بغى شوركن بشغالتي الاندونيسيه

بسم الله الرحمن الرحيم

السلام عليكم ورحمه الله وبركاته

يابنات ودي ادخل الموضوع على طول

انا شريت من ناس شغاله اندونيسيه

والحمدلله استخرت الله بها قبل اشتريها

المهم انا اشتريتها علشان ااجرها لان انا ماعندي اطفال

وبيتي الحمدلله قايمه به

المهم صارلها عندي تقريبا 4أشهر ونصف والله والشاهد الله اني ماشفت منها غير كل خير

بس انتقدتها بحاجه وحده حبها للمكياج يعني يوم تروح تشتغل

عند احد تجي معها كيس صغير حاطه به مكياج يعني بودره او كريم اساس فهاوشتها وبينت لها ان هذا حرام وان هذا مشكله

والله ان كل الناس اللي استأجروها يمدحون بأخلاقها وشغلها السنع

وشفت من طبعها ان شافت اخواني اورجال غريب او حتى زوجي تبعد عن المكان اللي به رجال وتدير وجهها عنه وتضع يدها على انفها وفمها

السبب لسردي هذه المقدمه اريد ان تعرفين طبعها علشان تعطني رايكن يااااأخواتي

المهم

كفيلها الاول اللي اشتريتها منه سبب بيعه لها

صارت مشاده بينهم وقالت اريد من رواتبي كي ارسل لاهلي

فرفضو اعطائها بحجت انه وقت اعياد

فولد الحرمه قام وضرب الشغاله

وبعد ضربها وجدو بعض صور الولد وملابسه وبعض الاغراض

فخافو على الولد وباعوها

فأنا قبل شرائها اتصلت على امراه هذه المراه زوجه ابنهم الكبير من ابوهم من جماعت البيت اللي باعو الشغاله

وقالت والله ان الشغاله ممتازه بس صاحبت الشغاله عصبيه ولايصبرن عليها الشغالات والخير كثير عندهم ومنتثر في كل مكان

ولاتنلام الشغاله لو تاخذ من ساعاتهم واكسسوارتهم وملابسهم

المههم كفيلها الاول يوم باعوها لي اخذو اغراضا كلها وملابسها وصور اولادها وزوجها وكل مقتنياتها ورفضو ان يعطوها شي


الزبده

اني حريصه معها كل فتره افتشها ولااجدمعها الاكريم اساس عاصرته بكيس صغير لانها مهتمه ببشرتها لاني هاوشتها ماتاخذ من احد كريم

واشتريتلها كريم علشان ماتاخذ من احد فتركت هذه العاده

المههههم

اعذروني انا قصيت لكم كل صغيره وكبيره علشان تكونو بالصوره

الحين ابغى اقولكم وش لقيت الليله معها

كانت برى تشتغل عند ناس

فجائت كلعاده

وجلست بغرفتها واتيت لها فاذا هي جالسه وشكلها حزين قلت وشلون الشغل
قالت الحمدلله

قلت وش اعطتك مدام ففرجتني على شكلاته وحنا

فحسيت انها خبت حاجه

قلت وش معم قالت مدام مافي شي

فحاولت اني اشوف وش معها

لقيت صوره الولد اللي ضربها ولد كفيلها الاول

وش رايكم

طبعا صرخت عليها قالت مدام انا ماادري منين اجي انا اشوف شنطه واشوف صورتي لقيت صوره ولد جوى صورتي

يااااابنات انا فتشت اكثر من مره بوكها الصغير

لكن كانت مخبيه الصوره بطريقه احترافيه

شاقه صورها نصين وقالبه صوره الولد لورى

هذا مااستنتجته

وديتها زوجي وضرتي وقلتلهم الموضوع وهي تسمع قال زوجي هذا وشو فايده قالت يابابا

انا مافي معلوم انه مشكله انا اقول عادي آآآآحذ صوره

هذا وانا اشتغل في الرياض اخذ صوره مافي مشكله

المهم زوجي وضرتي قالو وريها انك ماتشوفين شي وراقبيها من بعيد لبعيد واذا جت تسافرفتشيها واشتري ملابس جديده

مع العلم ياأخواتي

والله ان صلاتها كويسه وتقرا قران وشغلها سنع وتحب تجمع فلوس وتجمع هدايا حتى لوكانت اكسسوارات مكسره وتفرح باقل شي

مع العلم معها جوال ودايم تكلم خدامه ثانيه كانن بنفس البيت

بمنطقه ثانيه

وانا ماني مرتاحه لصديقتها

والله انها على مدار هالمده ماشكت ولاانمرضت

وحتى يوم يجون ضيوف اخر الليل تقوم بيهم وهي مبتسمه

ولو كانت تعبانه من الشغل

وقبل كم يوم قبل هالسالفه

حطيت جوالها بس يدق على اربع ارقام بس

اهلها باندونيسيا

وزوجي

وانا

ورقم زوجي الثاني بس

ابغى الخبيرات يردن