زوجي صاير من يدخل البيت يبدأ يتحجج ليش هذا كذا وايش هذي كذا يبغاني زي الرجل الالي ماجلس ابدا حتى بنتي صغيرة توها بسم الله لاوسخت مايبغا توسخ لو اكلت بسكوته ووسخت يدها وصار شوي في الأرض فتات بسكوت يجن جنونه كأنه صاير مصيبة كبيرة.
تعبت منه احس جاب لي المرض صرت كل يومين رايحة مستشفى من يدخل البيت قالب وجهه وكل شيء مو عاجبه حتى انا بكبري احس صرت ماعجبه وهو اللي من زينه وش اقول وش اخلي بس ماتخلص عيوبه بس متحملته مافكر في مصلحتي انا افكر في مصلحة بنتي لانه ماوده يعطيني اياها لو اتركه وهالشيء جاب لي المرض زيادة .
كل كلمة يسويها مصيبة ويخلق منها مشكلة حتى لو رد عادي ع كلامه مايبغى ارد شكله بعد يقول ارادده يعني مدري كيف التفاهم معه احترت .
وين اول ماتزوجته ووين الحين مع ان صار عزواجنا تقريبا سنتين ولكن قاعدة أشوفه يتحول لزق شيئا فشيئا ..صرت اشك يتعاطى والا شيء ماعارفة ليش كذا نافخ روحه عليي طول الوقت ينافخ كاني شغالة عنده مايحمد ربه اني اطبخ له وتغسل ملابسه غيري حتى ماتعطي زوجها وجه ولاتدخل مطبخ ...وهذا مدري ليش شايف روحه على وشو وإذا زرنا أهله يسوي نفسه ماعندن مشاكل معاي وسعيدبن احنا يعني سبحان الله بس في البيت معاي يصير غير بس ينافخ يبغى كل شيء كامل مكمل وانا والله تعبانه حتى وقت تصير معاي الدورة اتعب منها واضغط على نفسي انظف وغيره ولايملى عينه مدري هو صاير كذا عشانه يخونني وشايف وحدة غيري والا وش سالفته صرت اكرهه وأكره وجوده من أشوفه جاي تجي الطاقة السلبية معاه يخلقها لو ماكانت موجودة انا وبنتي جالسة وش حلاتنا يجي بس ينكد علينا ولو ارد عليه مايعجبه ردي وإذا سكتت ماشوف الا واحد معصب وينافخ عليي ليش مارديت عليه.
احس بالذل من العيشة معاه مو طبيعي صاير جاب لي الكآبة يحاسب حتى على طفلة لو وسخت مسكينه توها حتى مامشت ويسوي نفسه يحبنا انا مستغربة من هالتنافض والنفسية اللي عنده .
حرفيا كرهت وجوده في البيت من يجي يخلق مشكلة وانا تعبانه مو ناقصة وجهه هالزق هذا مدري وش بلاني فيه احسه صاير منافق مدري شالحل معاه.
انا حتى ماراح اشوف ردود لان حالة ميؤوس منها وماله حل احس كذا بنفور كبير منه ليت بكون حياتنا حلم واصحى مهو فيها كريه صاير نكدي حتى إذا صار ساكت أحسه مايقدر يصير جالس ساكت لازم يسوي مشكلة معاي عن أي شيء حتى لو نملة المهم مانجلس مرتاحين ولايبغى اشكي له شيء ولااعبر عن شعوري هالشيء يضايقه بس هو يزن وكلشي مو عاجبه وانا اسمع وبس سبحان الله 💔💔