العادات والتقاليد تحدد الشي هذا وحسب المجتمع اللي انتي فيه يعني الصرف اللي انتوا تصرفوه نحنا لانه مجتمعنا متواضع لحد ما يعني توزيعات وهدايا للزوار هذي مو عندنا ابدا حتى عصير احيانا مو ضروري الا اذا كانوا صديقات او ناس اول مره يجون الاغلب قهوه وحلى وشاهي ومكسرات او معجنات
بالنسبه للام الوالده(النفاس )لبس نظيف ومرتب للايام الاولى قميص رضاعه حلو دانتيل وحركات ومايتعدى ال100 ريال والبقيه الاهل والجيران واللي يجوا اكثر من مره لبسك العادي النظيف والاغلب الوان فاتحه مريحه 0
البيبي لفات وبيت دانتيل وشرايط مو ضروري ماركه يعني كمان مايتعدى ال80ريال والباقي من داخليه وبجايم من الهرم
والاغراض الثانيه من الصيدليه ....وبس
الله يقوم كل حامل بالسلامه وتشوف طفلها في حضنها باتم صحه وهذا هو المهم000

بالنسبة ليه هذي تكلفة تجهيزاتي لحد الأن:.
ملابس النونو حق الشهر الأول ب1300ريال من(سنتر بوينت-أوكايدي-أوركسترا)
سرير النونو مع زينة للغرفة ب2800ريال من (محل كريستال)بعدين أنزل الصور شئ يجنن
ملابسي أنا عبارة عن روبين حق الرضاعة وملابس داخلية تقريبا ب750من(محل فلور)
للتوزيعات لحد الأن كلفتني 2000ريال(بالمباشرة كاملة )
وأخر شئ انا ماراح أحط سرير في غرفة الإستقبال حطيت أريكة (شيزلونة)أخذتها ب700ريال
وعاد شوفوا ايش يطلعلنا الله يعين بس أمانتكم تدعولي إنه يجي سليم معافى وأنا كتبت التكلفة عشان هذا موضوعكم ليس إلا لاتفهموها شئ ثاني.

واللهي انا للحين خسرت حوالي 4500 اغراض البيبي مع قمصاني انا بس توني بقى توزيعات البيبي وبقى اشياءه من الصيدليه وسرير البيت

اخذت له سرير صغنون وزينته للاستقبال بس اما البيت ابي له من العاديه وتوني ماشريته

وبس

اناودى اجهز شى زين النفاس بس زوجى
راتبه 4000
كيف اقدر احط زينه فى المستشفى
وكيف اجهز لى لمقضى النفاس غير التوزيات وهدايا النفاس

هل اتنزل عن بعض الامور ام لا
ساعدونى بافكار استطيع اجهز نفسى
ولان اهلى واهل زوجى دايما يتكلفون ولا اريد ان اكون اقل منه

