بعــــض المستاجرين مايخافون الله

السلام عليكم ورحمة الله وبركاته
انا اتكلم الحين بنيابه عن ابوي
مااقول كل المستاجرين كذا فيه كثيــر محترمين بس مروو علينا حالات غريبه
والله الواحد حتى يسال نفسه بيننا وبينهم شئ :confused:
تخيلو ابوي يتعب ويشقى ويعمر بيت وكم شقة فوق حتى يستثمر الشقق ويترزق الله فيها مع راتب التقاعد
يجي المستاجر وكنه حالف قبل مايدخل الشقة بيخربها ويطلع حرة قيمة الايجار فيها
اذا طلع مانستفيد شئ من فلوس الايجار نقوم نسمرك ونرقع بالشقة المعدومة :angry2:
ليش والله لو انها بيتك ماسويت كذا :dry:
تخيلي واحد من المستاجرين
البيت قالبه متحف كله مضروب بالدريل والمسامير محفر على جميع جدران الشقه
صور جنب بعض وتحتها رفوف مثل الدروج صغار< ديكور
ومضروبه كلها مساامير دار ماادار من كل جهه بجدران الصاله !!
حتى بيبان الشقة حاط فيها مرايات ومخرمها بالمسامير
وتلفزيون البلازما ابشركم انهم طلعو واهم الى الان محددوله مكان كل شوي مغيرين مكانه ويثبتونه بجدار
الاسطوانة تدربى على الدرج << متعاجزين يشلونها
وربي الدرج مكسر ومصدع وغير قابل للستهلاك البشري
الخلاصة بعد مااطلعو شقتنا مافيه شبر الا وفيه خرم مسمار مشوهه حتى البيبان مشوهه من الخرايم
اتقو الله في بيوت المسلمين