السلام عليكم ورحمة الله وبركاته
قصتي هذا للأستفاده عشان محد يغلط غلطتي
:44:
السالفه وما فيها أني أكبر أخواني وفي فارق كبير بيني وبين أختي إلى تصغرن علاقتي بالوالده الله يخليها ويسامحها قبل ما أتزوج كان سيئه يعني أسوي إلي براسي وعاند الوالده في كل شي ودايمن أنا وهي في مشاكل الوالده بصراحه قويه ماحد يقدر يعصالها أمر ومحد قدرلها بالبيت إلى أنا :42: يمكن سن المراهقه إلي يقلون لكن كل شي تغير بعد ما عندتها دخلة القسم إلي أنا أبيه في الكليه وهو قسم صعب شوي وهي كانت تبيني أدخل قسم سهل شوي علشان أضمن النجاح لكن عندتها وسويت إلي براسي وطبع لم عرفة الخبر طاحة مغشي عليها وأرتفع عندها الضغط وبصراحه خفة خاصتاً أن الكل لامني فقررت من لحظتها أني أبطل أعاندها و أطيعها ولي خلاني أتغير أكثر لم صارلي حادث بعدها بكم يوم وبعيد عنكم شفة الموت بعيوني وربي ستر لم قمة في المستشفى شفتها عندي تبكي وتدعلي بصراحه فقة في هذه الحظه وتغيرت وأول شي سويته أني قبلة ولد أعز صديقاتها ولي كانت تبين أخذه بأي وسيله وتزوجته علشان أرضيه :icon28:
تخيلوا طعتها في أهم قرار في حياتي وعصيتها في قرارات مو مهمه
على العموم أنا مو ندمانه لأن والحق يقال :arb: أنسان كله طيب ومحترم ومثقف وأهم شي في غاية الحنيه
من أول يوم في زواجنا وهو محسسني أني أحل شي في حياته ومدللني وللأسف أستغليت حبه لي أسوء أستغلال
تبون تعرفون كيف أستغليت حبه تابعوني وبتعرفون باقي القصه
أقبلو تحياتي
السلام عليكم ورحمة الله وبركاته
المعذرة يا أخوات أنا وقتي ضيق لأني معلمه بصراحه أني أندهشت لما شفت الردود وماتوقعة أنا أحد بيهتم بالموضوع على العموم أعيد وأعتذر
نرجع للقصة ببدأ بزوجي كان كما سبقة القول غير كل الناس
كان موظف في شركه عالميه مو أي وظيفه كان مدير فرع وكان راتبه حوالي 10000 في الشهر غير بعض المميزات زي السكن المجاني والسيارة والسواق وباصراح شفت معاه عالم ثاني قضيت شهر العسل بكل ما تعنيه الكلمه يعني يا بنات شهر مابين مصر وسوريا ولبنان ودبي يعني كل الأماكن إلي ما كنت أحلم بزورها ورجعنا بعد ما خلص الشهر لجده أهلي وأهله كانو بجده وهو كان يشتغل بجده
كنت مستانسه وقلت في نفسي يالتني من زمان سامعه كلام أمي
فروح برجعتنا وتعرفون عاد العدات الولد الله يحفظه عزمنا وعمي كمان ولما رحت أزور أهلي رحت بدري كان زوجي كل شوي يتصل علي وهو في الجلس يسأل أنا عني وكان يقلي دايم تخيلي وحشتيني وماتتصور قد أيش كان رمنسي
الوالده الله يسامحه أشتغلتي زن في راسي وقعدت تقلي لا تردي عليه خليه يجري وراك لا يضحك عليك بكلمتين حلوين تقوم دوخي تسلميلوه لاتسمعينوه كلام حلو خليه يتعب علشان يسمع كلمه حلوه
وفعلاً سمعت كلام الولاده ونفذته بحذافيره ومرت الأيام والشهور وهو يدور الرضى علشان يرضيني وأنا ماكان أرضى ولا أعطيه وجه وبس أتأفف وكل شي مو عاجبني وطبعاً هذي وصيا أمي الله يسامحها لحد ما ذاك اليوم إلي تتصل زميلتي علي وتبشرني أن أسمي نزل في الجرايد وأن توظفت طبعاً معلمه ما تصدقون قد أيش فرحة والجميع بدون أستثناء فرحلي وهناني وأمي سوت عزيمه كبيره بهل المناسبه وبعد لكن الشي الوحيد الي خربها أن الوظيفه في الديره وليت في الديره في قريه بعيده شوي عن الديره بس أقدر أسكن في بيت أهلي الي في الديره أو حتى بيت أهل زوجي وبما أنهم مايروحون الديره إلى بالصيف يعني عز الطلب ومو هنا المشكله المشكله مين بروح معي هناك ؟؟؟؟؟؟؟؟؟؟؟؟؟؟؟؟؟؟
زوجي يقدر ياخذ أيجازه شهر تعرفون القطاع الخاص ما يرحم قلي بروح معك أزبط أمورك في الديره وأقعد معاك شهر وبعدين أعذريني !!!
