اهلين بكل الحوائيات
تعالوا نجمع بهالموضوع احلى الافكار او الاقتراحات سواء عملتيها ببيتك او شفتيها ببيت غيرك
المواضيع اللي تذكر الاخطاء في التصاميم كثيره واستفدنا منها مشكورين
بس تعالوا نبدع ونفيد بعضنا ونتميز
اببدا انا ..
احنا لسه بطور التصميم وبذكر الشغلات اللي بسويها باذن الله واشوف انها حلوه ..
_ بالنسبه للدرج عملت درجين واحد لنا وواحد منفصل للخدمة وله فوايد كثير
_ اهتميت تكون الحديقة الاساسية والمسبح للبيت خلفية علشان انبسط فيها انا واخذ راحتي بخصوصيه فخليت الارتداد الاكبر للبيت من الخلف
_عملنا تاسيس للمصعد حتى لو ما تركبونه من البدايه بس اعملوا له تاسيس بالتصميم ماراح يكلفكم وركبوه بعدين لو بعد 10 سنوات وقت ما تحتاجونه على طول بدون تكسير وبهدله
_ عملت مطبخين ديرتي كتشن وكلين بس الكلين سويت غير الناس خليته صغير لاني عارفه انه بيكون مجرد شكل للناس وناويه احطه بس ارفف وطاولة خدمه برخامه للسيرفيس فقط والديرتي عملته اكبر لان بيكون كل الشغل فيه
__ عملت اوفييس بالدور الثاني واستغليت المساحه اللي ورا الدرج من فوق وحطيته فيه
_ بالنسبة لغرفة النوم فصلتها جزئين حطيت اللي بالمقدمة الجلسه والثانية غرفة النوم وهذي بنظري لها ميزتين الاولى خصوصيه يعني اذا انفتح الباب الخارجي ينتفتح على الجلسه احسن والثانيه اذا حابه عندك شغل او احد سهران ينعزل بجلسه ولا يزعج الثاني
_ طبعا عملت حمام لغرفة النوم وعملت غرفة ملابس وحطيت داخلها حمام صغير بس فيه شاور شفت هالحركه ببيت واعجبتني جدا
_ عملت غرف النوم كلها بحمامات مستقله افضل
_بالملحق الخارجي باسس من البداية باحد الكورنرات لاوفيس صغير يخدم الشباب بعدين ان شاالله
_ بالدور الثالث حطيت غرفة خاصه بالغسيل والكوي وجنبها غرفة تخزين ودولايب للملابس غير غرفة الخدامه
_ حطيت غرفة الالعاب بالدور الثالث اول ما تطلعين من الدرج اسهل واشرح للعيال وكبرتها وخليت فيها شباك كبير يعطي المكان شرحه ونفاه
بالنسبة للحركات اللي قد شفتها ببيوت وعجبتني بس احترت احطها او لا
_ شفت في بيت منزلين سفرة الطعام نصف دور مو قبو لا بس نص دور حولي 7 درجات ومسوين قبالها حديقة خلفيه مفتوحه طالعه واو
_ بعد شفت الدرج الرئيسي يوقف بين الدور الاول والثاني واحطين جلسه صغيره حوالي 4 *5 حلوه وتعطي مساحه يعني صالة معلقة بين دورين
_ شفت بعد الملحق الخارجي مسويين فيه درج ينزل لقبو وهالقبو برضه له درج ثاني على الحوش تنفع هالحركه مقلط او مستقبلا للشباب بعدين
_ شفت بعد ببيت احد الغرف ملبسينها كلها مرايات مخلينها جيم للبيت والحمام تبعها سووها غرفة ساونا
وفي كثير حركات ان شالله لي عودة اذا تذكرتها
بانتظار افكاركم
دريم ديم @drym_dym
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
ماشاء الله
يعطيك العافيه على هالموضوع ..