شكرا لمرورك أختي العزيزه الليل الهادي..

وإن شاء الله الوضع يكون للأحسن....

أخوكم المعماري رامي

بصراحه حبيت اشارك لان هذا الموضوع شاغلني من زمان وعجبني واااايد حتى اني لمن صممت بيتي خليت غرفة المجلس تكون عاديه جدا صح مرتبه وانيقه بس مو اكثر من كذا انا حتى استغرب في شغله المجلس وتجهيزاته الضخمه ومن ضمنها عمل تلفزيون كبير كسينما مثلا ويكون مطفي اغلب الوقت عشان الضيوف ما جايه تشوف التلفزيون انا مادري ليه نحن نحب نوصل رساله للضيوف انه نحن هذي امكانياتنا شوفو فرش غالي ومجلس كبير جدا ماخذ معظم مساحة البيت واجهزة كهربائيه ضخمه ترهق ميزانية البيت والثريا الكبيره اللي تكون بوسط المجلس اللي تعور الراس وتسوي حرارة فضيعه وبالتالي نطفيها هم بعد يا ناس نحن وصلنا للقرن الواحد وعشرين وفيه افكار لازم تتغير نحن اللي بنسكن مب الضيوف لازم يكون بيتنا مكان راحه ومتعه واستجمام اوكي ما اختلفنا المجلس ياخذ مساحه معينه من البيت بس انا نفسي نتعلم اشلون نستمتع في بيوتنا ونمتع اسرنا لازم نستفيد من البيت ميه في الميه لازم في غرفة اطفال لازم صالة العايله تكون ممتعه وحلوة للمه وفيه اشجار ومرتبه انا اعرف بعض ناس الصاله العائليه يكونو هاملينها يقولوا العيال راح تخرب كل شيء بالعكس انا عندي اهم مكان المكان اللي نتجمع فيه يكون منظم ورائع وبدل المبالغ الخياليه اللي تكون في مجالسنا خلينا نحط نصفها على الاقل في صالاتنا وغرف نوم العيال احلى شيء بالحياه انه ندخل الفن بامورنا الحياتيه حتى الصغيره منها

فعلا هذه غلطة يوقع فيها الكثير ..........بالنسبه لنا راعينا راحتنا في بيتنا اولا ثم راحة ضيوفنا لاننا نحن اللي عايشين في هذا البيت كل يوم ....والضيوف ما يجوا الا في المناسبات.

صاله المعيشه في الدور الارضي كبيييرة قسمتها عدة اقسام بس انها كلها مفتوحه على بعض مع وجود الخصوصيه التامة .....
قسم الجلوس ومشاهدة التلفزيون ومطله على الحديقة والمسبح 6م * 6 م , قسم طعام عائلي 3,5 م* 4 م , قسم لمزاولة اي نشاط مثل القراءة او الكمبيوتر 4م*4,5م , قسم لبوفيه صغير للتحضير ات البسيطة مفتوح مطل على المعيشه
الهول مفتوح على المعيشه 7م* 10م وفيه الدرج الدائري من جهه ومن الجهه الثانيه كلها شبابيك طوليه مطله على الحديقه والمسبح

((ومع ان فيها الدرج الدائري الا انه فيها خصوصيه لوجود درج خدمة جانبي ))
كل يوم وانا في هذه المساحة...........

والحمد لله نشعر براحة نفسيه كل يوم تتجدد .

اردي اني قرقرت كثييييييييير ...معليش بس حبيت اوصلكم الفكرة والصورة كامله

السلام عليكم ورحمه الله...

مرحبا بكي أختي العزيزه رتوووش ... وشكرا على مرورك

والله يهنيك بيتك.... وفعلا أتمنى أن يستفد الجميع من تجربتك...

انا بصراحه مهما كانت المساحه لدي فأنا استغل كل زاويه به
المسأله ليست في التصميم فقط انما في الترتيب والتنسيق
والغرف انا من اختار اين اضع الضيوف وكل انسان على حسب ضيوفه