اول شي موضوع زينه الكستشفى انا مو مقتنعه فيه مع اني بكريه وصار الحمل بعد سنتين والكل فرحان فيه والله ماما لو بس اشرت على شي تروح تجيبه بس ليش اجيب شي مو مقتنعه فيه
والتوزيعات للناس برضو مو مقتنعه فيها ممكن استبدلها بشوكولاته فخمه من اللي تجي عليها مجسمات رضاعه او نونو ولونها على حسب جنس المولود وبس مو لازم شي ثاني منها شوكولاته ومنها تعتبر توزيعات
شخصيا ماحسبت كم كلفني النونو لانه اخدت اغراضه مفرقه بدايه من الرابع يعني امشي اشوف تلاته فنايل تجي سوا بسعر رخيص اقوم اخدها
وهكذا
بس تقريبا ملابسه كامله بلفاته بالبطانيات بكلوا كلفت 2000 او اقل بشويه واغلبها من سيتي بلازا مع كم قطعه من محلات ماماز وباباز
السرير من ستيني بلازا ب1140 تقريبا مع المفرش حقه وصل 1400 تقريبا
وانا مااشتريت كده وخلاص اخدت لفه على كل محلات الاطفال ولقيت اسره ب600 وارخص بس خشبها جودته مره منخضه تحسيها خفيفه ممكن لو دفيتيته من مكانه ينكسر وانا قلت اشتري شي غالي اخليه للبيبي الثاني ولا اني اشتري رخيص وارميه بعد شهرين
والسرير واغلب الملابس كانت هديه من الوالده وملابس حملي اغلبها الوالده جابتلي هيا حتى فستان الحمل اللي عيدت فيه هديه بس لو انا اشتريتها لنفسي كانت حتكلفني 2000 او اكتر
بس اخدت لنفسي جينزين وكم بلوزه من مصروفي العادي
واغراض النفاس اخدت ب870 من واحه الجلابيه قميصين باروابهم وروب منفصل مع شبشبه وتلاته استرتشات بيضا تحت الارواب وواحد اسود ابغى اخليه لمن ابدا امشي
وناويه اجيب كمان قميصين على كم بيجامه وقمصان قطنيه عاديه واجيب مفرش سرير للمشتسفى بس للبيت ماحاجيب اللي موجود احلى وافخم مو لازم شي جديد وخلاص الناس مو داريين ايش كان موجود اصلا عشان يعرفوا دا جديد ولا قديم
واغراض النفاس نقول 500
والصيدليه انا كنت اول مااجمع مبلغ سواء عيديه او مصروف اروح اخدلي كم غرض من الصيدليه اعرف اني احتاجه بس اتاكد من تاريخ الانتهاء واشتري وريحت نفسي ووفرت على نفسي لانه بالتدريج ماحسيت بالتكلفه
وللمستشفى صحت شوكولاته فخم من باتشي وصحت تمر فخم وبس مافي داعي لاكثر من كده
ونفس الشي في الزياره شوكولاته وقهوه وعصيرات وفطالير لاتوزيعات ولاغيره والمجسمات اللي تيجي معاها حلازه اجيبها في حاله سويت سابع ممكن
ونايوه اجمع كل المبالغ اللي حتجيني هدايا واي مصروف يجيني او مبلغ عشان اسوي نيو لوك بعد الولاده واتصنفر واشتريلي كم بيجامه وقميص جدد على كم مجموعه جسم من عطورات وشاور جل وبس مع ملاحظه اني مو كل اغراض البيبي اخدتها من عمر صفر لتلاته شهور نوعت واخدت كم غرض من تلاته لسته احتياط
وماكترت قطع صراحه تعتبر كافيه يعني في حدود ال12 طقم وكلها بربتوزات وبعضها بنطلون وبلوزه على شكل بجايم لانه جاي في شتا اخدت بجايم تقيله واربعه بطانيات وسته كافولات او خمسه وتقريبا سته فنايل داخليه واربعه طواقي وقفازات تلاته ممكن وهيا كانت اقل بس حذروني ان البيبي في البدايه يكشط ويطلع كثير لازم تغيريله اكتر من مره في اليوم عشان كده زدت من المراييل اللي تنحط عالرقبه قلت عشان مااضطر اغير كل الطقم لو طلع وعموما اهم شي تنوعي في المقاسات وتحافظي عالملابس وتغسليها بصابون الوزير ويفضل عاليد عشان ترفعيها للبيبي الجاي وتكوني استغليتي الصرف صح مظبوط
بنات الهرم اللي تتكلموا عنه اللي هوا في جده
نفسي اروح الهرم بلازا اللي في المدينه اشوف اغراضي انا اللي ناقصه للنفاس بس مااعرف كيف بضاعته اللي دخلته تقول ممكن اكمل يجامات وقمصان منه بدل مااخدت من مكان ثاني خلي واحه الجلابيه اشياءه للاستقبال فقط