بغيت أستشيركم.. برايكم هل زوجي اناني؟؟

السلام عليكم و رحمة الله و بركاته

راح افضفض لكم عن الي في داخلي واتمنى انكم تتفهموني و تتفهمون مشاعري

بسم الله

قبل شهرين تقريبا قال لي زوجي انه راح يسافر للعمره لمدة اسبوع واحد بالبداية اعترضت شوي قلت له وتخليني محد معاي قال كلها اسبوع واكون معاج و هلج ما بيقصرون .. ما اعترضت كثير على سفرته اولا لانها عبادة وثاني شي مدتها قصيرة مع اني معتمدة على زوجي في كل شي و متعلقة فيه وحتى ولدي وااايد يحبه ومن يشوف ابوه على طول يضحك معاه
لهني كل شي اوكيه
بعد فتره من كلامه لي قررو اهلي انهم يسافرون لمدة اسبوعين واهلي الي بسافرون هم ابوي و امي وخواتي ثنتينهم و اخوي الصغير.. احنا ساكنين في نفس ديرة هلي ومثل الشي انا متعلقة في ابوي و اعتمد عليه في توصيلي حق الكلية و توصيلي لبيت اهلي لما يكون زوجي مو موجود .. المهم ان سفر زوجي راح يكون متوافق مع سفر اهلي يعني مابيكون لي حد معاي و لو احتجت لشيئ ماعندي احد يساعدني .. قمت احن على زوجي انه يكنسل السفرة ومو راضي بعدين قلت له انت اناني تسافر و تخليني بروحي ولو يصيدني شي محد لي وفي هذا الاسبوع الي ناوي زوجي يسافر فيه علي دوام للكلية ثلاث ايام في الاسبوع ولو غبت عن محاضرة وحدة منهم تنحسب علي غياب عن محاضرين << مادري فهتو علي ولالا .. وزوجي او ابوي اهم الي يودوني .. واذا كانو اثنينهم موهني منو يوديني والله متوهقة ومثل ما قلت لكم قبل إني متعلقة في زوجي و ما اتخيله مفارقني قمت اصيح واترجاه انه ما يسافر لكنه راج يروح مع جماعه و عطاهم كلمه انه بروح معاهم .. ماعرف شلون اوصل لكم الي في داخلي بس انا راح اضيع بدون زوجي و بدوون ابوووي و على فكره انا عندي اخوان 4 بس تخيلو كل واحد فيهم همه زوجته وماعتقد ان واحد منهم بيصحى لي من الصباح عشان يوديني محاضراتي و زوجاتهم ما يرتاحون واكيد بيتضايقووون .. وزوجي تضايق مني لما قلت له انت اناني تروح وتخليني ضايعة انا وولدي .. ولا فاد معاه لا الكلام الحلو ولا دموعي وانا مو متعودة اجلس لحالي بشقتي ماروح بيت اهلي حتى لو محد فيه لازم اروح لانه عندي اخت متزوجة ويوميا تروح بيت اهلي فأنا اروح اشوفها واشوف بناتها واذا زوجي وابوي مو هني منو يوديني

صحيح ان مشكلتي بسيطة بس معكرة علي مزاجي .. لما استانس مع زوجي لازم اذكر سالفة السفر و اتضايق .. وموعد سفره بعد 8 ايام ... برايكم زوجي اناني بسفرته هذي ولا لا ؟؟