@@ بغى يغمى علي بمركز المملكه @@

السلام عليكم ورحمة الله وبركاته..

بدخل بالموضوع على طول..

من دخول رمضان.. مادخلت السوق ..
الا مره وحده رحت لمحل يعني مو سوق..

المهم.. اليوم شبيت على ابوي يوديني للمملكه..لاني قبل شهر تقريبا شايفه بدي حلو.. وناويه اشريه..والوالد رفض وقال لا.. الا المملكه.. زحمه..اختاري اي شي ثاني..قلت العليا مول.. وداني يوم وصلنا هناك.. قلت يبه شف المملكه....
المهم دخلنا انا واختي..


يابنات..
انا مو مطوعه.. ولا ملتزمه..
بس دخلت المملكه.. وحسيت ان النفس عندي انقطع..
قلت يمكن عادي..
المهم دخلنا..
زحمه مو طبيعية.. اول مرة اشوفها بحياتي..
رحت للمحل على طول وما لقيت اللي ابيه..
قلت بروح لاي محل ادور عنده..
دخلت زارا..
ماكملت من الزحمه..
بدخل برمود..
وهونت
رجعت لاختي قلت دقي على ابوي..

عجزت لاامشي من الشباب..
والبنات..

ماتتخيلون..
والله انواع العطور.. انواع المكياج.. ولافيه طرح..
فاتشاااااااااات..
وضحك..
وكركره..
ومغازل عيني عينك..

ولا تجي ثنتين..يركضون ويتخامون ((يحضنون بعض)) ويصارخون..

صحيح اشوف فاتشات.. بس مو مثل اليوم..
مافيه الا حنا وكذا وحده عليها عباية راس..ولا عباية كتف ومتغطيه.. والباقيين فاتشيين..

والمشكله مافيه هيئة ولا شي..

والله حسيت ان قلبي يرجف.. وخفت من الله.. وقلت الله لايسخط بنا..شعرت بشعور غريب والله..

يمكن ماعرفت ااعبر زين..

طلعنا نحتري ابوي..

الشارع زحمه.. والشباب يستهبلون.. والمسجل على اعلى شي.. ورقص..

ياناس حرام والله..

حنا برمضان..

على الأقل يحترمون الشهر..

ومسويين زحمه يوقفون عند البوابه اللي تحت ويتفرجون على الحريم..
ولافيه شرطه..
ولا فيه شي..


الوليد بن طلال..
دايم انا معاه..
ودايم ادافع عنه..(( مع انه مايحتاج دفاع مننا ))
ودايم نقول يتبرع..

لكن اليوم حسيت انه بيتحمل كل اثام اللي هناك لانه راضي عن اللي صاير..

اتمنى ان الله يهدي بناتنا.. وشبابنا..

ويهدي اميرنا..وعلى الأقل يسمح بدخول الهيئة الرسمية.. مو هيئة المملكه..
عشان ماتصير مثل هالتجاوزات..

ونصيحه لاحد يروح بالليل للمملكه..

الي يبي يروح يروح الظهر وهو صايم..