بعض مما عندي لكل شي خلطات تتبييض وتعطير وتطييب روووعه ..موظوع يونس وشيق

طبعا هالخلطات موبس اللي عندي عندي الاف وملاين والله يعني من سنين وانا اجمع وترى اذا ضاق خلقي اقعد اقرى مدري احس متعه حتى لو مااطبق لوووووووووووووووول
بس والله الاغلبيه مطبقتهم ومستفيده منهم وماانسخ الشي الا الموثوووق فيه :)

خلطات وتجارب البنات ..

1_ بالنسبه لبشرتي دهنييييييييييه ولازم من حب الشباب لكن اكافحها بالمر
طريقة المر:
خذي المر ونقعيه في ماء ورد وخليه 4ساعات وبعد كذا حطيه في اماكن حب الشباب وبتختفي اثارها باذن الله اسالي مجرب ولا تسالي طبيييييب
وفي الليل احب ادهن وجهي بزيت الزيتون واذا صحيتي من النوم وغسلتي وجهك بالصابون راح تلاحظي بوجهك نضاااره وبياض وصفاء جنااااااااااااااااااااان
والصابون اللي استخدمه لوجهي:اما الرغوه من كلين اند كلير او صابونة البابايا او صابون الكبريت (بسبب حبوب الشباب)او صابون ديتول

__________________________________

2_ المهم تخلطي أرز مطحون بماء الورد و تدهني جسمك كامل من ساسك الى راسك و تظلي بهاذي الخلطة حتى طول اليوم أو طول الليل إن كنتي استعملتيها بالليل ..هي غير مزعجة بتاتا و ريحتها طيبة و حتى لما ييبس الرز و يحت في الأرض يخلي البشرة بيضاء و ناعمة طبعا تقدري تتسبحي في أي وقت بس خليها على جسمك أكثر وقت
الرز مطحون ينباع جاهز
________________________________

3_ ثلاث قبضات من المراميه والقبضه مقصود بها قبضة اليد
قارورة زيت سمسم
جليسوليد
كريم كيلي الاصلي
فازلين كبير
كركم ملعقه كبيره ممسوحه
ليمونه
عطرمفضل بالتوله

الطريقه
حطي المراميه في قدر وخليها تغلي لين توصل المويه للربع تقريباً او اقل من الربع وبعدين صفيها
وحطي عليها زيت السمسم وباقي المقادير المطلوبه ماعاد التوله حقت العطر

وخذي جز من الكميه حطيه في علبه بلاستيك وتكون العلبه بحجم علبه الفازلين الصغيره

المهم اخلطيهم زين لين يتجانسو مع بعض واذا عزلتي الكميه الاولى اللي قللتك عليها خذي من اللي خلطيه وحطيه في علبه الفازلين الصغيره

والباقي حطي عليه العطر اللي بالتوله المفضل لديك واخلطيهم زين

اما بالنسبه للعلبه الصغيره خليها للوجه عشان تنعمين بوجهه مشدود وناعم وجميل وتحاربين الشيخوخه المبكره صدقيني يعطيك رونق جميل

واستخدمي المعطر للجسم طبعاً يومياً وادعوا مابي منكم الا الدعاء
وراح تشوف الفرق يا حلوين انا بصراحه جسمي صار شييييي بالسبه للجليوسيد العلبه الوسط
والعطر بالتوله اي عطر مركز ممكن تاخذيه من بودي شوب او نكتار او حتى محل لبيع العطور والبخور واي ريحه عطر انتي تفضليه وبلنسبه للماراميه ناخذ ماي المراميه فقط وحطي الخلطه بثلاج

________________________________________

4_ كل يوم وانتى تحت دش الماء الدافء ادهنى الصدر بزيت الزيتون الطبيعى اللى يستعمل فى الطعام
وتحت المياه دلكى الصدر وكيفيه التدليك خذى الثدى بين يديك اى تكون الحلمه متوسطه فى كف يدك وابدئى بتدليك باقى الثدى مده الربع ساعه وانتى تاخدى حمامك
وبعد الشهر تقريبا ان شاء الله تجدى ما يثير دهشتك وعجبك
وخصوصا اثنا تواجد الدوره الشهريه عليكى
وانشاء الله تنتفعن بها كما انتفعت بها

______________________________________

5_ بكتب لكم الخلطه هذي من المنتدي تخلي الارجل نعووووووووووومه ولا نعومة اطفال وكل من جربها انهبل عليها
وتقضي على الخشونه بوقت قياس يمكن بثلاث ايام وانتي تزحلقين على الارض

من جد يابنات انا عطيتها لاختي وبعد ثلاث ايام صارت اذا وقفت على السرير تزحلق من نعومتهن

بس عاد مو وحده رجولها مثل الابر من تحت وتقول ما طلعت النتيجه من ثلاث ايام

اللي مره رجولها خشنه بتبان النتيجه باذن الله بعد اسبوع بس البسي شراب وفوقه كيس
يعني الطريقه المعتاده وكلكم عارفينها
هذي المحتويات
خلطة لليدين و الأقدام
المقادير غير محدده ضعي أي كميه

. يوضع ماء الورد + اليمون + الصابون المبشور على النار حتى يذوب ثم أضيفي اليه بقية المحتويات . يكون قوامه كريمي يعني مثل الكريم العادي . إذا برد يحفظ في علبة . ويستخدم للقدمين ويلبس كيس بلاستيك وشرابات لمدة ثلاث ساعات ثم يغسل . ولليدين توضع قبل النوم.

__________________________________

6_ وحدة من خواتي تقول لي لوما أنتي أختي وساكنة معي في البيت وأعرف طلعتك ودخلتك كان قلت أنك مسوية تقشير حق وجهك من ورانا...(((((قولوا ما شاء الله تكفون)))))..
المهم يا قليبي آسفة على الإطالة و الخلطة هي:
ملعقتين كبار كريم جليسوليد+ ملعقتين كبار حليب بودرة+ ملعقتين كبار فازلين+ ملعقتين كبار ماء ورد+ عصير ليمونة صفراء كبيرة كاملة ... وبسسسسسس تستخدم مر واحدة ليليا قبل النوم مباشرة وتغسل الصباح ب((صابونة البابايا )) مع فرك بسيط للتنظيف بليفة بودي شوب اللي على شكل قفاز.. وتحفظ الخلطة في الثلاجة عشان ما تتأكسد وتخرب البشرة بدل ما تصلحها.. وبكذا يا حبايبي وصلت لرقبة ووجه ويدين موردين وحلوين و فاتحين..
الخلط تنخلط بالملعقة البلاستيك..

______________________________________

7_ والخلطة هي : تاخذين صابونة الببايا 3×1 الجديدة اللي مكتوب عيها للنمش والكلف ولونها برتقالي..طيب
تبشرينها وتحطينها بالخلاط وتصبين عليها نص بيالة ماي
وتاخذين زيت اللوز وتصبين منة شوية بالخلاط ولا تكثرين عشان ماتدبق عليك...واذا مامشا الخلاط صبي شوية ماي عشان يخلط
وتخلطينهم مع بعض وتصير رغوة وتصبين الرغوة بعلبة لين اليوم الثاني تهدي الرغوة وتصير ماي ..
حطيها بعلبة عصار فاضية وغسلي وجهك بالصباح ووقت النوم خليها بدل الصابون اللي تستخدمينة ..
حتي وقت الشور غسلي جسمك فيها...وربي يشهد علي ان بشرتك بتصير قزاز من الصفاء ولا بلمعة بعد..
وصابونة الببايا تقشر وتبيض وحلوة ..والتقشير راح يخفف الدهون اللي بالبشرة لأنها هي سبب الحبوب عندك..
وهذا حبيبتي ماأعتبرة سر بالعكس الا كل اهلي وجماعتي وصديقاتي قايلتلهم علية عشان احب الأستفادة للكل ...

