بعض نصايحي وتجاربي المطبخيه ارجو المشاركه

بسم الله الرحمن الرحيم

اخواتي من مننا مامرت بفتره تفكر في المسؤليات المتراكمه وقالت مته بغير نفسي وهاذا بضبط ماحصل معي

رغم اني جيت من بيت عنوانه النظافه ولاكن كانت الخدامه هي الي تنظف كل شي وانا كنت ماارفع البياله وجيت

لبيت زوجي مااعرف شي بس اول سنتين زواج كنت مهمله غرفتي دايم محيوسه مطبخي محيوس ثلاجتي

محيوسه بس اطبخ واغسل المواعين واكنس واجلس الغسيل مركم الكوي متراكم الجدران مشهبه الفرن وصخ

كنت مااعرف شي عن النظام والنظافه بس كسل وعجز وجا يوم وتعرفت على وحده ورحت بيتها لاحظت انه بيتها

يلق لق قلت بسوي مثلها لاكن خبرتي كانت قليله ومع الوقت اكتسبت خبرات منها ومن الي حوليني والحمد الله

تغيرت وتغيرت حياتي ويوم سكنت ببيت كبير زادت المسؤليه علي بس قدها وقدود وهاذي بعض الأشياء الي تعلمتها

اول شي لاتراكمين شغلك مثلا الثلاجه اخليلها يوم في الأسبوع ارتبها من الى وكل اسبوعين انظفها

الفرن من جوا انظفه كل شهر مره من جوا ومن الجوانب ولااخلي الوصخ يتراكم عليه بشهور

المطبخ بعد الطبخ مباشره والأكل امسح الطاولات والأ رضيه والعيون واغسله من فوق والجوانب وقزازة الفرن

ويد الفرن والمواعين اول بأول اغسلها مااخلي باالمجلى اي شي اغسل المجلى بعد غسل المواعين مباشره

بالصابون وافركه بليفه مع الصنبور والي حوالينها وامسح المكرويف والعلب والبرطمانات والي وراها والمجلى بعد

اي لحم او دجاج اغسله بالكلوركس وديتول وصابون وجدران المطبخ امسحها مع فك الشباك وغسله كل اسبوعين

وامسح المكيف ومسح دواليب المطبخ كل يوم من برا بس وومن جوا كل شهر والي تحت المجلى امسحه واقصدره

وكل فتره وفتره اغير قصديرته وامسحه بس مع تمسيح شبك البصل كل اسبوع وكل مره احط بصل جديد اشوف لو

الجريده الي تحت البصل نظيف اخليه ولا اغيره بجديده ويكون تمسيح الشبك بفوطه مبلوله فيها كلوركس وديتول

و اذا طلعت اي اله مثلا القطاعه ولا الخلاط امسحه بفوطه نديه فيها كلوركس وديتول بعد الاستخدام وادخلها في

مكانها داخل الدولاب بعد كل استخدام والقدر اذا ناشب فيه تحت اكل قراره يعني او حكوكه احط فيه مويه علطول

بعد الأكل واحطه على النار واخليه يلين واحكه بملعقه وافركه بليفه واغسله بصابون ولااخليه يخمر ابد ابد اكره

اني اخمر القدور يطلعلها ريحه بعد مخصصه قطاعتين خشب للخضار وبلاستك لللحم وبعد مااخلص منها اغسلها

علطول بكلوركس وخاصه الي لحم بعد كل استخدام

هاذا الكلام بس للمطبخ نجي للبيت كل شهرمخصصه يوم انظف كل من جدران بيبان تفريش موكيت درايش لمبات

يوم فوق ويوم تحت اشتريت كويه للكوي اخصص يوم للكوي ويوم اي مفرش كبير اغسله او اي بطانيه ويوم للغسيل

الملابس ومااخليها تراكم اذا امتلى لشبك اغسل اول باول وكل الي في السلال واحد ملابسي واحد ملابس زوجي

واحد للملابس الداخليه حقتي ومقسم ثلاث اقسام قسم لملابس الداخليه وقسم شربات بيضاء وقسم شربات

