بعض الاقارب للاسف!

ي هلا بنات شخباركم ، بنات بفضفض لكم عن بنت خالتي ، انا اكبر منها بثلاث سنوات ، انا وهي مع بعض من الطفولة ومثل الصديقات ونلعب مع بعض واعطيها هدايا واغلب ذكرياتنا مع بعض، لما انا صرت بالثانوية صاروا خالاتي ينصحوني ويشجعوني عشان اجيب مجموع حلو وهذا شي طبيعي، وهي كانت لسا بسادس ابتدائي وما شاء الله عليها كل سنة تجيب من الاوائل،المهم يا بنات احسها دايم حاقدة علي ولما انا دخلت الكلية مرات ما اجلس مع خالاتي لما يجتمعون تجيني هذه بنت خالتي بالواتس تقول ترا خالاتي ينتقدونك ، اقولها اي عادي يبون مصلحتي لما يتكلمون بشي ما يعجبهم فيني، المهم هي كل مرة تنقل لي كلام عشان انا اتضايق من كلامهم ، وتبيني اكره خالاتي عشان ما يحطون اهتمامهم فيني مع انها ما شاء الله بنت متفوقة وكل مرة يمدحونها ويعطونها هدايا وتشجيع وما يفرقون بيني وبينها،المهم طافوا السنين وهي تخرجت هالسنة وكل حد يمدحها وانا وربي ع نياتي وباركت لها وعطيتها هدية ، تخيلوا عزمتها بيتنا وما تغير طبعها ، مثلا قلتلها هذا عطري شريته ما عجبني قالت بالعكس حلو ، وفي مرة قلتلها عندي صديقة طيبة من غزة ، قالت تخيلي يصير قصف وتموت! ودايما تمدح نفسها ولما انا اتكلم عن نفسي شوي خلاص ينقلب وجهها وتتضايق ،وامس جات لبيتنا قالت مو ناوية اضايقك بس صراحة امس خالاتي انتقدوك، تعبت منها ي بنات وربي ع نياتي كل مرة اسامحها وانا قلبي مررة طيب ،وحتى بنات خالاتي وبنات خالي والله ما يطيقونها ودايما يقولون لي لا تكلميها وسوين لها بلوك ، جد يعني اعوذ بالله منها طبعا مواقفها ما بتخلص ، شنو برايكم الحل لمثل هذه الاشكال