بعيدا عن العاطفه أرحب بعقولكم النيره

السلام عليكم حبيباتي بنات عالمي الرائع عالم حواء

بغيت أفضفض لكم شوي من جد كتمت في نفسي لين قلت بس أنا بيني وبين أهل زوجي سوء تفاهم وماصرنا نجي بعض أنا وأم زوجي وأخته أخته تصطفل متزوجه وبعيده عني بس أمه جنبي ساكنه في شقه جنب شقتي هيه أرمله ومن يوم تزوجت ولدها وهي معنا في نفس العماره بس الحمدلله هي لها شقه بس وربي تعاملها تعامل وحده ساكنه معنا مو جنبنا الموهم


صار بيني وبين بنتها سوء تفاهم عشان بنتها عندها بنت وبنتها هذي بس تضرب في بنتي وبنتها أكبر من بنتي بسنتين الموهم مره من المرات ماقدرت أسكت مليت من كثر السكوت بنتها بس تضرب في بنتي ليل ونهار كل ماجات وكل مره نقول جهال مايدرون عن حاجه وصغار وووووالخ الموهم مره من المرات جات أخت زوجي عند أمها وأمها كانت في زواج وكنا أنا وزوجي برا ولما درينا إنها لوحدها في بيت أمها قلنا صعبه تقعد لوحده بنروح ونتسلى معها ونسليها ورحت شقتي ولبست ورحنا عندها أنا وزوجي وسلمت عليها وجلسنا نسولف ومادريت إلا بالصقع وأنا أروح وأنا أشوف بنتها تصقع راس بنتي بالجدار وتضربها وبنتي صغيره عمرها توه ماجاء سنه ونص وهي تجي بنت أخت زوجي عند أمها وأمها وربي ماسوت لها شي بالعكس تضحك لها هذا ياطويلات العمر معناه إن الأم راضيه عن إن بنتها تضرب خلق الله بس ماحديضرب بنتها وإذا أحد ضررب بنتها تتكلم عليه وتضربه وأنا أجي يوم شفتها ساكته وبالعكس تشجع في بنتها وأنا آخذ يد البنت وأضربها عليها وأقول لها مره ثانيه لاتضربين بنتي وأمها تطالع فيني وهي تدقها زعله وبكوه الأخت حساسه وتتكلم نقولي عيني عينك تضربين بنتي طيب إحترميني وهذي قلة أدب ومن هالكلام وأنا قلت لها والله إنتي تبغين بنتك تضرب خلق الله وهي ماتنضرب تبغينها تسيطر ع الناس وتمد يدها حتى الناس عندهم إيدين بس بنتي صغيره وإلزمي حدودك إنتي وبنتك حتى لو صغيره حتى بنتي صغيره وهي تقوم في غرفه ثانيه وأنا وزوجي نروح لشقتنا ولما جات أمها وهي تعبي راسها ع قولتهم ضربني وبكى وسبقني وإشتكى

أمها دقتها زعله مع بنتها وماصرنا نجي بعض ولانسلم ع بعض لنا شهر كامل طيب وربي لو أنا الغلطانه ع أم زوجي وربي لأعتذر بس لاغلطت عليها ولاشي هيه دقتها زعله مع بنتها طيب لو قالت اليوم الثاني لنا تعالي يافلانه ويافلانه تزعلون ع بعض عشان عيال طيب لو صالحتنا ع بعض ولا ع الأقل لو قالت حتى بسمع السالفه من حرمة ولدي مو تروح تسمع من بنتها وتدقها بزعل معها ...............ع العموم

هذي قصتي وحبيت أفضفض لكم وربي حتى هلي مادروا بالسالفه بس مليت من التفكير مو عشانهم عشان ربي ماأبغى أموت وأحدشايل علي لا قدر الله وللمعلوميه أنا دايما إذا غلطت وربي ضميري يأنبني ويتعبني بس بهالسالفه بالعكس مرتاح ضميري بس حبيت آخذ رايكم وشوركم ويابنات ياليت تحكمون عقولكم وتقولون لي الصواب هل أنا غلطانه ولالا .........

وسلامتكم ..محبتكم