ملونه وغامقه

نجي لبعض الأفكار لترتيب والتنظيم وياما ساعدني منتدى عالم حواء وبنات عالم حواء وخاصه هاالقسم قسم الترتيب

والتنظيم

الدجاج مثلا اجيبه مره وحده وخليه برا واذا فتر شوي بس فيه شوي ثلج قطعته لحسب حاجتي وحطيته بكياس اللحم

ربطتها وحطيتها مثلا انصاف او ارباع وارتب للثلاجه ولي اي شي وكذالك صدور الدجاج كل صدر لحاله اقسمه

اللحم لمفروم اقسمه وامد كل كيس بحيث يصير مستطيل واجمعهم بكيس لحالهم واحطهم بترتيب في الفريزر

اجيب بقدونس اقطفه واغسله واخليه ينشف من المويه افرمه ناعم احطه في علبه بلاستك في الفريزر

اي خضار او جبن موزريلا افتحه احطه في كيس الي يغلق من فوق وارجعه في الفريزر ومن الخضار الفلفل الأخضر

الحار احطه فيه وباالفريزر والبزاليا والخضار المشكله والسبانخ واكياس البطاطس الجاهز للقلي اذا فتحتها الفها على

تحت واجيب عودين اسنان وحط في كل جنب وحده ادخلها واطلعها من الجهه الثانيه الدقيق والبهارات القهوه

السميد البقسماط البرغل الزعتر الطحين البر الماجي الأبيض السماق جوز الهند كلهامن الى هذولي احطها

في علب كبيره وصغيره حسب مقدارها وفي الفريزر وانا عندي فريزر اضافي لهذولي واللحم والدجاج في فريزر

الثلاجه مع بطاطس القلي والأشياء الي استخدمها بكثره زي الخضار عشان تصير قريبه مني

ليش اللحم والدجاج اقسمه والصدور عشان اذا طلع اي شي من الفريزر ورجعتيه تثلجينه يتغير طعمه ويصير

مهوب صحي ويمكن يصير في الكيسه مويه وتصب على اللحم الي تحته او توصخلك الدرج باالدم

وليش الأشياء الناشفه مااحطها بكياس لأنك بتفتحين الكيس وبتخلينه مفتوح وبيحوس عليك الباقي وبينكب

ويعدم الفريزر والخضار كذالك والجبن عشان اشوفه لو بحطه بكيس السوبر ماركة بنساه ويمكن اشتري غيره

ولاتنتهي مدته وانا مادريت عنه انه عندي واكبه وكذالك البرطمانات اعرف وش فيها ووش عندي وكل شي مرتب

نجي للمخزن اخزن دايم الأكل في رفين ورف للبلاستك اكياس الزباله وانتم بكرامه والسفنج والليف ورف اخر رف

للمنظفات والمبيدات عشان تصير بعيده عن الأكل واما رفوف الأكل رف لللمعلبات والبسكوت ورف للجلي والكريمه

والدريم ويب وجهه حاطه فيها ثلاث علب ثنتين كبار وتتسكر من الجنبين واحد رز وواحد سكر تاخذ عشره كيلو

وواحد اصغر للرز المصري اما الصابون تحت حطيت سطل زباله تكرمون وحطيت فيه كيس كبير صابون وجالون كلوركس

وهاذا الي عندي من تجارب وافكار واي سؤال انا حاظره وتراني اتكلم عن بيتي انه كبير وفيه مجال للتخزين واي

وحده عندها ملاحظه او حتى تبي تعلق على نقطه تبي تصححها ارحب با النقد بكل صدر رحب وانتم اخواتي

واكيد اي وحده بعد عندها معلومه تفيدنا ومجربتها تقولها ونستفيد منها وياليت الكل يشارك للفايده ويكون موضوعي

دايم رايته مرفوعه اقصد انه يرفع اقل شي بدعوه لي والأخواتي المسلمات المحرومات بذريه الصالحه والفايده تعمكم

جميعا

وشكرا