__________________________________

8_سويها اذا عندج مناسبه واذا ماعندج مناسبة وتبينها كعناية سويها يومياً بليل قبل النوم وقعدي الصبح وشوفي البياض والنعومة والروووعه

والطريقة هي

غسلي ايدينج بصابون ويفضل الباباي او صابون عادي مو مشكله

بعدين فركي ايدينج عدل مدل بليمونه وركزي على المفاصل وفركي المده اللي تقدرين عليها

بعدين خلي يدينج تنشف والليمون عليها

وييبي سنفرة المشمش وفركي ايدج فيها عدل مدل

لحد ماتنشف السنفره وتتشرب
وغسلي ايدج في ماي وحطي كريم فير اند لفلي او جولسليد الاحمر

وشوفي النعومه والبيـــــــــــــــــــــــــــاض والله روعه انا عن نفسي تبين التنيجه فوريه ولكن الاستمرار احلا واحلا


هذي بعض وقلييل ونتفه مما عندي والله

والحين نجي لطرق التعطير والتطيب

كللل هالطرق جربتهم وروووعه

# 1_بودرة دهن العود....من أجمل.....صراحة يابنات ..من جد أنا كنت أستهين في هالبودرة..كنت أشوفها عند أختي الكبيرة....وماكانت تلفت انتباهي...لين قلت بجربها.وفعلا روووعة ريحتها بكل صدق اقولكم زي ريحتة دهن العود الكمبودي...وسعرها 15 ريال.


2#مبخرة(كهرب أو عادية)الكهرب أسرع.اما العادية نستخدم لها فحم صناعي + الولاعة حقت الفحم..تلاقونها عند محلات العود..

3# عود بخور من الي تفضلونة....او حتى بخورمعطر او معمول او بخور المسني الخ....


4# دهن عود..كمبودي معتق أو مبخر.....

.؛~؛اللحين نجي للطريقة؛~؛

بعد ماتتحممون.....ياسلام ياعيني ياعيني تخيلوا ريحة النظافة<<جب ...بيكون الجسم ندي حتى لو نشفتوة...ولعوا المبخرة علشان تحمى..... في هالوقت جيبوا البودرة..ووزعوها على كامل الجسم...
حطوا البخور اللحين وبخروا جسمكم كلة....


اللحين آخر شي....جيبوا دهن العود...وحطوة بمناطق النبض(الأماكن الدافية بالجسم).وورى الأذان...وعاليدين..ومفاصل الا اذرع .....الخ

اللحين البسوا ملابسكم المعتادة.....وتعطروا بعطركم المفضل.أنا أفضل كوكو مدموزيل معه.واااو روعة يطلع والنتيجة فتاكة..

______________________________________

2_ بقولكم طريقتى للجسم والشعر صج غريبة بس نتائجها روووعة,,, وثاااااااااااابتة ,,,,,, بعد ما تخلصين من حمامج العادى...... حطى براحة ايدج كمية من بودرة الجسم المفضلة عندج وخلطى معاة لوشن أوكريم ترطيب جسم عادى أو معطر وبعدين بخىىى عليهم من عطرج المفضل واخلطيهم عدل عدل وبجذية يصير لوشن ثابت ودهنى على جسمج كلة وتلقين عطرج المفضل ثابت,,مايروووح .................. وبالنسبة للشعر أنا عندى طريقة وهى مسحى العطر المركز أو رشى عطرج المفضل بفتحات السشوااار,,,ومن تشغلينة تلقين العطر يطلع مع هواء السشوار ويثبت بالشعر على طووووووووول

__________________________________

3_ الشاور جل من بودي شوب ((جوس اورنج)) والسكراب زبدة الكاكاو والاورنج ومعه كريم بس مااحاول استخدمه كثير عشانه معطر((استخدم اكثر كريم جلسرين الاحمر ومعه ليمون ))وبعد الشاور استخدم

