بغربه وبسوي عمليه (شعور غريب جدا)

هلا خواتي كيفكم


انا بغربه وبسوي ان شاء الله عمليه لظهري وخايفه مره
ودي ابكي شي مؤلم جدا لما تحسي انك بعيده عن اهلك وخايفه من نتيجة العمليه ومدري وش بيصير علي بعدها حتى مدري وش احط بشنطتي وش اخذ معي للمستشفى متلخبطه مره وما ودي اقول لاهلي الا اذا خلصت ما ودي يقلقون علي اشتريت ماش بس مدري وش اسوي فيه اطحنه ولا اسلقه مدري وافكر لما ارجع بيتي زوجي مايعرف شي ومافي خدامات وانا من النوع اللي استحي اطلب من احد لو مهما كان قاعده احوس سويت حشوة لحم عشان تسهل علي بعدين ومشكلتي بديره صغيره مطاعمها تسد النفس تكرم النعمه كل ها الاشياء بصوب وضيقة صدري وخوفي صوب الله يعين بس ويسهل بكرا ان شاء الله بروح المستشفى مدري كم يوم بجلس حطيت لي بجايم وشبشب بس مدري وش احط غير الملابس ومدري اقدر امشي اولا بعد العمليه مدري عن الصلاة كيف بصلي دمعتي ما وقفت فيني قلق وخوف مو طبيعي الله يعين بس يارب سهل لي ويسرها لي بنات ساعدوني وش اسوي وش اخذ معي عمليتي دسك للفقره السابعه الله لايوريكم مكروه في عزيز