مشكورين خواتي كلكم

اولا انا دراستي الاكاديمية فنون
وهذا الشغل رسمته بالمدرسة اللي اشتغل فيها
الجدارية الاولى ممر في المدرسة
والجدارية الثانية غرفة التربية الفنية (غرفتي)

بعدين الطريقة سهلة
انكم تختارون رسمة
وعادي اللي عنده موهبة يرسمها عالجدار بقلم تخطيط
وبعدين تلوين عادي جدا بالالوان
انا مستخدمه اصباغ جوتن ( الزيتي المات ) على اساس يكون اللون قوي وما يبهت وممكن غسل الجدار
اذا اتوصخ من دون ما تاثر على الرسمة

وانا رسمت وايد غرف اطفال حق ناس وعندي صور وايد ممكن احط لكم صور غير هم بس في وقت ثاني

ويا خواتي الدقة والمهارة تيجي بالممارسة لازم تمارسين عشان يكون الشغل دقيق هذا فن مب سلق بيض
طبعا اللي بيرسم اول مرة مستحيل يكون مثل الانسان اللي يمارس
وحتى انا كنت من كم سنه موب لين اهناك بس الحين الحمدلله احسن وايد
لدرجة اني ارسم غرف واسوي تصاميم وديزانيات حق الناس
واي استفسار او خدمة انا في الخدمة

فرشاة رسم...شغلج أكثر من رائع ما شاء الله...قلتي انج رسمتي حق ناس و تسوين تصاميم و دزاينات ممكن توضحين اختي اكثر..اقصد...
هل بس ترسمين في غرف الأطفال ؟
هل تصممين أو تساعدين في ديكور البيت أو غرف الأطفال؟
ممكن الواحد يتعامل وياج بمقابل طبعا(الحق حق)؟
ممكن مب في بوظبي؟لأني في دبي و ياسين نبني بيت يديد و محتاره في الديكورات فهل من مغيث ؟

فرشاة رسم
عندي سؤال اول ما ترسمي على الجدار تبدأي على الجدار على طول
والا توضعي شيء عليه ؟ وايش اللون الي المفروض يكون لونه الجدار اول ماترسمي ؟
مشكووووووورة.

ما شاء الله علييييييج

يعني خبيره ومحترفه وهاويه

ياليت نشوف صور لرسمات اخرى

وموفقه عزيزتي

:26: