضحك...كنت افكر بصوتك
واسأليه عن يومه كيف بدلع
مو تقولين شخبارك؟
هذي شخبارك للصديقات و الاخوان
قوليله..عمري شخباره اليوم
شفتي الفرق بطريقة السؤال ؟؟
او حياتي كيف احواله ؟
او حمودها شمسوي ؟؟؟
و اسمعيه و حسسيه انك الصديقة و الاخت و العشيقة...
خليه ما يفضفض الا لك
و سأليه عن تفاصيل يومه..و نصحيه بدلع
مثلا لما يتصل الظهر..قوليله دلعي تغدى او لا
و الصبح طرشي له مسج مثلا قوليله..غلاها لازم يفطر..علشان فيه ناس يخافون على صحته ...
و لما تحسينه زعلان..و مو عادته بالكلام ((لاسمح الله ))قوليله الغلا مبوز اليوم ليش؟؟ ترى الدنيا كلها كشرت علشانه
و حاولي تفهمين شنو مشاكله و تدورين معاه حلول
و قوليله ابتسم..ترى بسمتك احلى..حتى شوف بالمنظرة
و لما يدق و يقول انا مزكم او مريض لا سمح الله..
قوليله فديت روحك يا كلي انا...
كنت حاسة قلبي مقبوض..الحين عرفت ليش
أرتاح لا تتحرك...اجيك اقيس حرارتك و اسوي لك شوربة..و اعطيك كاسة حليب ..
و كل شوية طرشي له اخذت بندول عمري..رحت الطبيب حياتي ..تدفى تمام عن البرد
حتى لو بس صداع...دلللييييييييييييييييييييله
و خليه يموووت فيكي
عرفتي كيف ؟؟
و ناقشيه بأشياء تخصك و تهوسه..
مثلا قوليله..عمري انا اليوم رايحة اتسوق...تمنيتك تختار معاي
او قوليله شنو تحب الوان البسها لك
او قوليله عمري خاطري اغير لوكي..شرايك؟
شنو تقترح و شنو تحب اسوي لك؟؟
و تدللي و هو يكلمك ..لما يتكلم بموضوع قوليله بدلع..يووه غرتي طولانه..او شعري مضايقني ..يصير اقصر منه شوية؟؟
و دايما خلي القياسات ترجع له..مثلا قوليله بقص شعري بس شوية ..قد نص صبعة الصغيرون حببي ..
و اسأليه كم سانتي طول اصبعك
خليه مثل الطفل يطالع اصبعه و دوخيه
و امدحي ضحكته لما يضحك..قوليله فديت ضحكتهم يا ناس
و لو قال لا..قوليله جرب مرة و لو مو حلوة تعال اضربني او عضني
او قوليله حياتي شعرك كأنه طولان شوية ..تروح الحلاق بكرة و تقصره ..و تطرشلي مسج قبل ما تروح و بعد ما تخلص حياتي
و لما يطرش..قوليله..طيب قول للحلاق بشويش على شعرك..بشويش ترى اموت فيه
و لما يخلص قوليه بمسج..نعيما يا القمر نعيما
هذي الاشياء سهلة .. و تخليه بينك و بينه رابطة:)
و تخليكي بنظره دلوعته و حبيبته و حياته^_^
ملا حـــــــــظه:
ممكن كمان للمتزوجات ياخذو الأفكااار هااااااي
ويسوووو تغييييييير في حياتهم الزوجيه^_~
تقبلو تحيــــــاتي:
فاقدة الوفا**