كيف حالكم بنات ان شاء الله كلكم تكونو مبسوطين..مع الاجازة..
موضوعي اليوم بعيد عن الزوج والاولاد والمشاكل ..
نبغى نتكلم عن براءة الطفولة او شيطنة الطفولة والمصايب اللي كنا بنعملها..مع اخوانا او عيال الجيران...:tongue1:
اقصد الحوسات وتخريب الاشياء ..ايش اكبر عمل شيطاني اجرامي عملتوه وانتو صغار..
وانا ببدأ..احم احم اولا انا مافي اعند مني ولا اشغب مني كنت اذية جننت امي وابوي ..
الموقف الاول
هذا الموقف مااذكرة انا امي قالته لنا طبعا كنا بعمر 3و2 انا واختي..امي راحت زواج وخلتنا مع ابوي بالبيت وابوي كان يتفرج عالتلفزيون واحنا هدووووووووووووووووووووء قال اكيد نامو..
لما رجعت امي ..الا عالكارثة انا واختي فوق التسريحه حايسين بالارواج حوس اللي ماكول واللي مشخبط بالمرايا واللي صار عجينه الله يخلف..وفوق هذا كان في 500 فوق الرف ماسلمت اخذناها وقصصناها بالمقص وخليناها فتافيت:icon30:..((الحياة حلوة))غير الحفايظ اللي شلناها وسوينا بوبو في انحاء المكان...
مادري كيف امي تصرفت ذاك اليوم بس اللي متاكدة منه انها مانامت الاو500 الجديدة تحت المخدة...هههههههه
الموقف الثاني..
كنا كبار نفهم واذكر هالموقف زين..كنا في الحوش نلعب وجاتنا فكرة جهنمية ليش مانسوي كيكة...
وبدأ مشروع الاذاوة اول شي تفرقنا انا واختي المصون انا رحت بيت جدتي وهي راحت بيتنا..وجبنا الدقيق كله واخذنا طشت كبير وعبيناه موية وحطينا الدقيق وبدينا نعجن ونعجن وماش..ماضبط العجين لين مررررة ومليااان موية يحتاج دقيق..وطلعنا عند الجيران فوق وصرنا نشحت دقيق وقالت عجوزتهم وش بتسوون فيه قلت جدتي بتسوي كيك كثير حطيتها بجدتي..خخخ
المهم ظبطت العجينه وشكلناها وانظم اخوي الصغير وكان شغلته يسوي سكر مطحون للكيك طبعا اخذنا طباشير ودقيناها بالمدق وحطينا السكر فوق الكيك ..ولما خلصنا ذقنا الكيك وعععععع طعمه خايس في هذى الاثناء صادتنا جدتي واخذا علقة ماننساها..:icon29:
هذي اقوى شي وياما وياما قصينا ستاير جدتي وياما كسرنا تحف ابوي كان ابوي يجمع اندر التحف يدفع فيها دم قلبة..وكسرنااااها كلها واذكر مرة كسرنا عطور امي كلها
وهذا الموقف اخوي البطل ..
ابوي سافر الهند واشترى عصفور نادر نتيجه تزاوج الكناري مع البلبل مدري شسمه المهم صوتو كان موسيقى ..وابوي كان يحبة وحتى العصفور متعود علينا نفكة من القفص وياكل احيانا معانا بالسفرة هههه:13:
المهم تخيلو الموقف طيب ..ابوي مندمج بالمسرحية ..الا اخوي جاي صاروووخ بابا توف العصفور نايم من اول وانا ابغى اصحية مايصحى طبعا العصفور ماسكة بيدة بقوة وخانق ابوه والعصفور مااات واخوي يهزة بيدة وابوي وجهه كذا :eek:وراس العصفور يروح يمين وشمال ...والله ابوي بكا علية كان يحبة..
وهذا اخر موقف واقوى شي ...اعذروني عالجرأة بس موقف خطييييييييييييييييير ..
كنت بصف ثاني وفتحت درج ابوي ولقيت الواقي الذكري وخذيته وفتحته وحسبته بلونه ونفخته وربطته ودخلت على امي وابوي وقت الغدا وكان في جدي وجدتي يتغدون معانا قلت بصوت عالي بابا ليش ماتقوللي انك شريت بلالين وماتعطينا وقعدت العب بالبلونه..
كل اللي اذكرة امي نطت بقوة وعطتني ذيك القرصة اللي بباطن الفخذ((لمن لايعرفها هي قرصة اليمه بباطن الفخذ تترك بصمة بنفسجيه وتخليك تشهق من الالم ولاتستخدم الافي المواقف اللي فيها احراج امثال الموقف السابق)):11retcher
هههههههههههه خلاص خلصت هاتو ماعندكم واتحفونا بمواقفكم....:cool:
يلزم عليك تسجيل الدخول أولًا لكتابة تعليق.
هههههههههههههههههه هههههههههههههههههه
موتيني ضحك............... حاولت أتذكر مواقف طفولتي بس للأسف ما يحضرني آي موقف
موتيني ضحك............... حاولت أتذكر مواقف طفولتي بس للأسف ما يحضرني آي موقف
الصفحة الأخيرة
ضحكتيني الله يسعدك
مواقفك تحححفة
لي عودة لما اتذكر مواقفي لي ان شاء الله