بغيتكم شوي لوسمحتووووا

يمكن تبويض
ويمكن هرمون الحليب مرتفع

يمكن حمل بس بدري غاسله لك ٥ ايام

الله يرزقك ي رب بالذريه الصالحه
يمكن هذي اعراض التبويض

يا أختي ياحبوبتي بدري إنتي مالك إلا خمسه شهور متزوجة أنا أخواني كانو يقعدون سبع أو ثمن شهور بعدين حريمهم يحملو شوفي أنا قعدت خمسه أو ست شهور بعد الزواج ماحملت بس أنا كان عندي كيس دم عالمبيض اليسار الله يلعد عنكم كل شر ..وهوا اللي كان مأخر الحمل ومن نزل سبحان الله حملت مع إني قلت للدكتورة آخر مرة بعد ما تطمنا إن الكيس نزل الحمد لله لأني كنت أراجع شهريا عندها قلتلها ألغاك تسويلي تحليل هرمونات لأن دورتي من يومي وهي مو منتظمة فقالت لا تستعجلي في كثير يحملو ودورتهم مو منتظمة وإنتو بعدكم صغار قلتلها خلاص اكتبيلي عالتحاليل وهوا المفروض أجيها ثالث يوم في الدورة وسبحان الله ماجاتني الدورة وحملت وماكنت مصدقه حتى ما سويت تحليل حمل منزلي إلا بعد ما تأخرت عشرة أيام أو أكثر قلت يمكن الدورة بتتأخر زي كل مرة بس كانت تجيني الام زيها وقلت إنها راح تجي ماتوقعت إن ذا حمل والحمد لله ماسويت التحليل إلا بعد ماصحيت يوم وحسيت بدوخة وتعب وزوجي في الليل جبلي التحليل ....
بالنسبة لصدرك يا أختي عادي في بنات يألمهم صدرهم بعد الدورة أو قبل الدورة عادي أنتي تقولي مالك خمسه أيام مغسله من الدورة .. بس لو كان موعد دورتك مثلا وماجات وحسيتي بالامها زي صدرك وظهرك وحتحسي بشي زي النغزات أسفل بطنك من اليمين ... ساعتها ممكن تشكي إنك حامل وتسوي تحليل حمل أما دحين حتى لو حامل ماتبان أعراض الحمل بذي السرعة ..
آسفه طولت عليك بالكلام بس حبيت أفيدك ولا تخافي وربي يرزقك بالحمل ببركة هذا الشهر الفضيل إحنا في أيام مباركة كثري الدعاء والاستغفار وعقبال ماتجي تفرحينا معاك يارب بحملك ..
نسيت أقلك حاجة قالتها لي الدكتورة إن الواحد مايبدأ يفكر إنه يبدأ يسوي تحاليل أو يخاف أو شي يعني يفكر إلا بعد سنة من تأخر الحمل ساعتها يبدأ يراجع ويشوف سبب تأخر الحمل ... أما سنة طبيعي ممكن يتأخر الحمل ممكن الحالة النفسية تأثر لاسمح الله أو شي إنتي طمني نفسك ووكلي أمرك لله الواحد القهار اللي قادر على كل شي ...

ربي يجزاكم خيير كلكم يالي رديتوا علي وربي ريحتووووني مع اني كنت حاطه احتمال 1بالميه اني اكون حامل بسس قدر الله وماشاء فعل
راح انتظر ليين بعد العيد واروح اكششف لاني متشفقه على طفل الله يعطيكم ماتتمنون بائعه المسك ولما الأموره وفجر تسلموووون لي يارب

أختي ماعاد طمنتينا ... إن شاء الله إنك حامل يارب ...