((((بعض )))) الرجال الخليجين المستهترين

بسم الله الرحمن الرحيم

نعم بعض الرجال الخليجين مستهترين ومن استهتارهم التهجم على المرأة الخليجية لانه يستهتر بامه وبخته وبزوجته وببنته لايخفى على الجميع ان بعض الشباب من اعداء المرأة الخليجية يطرحوا مواضيع يذموا فيها البنت الخليجية مره يقولوا مهي جميله ومر يقولوا انها مهمله واغلب هذا الكلام هو قدح وكذب في المرأة الذي هي امه واخته وزوجته لهذا يجب علينا ان نقف عند هذه الفكره الغريبه ونناقش شبابنا ونطلب منهم ان يفكروا في انفسهم هل هم كاملين ؟ واقترح في البدايه ان نفكر في الشاب عندما يخطب البنت يمثل عليها كل انواع التمثل ويخدعها في كلامه عن الاستقامه والمحافظه على اسرته وانه كريم وانه محافظ وانه متفهم وبعد الزواج تطلع الحقائق 00 تجده شاب مدلع يعني مدلع لو يبي يروح للسوبر ماركت ما عرف وش يجيب لبيته لو يحتاج لفنجال شاهي ما عرف يصلحه يسهر ولاكان عنده زوجه اذا قالت له ودني المستشفى او لبيت اهلها شال الدنياء على راسه ليه لانه 00 متربي بين امه وابوه متحملين عنه المسؤليه في كل حاجه ما همه الا نفسه وبس 00 لايمكن ان يفكر يصب لوالده فنجال قهوه او يروح السوق يجيب حجات البيت ولا ياخذ امه للمستشفى او يمشيها ما عليه من احد 00 الماء من الثلاجه تجيبه اخته ولا الشغاله ولا امه ! انسان اناني 00 اذا تزوج وجاله عيال الزوجه هي الذي تحمل كل المسؤليه من مراجعه المستشفيات للتطعيمات للمولود الى التسجيل لهم في المدارس اذا كبرو00هي الذي تقوم بكل حاجه يجيب مصروف البيت ويرميه عليها وبس ماله شغل بباقي الامور 00
الان اصبح المتزوجون من الرجال أقرب للصحة من العزاب واذا كانت الزوجه عامله فرح لجل توفر عليه مصروفها ومصروف عيالها ومع هذا يتدلعوا ويسمعوا زوجاتهم اعجابهم بالمذيعه فلانه والراقصه افلانه " اعزكم الله " احمدوا الله على النعمه والله ان المرأة الخليجية تصبر صبر ايوب عليكم على الزوج - على الاخ - على الولد الان الرجل الخليجي يجيب له سوق من احد الدول ب800 ريال او 600 ريال وهو الذي يقوم بالبيت ويريحه 00 ليه لانه مهو قد المسؤليه تجدهم يحرضون المرأة على احكام الشريعة وحدودها عندما يشوف المذيعه السافره ويجلس يشكر فيها امام زوجته مذيعه حقيره او مطربه احقر يقارنها بزوجته الشريفه العفيفه 00 طيب جميله مهما كانت جميله فهي للعرض الكل شبع من شكلها ومن عرضها لنفسها 00 زمان كانو الشباب يقولوا البنت الخليجية مهي متعلمه لجل كذا نتزوج من الخارج نبي متعلمه 00 طيب تعلمت ووصلت الى اعلى مراتب العلم 00 اخرجوها للعمل 00 الان يبون يخرجونها من دينها كيف لا 00 قديكون مع التكرر انتي ماي حلوه هذي المطربه حلوه وهذي الرقاصه حلوه 00 اكيد تبي تبحث وش تسوي لاجل تكون جميله في عيونه 00 تروح تعمل عمليات التجميل وهذا غلط لانه تغيير لخلقة الله 00 فيه وحده كررعليها زوجهاياليتك مثل المذيعه فلانه الى ان فكرت انها تعمل عملية تجميل 00 وبعد ما سافروا حطها في بلد في الخارج وهو راح يقول عنده شغل " الله من الصدق عنده شغل " المهم معها اخوها وو الدتها دخلت المستشفى وعملت عمليه لخشمها وشد لوجهها 00 لما طلعت من المستشفى صارت بنتها الصغيره تصيح وتقول لا انتي مانتي امي00 انتي المصارع الذي في التلفزيوان والله انها نحكي لي وتحلف ان البنت تتمسك بالمربيه وتصيح ابي امي ليه المصارع لبس ملابس امي 00 غيرت من شكلها وندمت لكن وش يفيد الندم بعد ما صار الي صار 00 وكله من زوجها سقيم العقل وهي كذلك 0والله يا فيه احداث وقصص وزوجات مساكين الوحده تبذل جهدها ومع هذا ما تجد من زوجها الا الا هانات الله يهين كل من يهن زوجته اواخته او امه لان المرأة في حاجة نفسية الى الكلام الزين

اكتفي بهذا القدر واطلب من الجميع المشاركه و ذكر ما لديهم ولهم الشكر
:(