والله ينات الميزانيه على حسب راتب الزوج والي تبي التوفير والجوده تروح الهرم تراه روعه

الله يعين اتوقع من ٣ الاف وطالع

أنا اشتريت ملابس البيبي الين ثلاثة شهور من ستي بلازا واشتريت لي ملابس داخلية وقمصان استقبال من الضباء مول ومن واحة الجلابية ثلاثة ما كثرت أحب اشتر يالاشياء قطنية ومعقولة الاسعار وشيك في نفس الوقت وكمان اشتريت بانيو متوسط السعر والجودة للنونو وكلها ب2000ريال نسيت كمان اشتريت شبشب فرو جديد يمشي مع لبسي وكمان اشريت بجامات دافية لمن اكون لحالي
ولدي الثاني استفدت من اشياء اخوه الي قبله واشتريت له بعض الاشياء جديدة علشان افرح به اما الان لي ستة سنوات ما جبت فاتخلصت من كل الاشياء وما خليت الا اشياء بسيطة من اولادي الاولين ك\كرى فقط
هدا الشهر *****الله باشتري اعشاب واشياء العناية بنفسي في النفاس واشياء الصيدلية لي وللنونو وباقي شوية اواني بسيطة للتقديم بس اكمل الناقص واجدد بعض الاغراض ونفسي اسوي توزيعات للاطفال لكن باسويها بنفسي انا احب الاطفال واحب افرحهم وكلها اشياء بسيطة ومرتبة ماهو لازم اسويها في المحل الفلاني والعلاني كلها فشخرة كدابة
بقي حاجتين مفرش سريري وهدا ما اهتميت مره به اولا لان عندي مفرش فخم وشيك كان جايبه لي زوجي من فرنسا وله عندي خمس سنوات بس محافظة عليه مره ولونه سكري واصلا ما احب طول الوقت انام في السرير خاصة اني ماني بكرية
والحاجة الثانية الي من جد شاغلتني ومحتارة فيها هي سرير البنوتة محتارة اشتري السلات العملية الي في مدركير وستي بلازا ولا اخد شي دلع زي الي عند المفتي نفسي في شي بمبي ودلوع عشان هدي اول بنوته وفي نفس الوقت ابغى شي سعره معقول والاهم يكون جودة لان للأسف الاسرة الي بالتفتاة حتى عند المفتي شكلها حلو بس ما هي جودة
ياريت تعطوني ارائكم وخبراتكم في اسرة المواليد
باقي اقول لكم لاتنسو هدايا النونو في اشياء كثير ما هي مستعجلة ممكن اصبر الين اشوف الهدايا الي بتجي للنونو الله يجيبه لي بالسلامة والله محتاجة افرح بشي لي فترة وانا في ابتلائات الحمدلله على كل حال الله لايضيع تعبي ولاتعب احد يارب
دعواتكم واتمنى اكون افدتكم

بنات ياليت تقولوا بالضبط كم لبسة لازم تشتري وكم مفرش للبيبي وهذي الاشياء؟؟
يعني حلو لو وحدة تتكرم وتكتب لسته كاملة عن الاشياء الضرورية وكم عددها
ومنكم نستفيد

كلفتني ولادتي 2500 مع كل شيي حتى ملابسي وكانت كلها ماركات لكن اخذت المهم وطبعا راح تجي هدايا كثيييير