بغيتكم بسالفه ...

يسعد صباحكم بكل خير ..

:
:
:

من البدايه لو الموضوع متكرر عطوني خبر لأن ماشاء الله مواضيع المنتدى واجد ما أدري هل هو فيه مثل هالموضوع أو لا ^_^..

.
.


فيه شغله ودي آخذ رايكم فيها بس لا تفهموني غلط زين ..

أنا ملاحظه فيه عضوات لما يردون على موضوع ما .. يكون ردهم فقط دعاء ولا يردون على نفس الموضوع ..

وأنا ما أتكلم عن اللي بترفع موضوعها أو موضوع أي وحده من الأخوات بدعوه بدال ماتحط كلمة رفع تحط دعوه عشان يكون متقدم في الصفحات ويشوفونها الأعضاء لأن هنا جزاها الله خير .. وستين ألف خط تحت النقطه هذي..


لكن أتكلم عن ردود تكون فقط دعاء وليس الغرض الرفع لأنه دايم أشوف فارق الوقت بينها وبين اللي قبلها دقايق يعني الموضوع بالصفحه الأولى ولايحتاج رد رفع ..

مالغرض من الرد في هالحاله .. هل هو علشان تدري صاحبة الموضوع إنك قاريه الموضوع وبس ..

أنا أدري الكل يبي الأجر بس مو معناها نترك هدف الموضوع الأساسي .. ونصير مانرد إلا بدعاء ونسخ ولصق بعد يعني مو كل مره تغير الدعاء ..

وش يمنع تعطين رايك وتكتبين تحته الدعاء ..

يمكن أكون غلطانه ولكم وجهة نظر مغايره ..