العطر المركز من سكادا((نفس استخدام دهن العود)) لانه مرره ريحته قويه ورائع.......سكادا الفانيلا ((القديم)) وهوموجود عند ((اجمل))........وبالاضافه اني استخدم على ملابسي بس مخلط عود من الجنيد واحيانا ((حجر المسك المربعات)) بعد مااحط البيبي اويل افتتها بيدي وامسحها على جسمي كلها وبصراحه ريحته تبقى بالجسم فتره طويله لدرجة لما اتحمم ثاني يوم ريحته تطلع بالحمام كله ومااستخدم لوشن معطر لانه يسمر البشره

__________________________________

4_ أنا بقولج خلطة لوشن اسويها لنفسي والحمدلله ماتسود

أخذي علبة بيبي اويل ( جل ) من جونسون اللي تحسينها ثقيله

شوي وحطي بودرة جونسون مالت الجهال بعد لحد لما تحسنها صارت عجينه لينه

تالي اخذي اي دهن عود او خلطه تحبينها واخلطيها معاها.... انا احط الحجر الاسود

مالت القرشي... أول مااتسبح احط منها وعقب وجسمي شوي مبلول وفيه من الخلطه

اتبخر بخور عود... ريحتي تبقى حلوه لي يومين.. وجونسون معروف بالنعومه وبودرتهم

بعد تفتح مع الاستمرار
والكميه أنا احط العلبه كامله بيبي اويل جل واحط بودره لحد لما اشوفها

صارت عجينه لينه وبعدين احط اي خلطه ابيها فوقها

____________________________________

5_اليوم يبتلكم طريقه تخلي ريحتج ريحة نظااااافه وريحه منعشه وهاديه ورقيقه وفواااحه
مسك العروس ( من القرشي)
3- حجر مسك ( من القرشي)
4- بخاخ الجوافه (من فكتوريا سيكرت)
5_ماي ورد ( من جمعيتنا او جمعيتكم
6- بخور
اول شي عقب ما تاخذين شور وتتفركييين عدل مدل وتتسنفرين


نشفي جسمج عدل وحطي اذا تبين مرطب وديودرنت

ونيي حق طريقتي الحين

رشي على جسمج ماي ورد بالبخاخ او مسحيه بقطنه اذا ماعندج

حطي بايدج شويه مسك العروس وامسحيه على جسمج ومكان الماي الورد عشان يتوزع مع ماي الورد وحطيه اشوي مركز على رقبتج وايدج تحت الكف مكان النبض
وبعدين ييبي حجر المسك ابشريه اشويه بطرف السجين او القفشه وبيصير مثل البودر اشوي

وحطيه على جسمج وتحت الابط اشوي وورا اذنج

وييبي البخور وتبخري شعرج وجسمج كله

وبعدين رشي رشه خفيف بخاخ الجوافه لا تكثرين منه

ولبسي هدومج واستانسي بالريحه الحلوه

اي ويا حبذا لو ترشين عطر الور للشعر على شعرج لانه روووعه

وعليكم السلام ورحمة الله وبركاته
نبي بعد خلطات للشعر

وااااااااااااااو :42:
جزاك الله خير :26:

المكياااج

!_هاي البودرة تحطينها بدال البلاشر أو بعد البلالشر وتركزين على المنطقة اللي تبين تبينينها وتبرزينها

أنا أحطها على خدودي وتين من بشرتي يعني كلش ما تبين صناعيه ابي اشرح لكم اكثر تبين ان البشرة مسلط عليها ضوء في المكان اللي تكون محطوطه فيه

هاي البودرة اسمها
BELIIGHTFUL
IRIDESCENT POWDER/ PRESSED

من ماك


بودرة مضغوطه مب سايبه و هي لون واحد بس

وترى من يوم حطيتها كل اللي كانو يشوفوني كانو يقولون اني متغيره لدرجه ان بعضهم يقول انتي مسويه عملية تجميل شكلج وايد متغير

