السلام عليكم
اهلين اخواتي
اليوم حبيت اعرض عليكم بعض التجارب والعادات التي كانت الوالده تسويها
الله يطول بعمرها
وانا اخذتها منها وبين قوسين قلدتها
اتمنى تعجبكم وتفيدكم
اولا
المكنسه الي فيها عصا
او المكنسه اليدويه
اخصص وحده منها لغسيل الموكيت والزل واخذها وهي جديده واعرض اسفلها للنار
بس تعرض يعني موب تشبين في المكنسه كلها
ههههههههههههه
بحيث يكون خشن اسفلها ينظف اكثر ويشيل الشعر من الموكيت بكل سهوله
وحتى لتنظيف الحمامات راح يكون احسن وانظف
ثانيا
اذا كنتي بعد تشطيف مواعينك تحطينها في بلاستيك من النوعيه هذي لين تنشف
نقلبها ونجيب سيخ شوي حديد نحميه على النار ونسوي عدة ثقوب فيها من اسفل حتى ينزل منها الماء
ثالثا
التايد بدل ما تضعيه على مجلى الصحون بكرتونه ويتبلل ويتقطع
فرغي علبة الملح وغلفيها وضعي التايد فيها
ولازم تكون مغلفه علشان ماتحطين في كبستكم تايد بدل الملح
:22:
جيلون المطهر حق الحمام الله يكرمكم اذا كان معدن ومركز
راح يصدي في الحمام ويخرب لك البلاط
جيبي لك جيك ماء فاضي وعبي ربعه مطهر واخلطيه بالماء وخليه في الحمام
وعلى فكره المطهر الي ريحته ومفعوله كويس لما ينخلط في الماء يصير لونه مثل الحليب
ما يصير لونه صافي
خامسا
لما نكون طالعين البر ونبي نتوضاء للصلاة او نغسل بعد الأكل
مانفتح جيك الماء كله
نسوي ثقب صغير بحيث انه ماتخلص المويه بسرعه والصغار ما يفضون الجيكات
وممكن نفس الغطاء كل ما خلص جيك تشيلينه وتركبينه على الجيك الجديد
سادسا
اذا جيتي تنظفين مكنسة الكهرب
وفكيتيها يكون جنبك كيس زباله تكرمون ابو ربطه
وتلبسين جونتي
دخلي الجزء الداخلي من المكنسه او قماش المكنسه
ويدك واربطي الكيس ويدك بالداخل وابدئي بنفظ الغبار بذلك لن يصلك اي شئ من الغبار والاتربه
واخيرا
عند الشوي او اشعال النار للشواء
افتحي علبة شوربه فرغيها في كيس وافتحي الجهه الثانيه ايضا
وعند تجميع الجمر ضعي العلبه الفارغه ستساعد كثيرا في اشعال النار
وبكذا نكون انتهينا
لكم ودي اخواتي