أبوي الله يخليه لي دق الصدر وقال أروح معك طبعاً الرجال توه متقاعد والوالده ما تبي الديره وهو يبي الديره لكن على مين يا بابا ماما أشتغلتلي ( هذي فرصه لا تضيعيه تقدري تسيطري على الرجال وتخليه خاتم في أصبعك وتصيري الأمره الناهيه في البيت وتصدري وتوردي على كيفيك )
كيف ؟؟؟؟؟؟؟؟؟؟؟؟؟؟؟؟ وليتني ما سألت أيش تتوقعو الأجابه !!!!!!!!!!!!!!!!!
قالتلي ( خليه يفصل من الشركه بحجة أنها وظيفه مو مضمونه وأن وظيفتك أضمن وخليه يروح معاكي الديره وتصير أنتي إلي تصرف على البيت وبكذا تصير صاحبت الفضل وبعدين خليه يدور على وظيفه في دائره حكوميه مهما كان راتبها لايهمك أهم شي يكون راتبك أكثر من راتبه عمره ما يقدر يرفع عينه في عينك وتصير أنتي المسيطره ويصير في جيبك عمره ما يفكر يلعب بذيلهولا يتزوج الرجال أذا صار جيبه مليان أول مشروع يفك فيه هو الزواج ) خرجت من بيت أهلي ليلتها وكلام أمي يزن في راسي
وعلى طول تم التطبيق عملي في البدايه أقترحت الفكره وأستخدمت الحجج وطبعاً رفض وشاف أنها فكره سخيفه وقلي ( ليش أترك عملي ما أنا مبسوط وراتبي كويس وعند مميزات والله والاحتى أكبر وظيفه حكوميه توفرها أنا أدوس على العز ليش وأدور على الفقر )لم أتقبل الرفض وكلمه جرت كلمه لاحد ما صارات قصه طويله عريضهوعلى طول حملت شنطتي وعلى بيت أهلي ولان الماما كانت متوقعه النتيجه كان جاهزه بأخويه والسياره وبس تستنا الأشاره وبس خرجت أستلمني زوجي حبيبي مكالمات ولا أنا رديت ولا أنا قفلت الجوال قاعد أعذب فيه ومايحتاج أعلمكم من إلي قلي أكيد ماما الله يسامحها
قعدت عند أهلي يومين ما خلى زوجي رساله غزل ما أرسلها ولاكلمة أعتذار ما كتبها وأمه أتصلت وخواته وحتى زوجات أخوانه ألهم سلفاتي إلي يقلي لاتكبري السالفه ولي يشجعني ولي يحاول يقنعني أنه صح ولي يقلي ضحي أشتبغي بالوظيفه وأنا ولا أسمع الكلام الي في راسي راح يتنفذأبويه نصحني وقلي لاتخربي بيتك ..... وأمي تشجعني وتقلي وشعرف أبويك أبويك ما يفكر إلى في مصلحتها يبي الديره وبس وفعلا ً ربحت وجاي ومعاه صوره من الأستقاله وطبعاً موافقين عليها لا وبعد سوله حفله وداع وعطوه مبلغ 50000 ريال قلك مكافئه على الخدمات وشهادة شكر وتوصيه بعد رجعت بيتي أجمع عفشي علشان لازم نسلم البيت لشركه وباع الأثاث هو لأن راح نستأجر بالديره وماراح نسكن لا في بيت أهله ولا أهلي بس تصدقون بعد ما قدم أسستقلته حسيت أنه تغير وكأنه فقد عزيز صار دائما كئيب ماهو الأول حسيت أني قتلت حاجه في نفسه