ويهي طالع منور و خدودي بارزة بشكل وايد كوووووول وحلو ماشالله

_________________________________

2_ تبون الشدووو يثبت لونه اكثر اخذي كريم الاساس الستيييك يصير لونه كحلي فرر ادور لكم ماركته اهووو للبروفشنال تاخذون اللون الفاتح اللي على وردي ووتحطين على جفونج ودار مدار العيين وتطقطقين علييه شوي بالبودره وتاخذين اسفنجه الشدووو وتبللينها شويه ماي تصير رطبه وحطي الشدووو وحطيه على عييينج راح يثبت ويعطيج اللون قوووي وتنفع لكل الشدوات قبل لا تحطين فيها اللون مسحيها بكلينكس يعني يادوب رطوووبه

والكحل القلم ممريه على الولالاعه وجنى التحديد مستحيل يروحون لاخر اليوووم

وحق تحت الحواجب اخذ قلم ابيض وامرره على الولاعه وحط لتحت الحواجب خط واخففه شويه بقطنه اذوون واييب اللوس باودر لون ابيض او اخلط بالفرشه ابيض وذهبي واحطط فووووقه انسسسسسسسسي يروح طبعا للحفلات

وقبل لا تحطين الحمره حطي كونسيلر وبودره سايبه وحطي الحمره بفرششه تطلع لونها واضح وثابتت
ملاجظه:
الفرش لتوزيع الشدووو وليس لوضع الشدوو
قبل لا تحطين المسكره اذا تبين رموش كثيفه اخذي الايلنر وترسي الفرشه من الكحل ومشي بالطول على الرمش سوي خطوووط واخذي الماسكارا مسحيها مره او مرتين لا تكثرين راح تترس فراغات الرموووش بالحكل تصيرلج احسن من اقدع ماسكارا

وفي نهايه المكياج اخذي بودره اضاءه بفرشه ضعيفه ومشي شوي تحت عينج وشوي على خط الخشم ونقطه على الحننج راح يعطي لووك حلووو

واذا انتي حاطه مكياج بني ببرتقالي او اسوود بوردي او كحلي وتبين فيه حركه اخذي قلم تريكواز اة قلم اخضر بلمعه ومرريه على الولاعه وحطي خططط بزاوية العين الخارجييه واخذي عود اذوون او اسفنجه وخففيه على الطرف والطرف الثاني ادمجييه مع الاسود او الكحلي راح يعطي لووك حلوووو

___________________________________

3_ اول شي لازم تغطين شفايفج بكريم اساسج العادي بس بشكل خفيييييف مو تلطيخ انتبهي
وبعدين تجيبين الشدو المطلوب مثلا وردي فاتح وباسفنجة الشدو الصغيرة تلونين كل شفايفج
وبعدين تحتاجين قلوس عصار شفاف انا افضل من ماركة لانكوم اسمة جوسي تيوب لأن جامد وثابت ما يسيح.. تحطين شوي على صبعج وتطبطبين على شفايفج بس لاتفركين
وبس.. واذا عندج قليتر من فورافر اسمة دايموند باودر اللون الفضي نثري على شفايفج يعطيج لمعة ما عمرج شفتيها واااااااااااااايد حلوة للأعراس

وفي شغلة ثانية بالنسبة للقليتر هذا .... بعد ما تحطين مسكرتج العادية .. حطي بصبعج شوي من القليتر ومرري صبعج على رموشج .. حركة حلوة وجديدة وتعطي لمعةو نظرة غامضة لعيونج الحلوة

________________________________

4_ اول شي انا مكياجي بسييييط وما احط شدووو كلش ملش... يعني اشتري واخليه منظر بس حق الاوقاات الحرجه ههه


اول شي احط مرطب مثلا : مرطب بودي شوب فيه فيتامين اي
او لوريال
او نيتروجينا او بيس

