بعض ما يسكن قلبي

بعض الأشخاص شر لك، يقيمونك بمكيالهم وكأنك دمية.
يجعلونك في مقارنة مع أنفسهم وكأنك عبارة عن شيء وأي شيء بدون قيمة، قيمتك تكمن في كونك مثلهم.

وجودهم معاك يقتلك، ويسلبك أحلى ما فيك، تحس حياتك ظلام، وكأنهم متفوقين عليك في كل شيء وما يكتفون بهذا. يضايقونك ويحشرون خشمهم في كل شيء يخصك وكأنه حياتك ملكهم مو ملكك.

وأنت تتوهم من مدى القرب ما بينكم، أنهم يحبونك ويبون لك الخير ويمكن فعلاً هذي تكون مشاعرهم. لكن أفعالهم تنهكك وأنت تعبان وتحس إن الدنيا كلها عليك من كثر التعب. تحاول تداري كمية الهم الي تسكنك وتخفيها وهم يلحقونك في كل مكان ولا يسكتون.

تحس انك محاصر بكلامهم ورغباتهم وأنت ولا شيء، قلبك بيوقف من كثر ما انك تعبت وتصارخ أنا تعبان أنا تعبان لكن محد يسمعك. ويمكن هم يسمعون لكن محد ممكن يهتم هم مهمتهم بس انك تتعب ويزيدونها عليك.

تحاول ترتاح بعيد عنهم، والله يكتب لك كل خير.