رحنا الديره مع بداية السنه الدراسيه وداومة بالمدرسه وهو صار سواق الست على قولته صار ماعنده شغله إلى يوديني المدرسه والسوق وهو مثل السواق يجلس ينطر تلفوني وأومري لكن عمره ما طلب مني ريال وذا قلت بعطيه كان يرفض ويقلي عندي مو محتاج أنا قلت أكيد فلوس كان مجمعها من أول يعني ما سألت بعدين مع الوقت صار يقلي مافي بنزين بالسياره أقوم أعطيه حق البنزين ما يرفض بس أذا عطيته وقلتله روح أشترلك حاجه كان يرفض وبأصرار مرت أول سنه سألني متى بدقمي على نقل لجده قلتله أني مايحقلي أطلب نقل قبل ثلاث سنوات صدقني ولا أنا ما أبي أطلب لان أهلي راح ينقلو الديره يعني قريب من أهلي بعيد عن أهله والله فله وعز الطلب
في الأجازه تجمعنا كلنا وكان أهله ما يبطلو يسألو عن النقل وأنا ما أرد أسوي نفسي ما أسمع المهم تعبت وصرت ماني طايقه نفسي ولا طايقته وصاير بس أروح عند أهلي بعدين أكتشفت أني حامل الفرحه ما وسعته هو أهله وأكيد أنا وأهلي أنتهت الأجازه وبتدينا الدوام صرت أسبوع أداوم ويوم أغيب طبعاً بكريه وأتوحم ولا أقعد في البيت بس عند ماما وماما مايحتاج في دروس ( كيف تصبحي الزوجه المتسلطه ؟ ) ولا هي ( كيف تخربي بيتك ببطء ) وأنا أنفذ بس وفي يوم الرجال جاي ياخذني من المدرسه وهو فرحان وأنا سويت نفسي ماني شايفه ولا سألت رغم أني بطرقع من جوه وأعرف لم جلسنا على الغدا قلي وهو راسم ذيك الأبتسامه على وجهه ( عندي لكي خبر بمليون ريال ؟؟؟؟؟؟؟؟؟؟؟؟
رديت بلامباله ( خير ؟؟؟؟؟؟؟؟؟؟؟؟
قلي ( بما أن ولي العهد جاي في الطريق ومحتاج كثير مصاريف تنازلت وأشتغلت !!!!!!!!!!!!!!!!
أنصدمت ورديت بكل أستهزاء وعشان أحطمه ( والله مبروك بس عساها وظيفه حكوميه )
قلي ( لا هي وظيفه مشي حالك حتى تجي الوظيفه الحكوميه أنا أشتغلت معقب بمكتب واحد من جماعتنا وراتب 1500 ريال ) آآآآآآآآآآآآآآآآآآآآآآآآآآآآآه يدنيا شفت أيش سويت بالرجال من مدير فرع يصدير ويورد وراتب 10000 ريال لمعقب والراتب 1500 الله يسامحك يا أمي باصراحه هذا الحسيته في هذا الوقت
وعذروني ولا تزعلو مطره أخرج
أقبلو تحياتي
اصايل مالك @asayl_malk
محررة
يلزم عليك تسجيل الدخول أولًا لكتابة تعليق.
jonon89
•
الله يفرج همك
الصفحة الأخيرة