انطر شوي لمن ينشف واحط فاونديشن يا كلينك او ماكس فاكتور او ديرماكول
احط نقط على خدودي ويبهتي وحنجي
واسوي مثل المساج على الخفيف علشان اقدر انشره عاد بعدين انشره عادي باطراف اصابيعي
قبل لاينشف اخذ اسفنجة الكومباك باودر واحط عليها ماي وامسح فيها ويهي بس على الخفيف
يعني ما امسح الفاونديشن بالعكس انشره باسفنجة الماي
لمن تشوفونه اوكييييي
بعديين احط الكونسيلر دار مدار عنوني... عاد انا ماحط وايد لاني ماحب ويهي يصير ابيض
عااد بعدين احط كومباك باودر -----------------> ما احكطه بالاسفنجه لالالا احطه بفرشه الفاونديشن
مثل ماتحطوون البلاشر .. اترس الفرشه باودر وامسحها على فيسي وعلى عيوني وارقبتي
واللله بهالطريقه تشوفين ويهج صافي وتحسين انج مو حاطه طبقه ثقيييله واااايد
ادري بتقولون شلون مو ثقيله وانتي حاطه فاونديشن بعدين كومباك باودر!!!!
اقولكم بالعكس الفاونديشن راح يتثبت بالماي ويصير خفيف والطبقه بتكوون خفيف وطبيعيه والكومباك بعد طبقته خفيف وراح تعطي لووك طبيعي
عااد بعديين احط الكحل السائل.. انا استخدم سمايلنج وااااايد حلو واينن
احطه من فوق يم خط الرمووش
امده من زاويه العين الخارجيه ............. ههههههههه مايصلح لوووول
المهم لي نص العين.. يعني ما اخليه يوصل لي الزاويه الداخليه
وامده من تحت مثل طريقه فوق.. يعني من بره لي الوسط
ويي كنت بحط صوره مادري شصاار ماصارت
المهم
بعدين اخذ فرشه الشدو اللي تصير ضعيفه وقصتها مايله... انشاءالله عرفتوها واذا وحده ما اعرفتها قولولي احط صورتها
احط فيها ماي واخد الشدو الاسود .. انا استخدم شدو بودي شوب الاسود عجييييب
وارد ارسم الشدو على خط الكحل اللي رسمته من فوق وتحت وماااااا اطلع برره كللللللش
ومرات احط الوان شدو ثانيه غير الاسود
يعني اذا كنت لابسه زيتي احط زيتي فوق الكحل الاسود او كحلي او بني
بسسس هاااااااااااااا ما احط الوان فاقعه مثل البرتقالي او اي لون ثاني جذي لالالا انتبهوووا
لان المطلوب بس نعطي لون خفيف على الاسود
وبعديين احط ماسكرا مرات ريميل ومرات شيسيدو ومرات ريفلون او لوريال
واحط بلاشر برونز من شيسيدو او استي لودر او اي لون ثااني عادي
بس الصراحه انا بس احط برونز

يعني اهم شي بالطريقه اهيا طريقه الفاونديشن
يمكن بعضكم يعرفها بس حبيت اذكرها للبنات الباجي لانها طريقه حلوه وتحسينه بتم ثابت ومايسيح ولا يبقع واهم شي انه يعطي لوك طبيعي

______________________________

5_وحده قريبتي قالتلي انها تدهن وجهها بالكامل بالفازلين قبل ماتحط البودره المضغوطه او العاديه؟؟؟؟
بصراحه انا تعجبت لكن اللي شجعني اعمل هاذي الطريقه انو وجهها ماشاء الله روووووووعه..
وجربتها والنتيجة روووووووووووووووووووووووووووووووووووووووووعه ولا أحلى رغم انو وجهي فيه حبوب صغيره والله مابانت ولا تكتلت عليها البودره جربوها وماحتندمواااااااااااااااااااااااااااااااا