بعطيك طريقة تكفلين يتيم وتتصدقين وتنفقين وانتي مرتاحة حتى لو كان مدخولك المادي قليل

السلام عليكم


اعلم ياخواتي انه البعض منا يمكن نفسها تتصدق وتتمنى تكفل يتيم لكن تقف امامها عقبة وهي عدم القدرة يعني تقول مثلا منوين ابجيب 1200 ريال حق كفالة يتيم ؟

انا ابقولك تروحين وتكلمين ناس تثقين فيهم مثلا عندك خمس صديقات وكلكم ودكم بالخير وكفالة اليتيم ان شاء الله
وتجين وتقولين لهم وش رايكم ودنا نكفل يتيم وكلا يحط اللي بقدرته خمسين ريال
100 ريال 200 ريال ان شاء الله 30 ريال المهم يحط اللي معه
طيب والباقي من الفلوس كيف تجمعونها ؟ اقولكم عاد كل وحدة من ذولي اللي عندها ام ودها بالخير واللي خال والى زوج والى اخ وهكذا تسونها قطية بينكم
واذا ماعندكم احد وماقدرتو تكملون المبلغ خلاص اجمعو اللي موجود الحين وخبوه عندكم علشان ماتصرفونه وتحسفون وكل ماحصل لكم فلوس حطو عليه وصدقوني بهالطريقة تجمعون يمكن اكثر من المطلوب
وبكل مرة تنوعون مرة كفالة ومرة صدقة
وسبحان الله فيها تعاون على البر والتقوى

واي وحدة عندها طريقة تفيدنا وتعتبرها سبيل لها وتعاون على البر والتقوى