بعض السنين نجيب ١٢ خادمة ولا وحدة فيهم تبي تقعد عندنا

السلام عليكم
في العادة البيت يكون فيه خادمتين ودائما يبون يروحون المكتب ونوديهم ونجيب غيرهم ويقعدون شهر شهرين ويقولون نبي نروح وما يبون يشتغلون يقولون وقتنا كله شغل from wake up to sleep we are working ويقولون المدام دائم تهاوش فينا احيانا في السنة نجيب ١٢ خادمة وكلهم يبون يروحون بنفس الحجة هو فعلا صراحة البيت كبير واحنا كثير بس مع هذا كله امي واختي دايم يهاوشون الخادمات الي يجونا ما تركوا واحدة بحالها مع انه احيانا نسهر الى الفجر والبيت يكون عفسة وصحون شكثرها ومحافظ شكثرها والسفرة وسخة يقعدون الصبح وينظفونها يعني بصراحة ما يقصرون بس امي واختي الا البهدلة فيهم لين يروحون المكتب وعلى ذا المنوال تروح وحدة وتجي الثانية في السنة احيانا تجينا ١٨ وحدة
الشغل صج واجد خصوصا في رمضان يعني تجتمع اكثر العائلة اخواني وخواتي حتى المتزوجين وعيالهم فيكون فيه خمس وعشرين بادية للشوربة وخمس وعشرين صحن مكرونة وخمس وعشرين ملعقة واطباق ثانوية كثيرة غير الصفاري
وغير الحلى وغير السحور يعني صج كرف وغير كذا امي واختي لازم يبهدلونهم اذا تاخرو او نسو شي
طبعا اذا وداها ابوي المكتب يجي يصارخ على اختي ليه ترفعين صوتك عليهم ليه تكلمنيهم وهم قاعدات يشتغلون دائم نخسر فلوس على الخدم وتصير مشكلة كبيرة انا للاسف ما احد يسمعني اذا تكلمت كأن الي يتكلم هوا
شنسوي في ذي المشاكل وخصوصا رمضان جاي واكيد الي عندنا بيروحون خصوصا وان هم ذا الوقت كلموا ابوي اكثر من مرة وانهم تعبوا من الشغل يعني مشكلة جديدة جاية في الطريق