سلام بنوتات

ذكرى بصراحة ماعرفت وش معنى كلمتك

بس قمورة معناها

موصي الصحن يعني اغسلي زين


وانا مني هالكلمات

عسية غديك تلقينه


اجسّنه منلفز بالدالوب


كودوه يمر


انكسي جيبية


لبحت لبح


واتحدى من يحلهن :d

هلاااااااا عيوني غدير البنات

ماشاء الله راعيتها جبتيها صح .................

وجووووووده ::::::

عسية غديك تلقينه = عساك تلقين غداءك خخخخخخخ


اجسّنه منلفز بالدالوب = يمكن تلقينه منخش في الدولاب


كودوه يمر = يمكن يمر


انكسي جيبية = ارجعي جيبيه


لبحت لبح = انبح صوتي خخخخخ


هاه وش رايك فيني ههههههههههههاااااااااااي

أهلين طالبة علم
موضوعك صراحة شيق
أنا جمعت بعض المصطلحات شي اعرفه وشي سألت امي عنه

لوبي عمرك = اشتغلي
دراعه = فستان
تاوه= مقلاة
خاشوقه= ملعقة
مطبخية= قدر
ذبيه = ارميه
شيليه = احمليه أو ارفعيه
صفطي الملابس = رتبي الملابس
سنعه = تعرف كل شيء

وان شاء الله اذا عرف زيادة كتبت مرة ثانية

خساره مالحقتوا على قاموسي
نجدي ميه بالميه
ضاع مع العصابه
يالله راح اعطيكم كم كلمه
هقوتي = أظن
نتحرى لهم = نستناهم
حروتهم = وقتهم
عسيّه = تفقديه
تولمي =تجهزي
انطقي = اجلسي
هذا اللي اذكره الحين
اذا ذكرت شي رجعت لكم

مشاء الله عليك طالبه موضوع حلو
بس اقول بنات في اشياء عارفتها من كلامك وفي اشياء غريب فعلا

اقول رنا بجاوب على مصطلحاتك وقولي لي صح ولا غلط

لقطوووش 00000 اعتقد شيليه يعني حاجه كانت طايحه وقالولك شيلها من على الارض
وابرحي 000يمكن روح او جلسي
جمبري 000يمكن انقزي

اندكو يعني عندكم يمكن مو كتاكد

مطرش يعني ارسلي او وصلي

بنات بسالمك عن كلمه زهرانيه هي مغزوله وش يعني
انا اعرف وحدة زهرانيه ودايم تقول لامي يامغزوله
وكمان عندهم يعني كلمه بطا يعني تحت

مع اني ماني متذكرة ان مصطلحاتنا غريبه يعني مشاء الله شايفه انه موجودة يعني مافيه شي غريب بس سمعت زمان يعني من امي وجدتي كلام ولاني فاهمته ولااذكر وشو الكلام لو تذكرت شي غريب راح ارجعلكم



تحياتي