بنت أبــوها @bnt_aboha_82

كبيرة محررات

بغيت اتهاوش معه ولكن فكرت شوي!!شاركوني

السلام عليكم ورحمة الله وبركاته

كيف الحال..

حبيت افضفض واسولف شوي..<<لي يومين ماعندي نت واحس مقطوعه عن الدنيا هههه :42:

اليوم صحيت الصبح وبسم الله علي لقيت ابليس راكبني!
تذكرت موضوع صار له يومين ولاجاء ببالي ابد الا اليووووم..:22:
حسيت ان زوجي كذب علي بشغلة يمكن تكون تافهه بس عصبت يوم حسيت ان السالفة ممكن يكون فيها كذذذذذذذذذذذب..

ومن مدة كان يكذب بين فترة وفترة..مرات انهبل ارد عليه اقول من جدك تقول كذا!!
يقول ايه يعني اكذب عليك؟؟
وهي باااااااااااااينه انها كذبه مدري يمزح او يبيني اصدق بس اسوي نفسي مصدقة..
واشوف اخوانه الصغار نفس الوضع كثير كذبهم..
اول زواجي انصدمت من البنت الصغيرة بالابتدائي تسولف معي وانا عيوني طايره معقولة كل ذا يصير!!
ومرة بغت تسوي مشكلة بيني وبين زوجي جتني قالت شفنااااك بالسوق مع اخوي!!
قلت لا ماطلعت للسوق :42: وتجلس تحلف شفنا اخوي ومعه حرمة ومدري ايش انهبلت والله انا..!
بس الحمدلله جت وحدة من خواتها قالت يالكذابه متى طلعتي للسوق!!

واخوهم صار له موقف مع اخوي<<بالابتدائي كلهم برضه
كنت احسب اخوي كذاب لانه قال كلام مختلف عن كلام اخو زوجي بس زوجي قال ان اخوه كذاب ماينوخذ بكلامه..

معقولة الكذب يعني بدمهم او تربيتهم او طبعهم او ايش بالضبط؟؟
مرات ودي اواجه زوجي بس اقول شكله شي غصب عليه..

اليوم وصلت حدي وقلت خلاص بتهاوش معه وماراح اكمل حياتي معه دامه كذاااب..خصوصا انها امور سخيفة
وامور كثيرة يخبيها عني ومااسأله عنها لاني اذا سالته يتضايق..

بس قبل اسوي اي شي جلست استغفر واتعوذ من ابليس..
ثاني شي سويته :eek: فتحت الانترنت بجوالي<<لاني ماعندي نت خخخخ
يعني الله يعين عالفاتورة راح انفضح اني فتحت النت وش بقول له..

دخلت قوقل وكتبت..
زوجي كذاب
يوووه طلعت مواضيع كثيرة وردود واراء واشياء كثييييييييييره استفدت منها..

يعني صحيح يمكن اعرفها بس ذكروووني فيها..بدون لاافتح موضوع واجلس انتظر ردود..
اهم شي قريت انه التمس لاخيك المسلم 70 عذر
وكتبوا اعذار..
ممكن يكون يحب زوجته ويخاف يزعلها او يضايقها لو قال لها الحقيقة<<فعلا لاحظت انه يكذب بامور تضايقني ويبين لي انه سوا الي ابيه!!
ممكن يكون شي بطبعه وممكن يخاف من ردة فعل زوجته تكون عصبية او قوية..

ومو اول مرة اذا واجهت مشكلة مع زوجي افتح قوقل واكتب..
مرات احس اني كرهته واكتب
كرهت زوجي
وتطلع مواضيع تخليني ارضى..

قلت افيدكم بذا الطريقة بدل مانجلس كل مرة ننزل موضوع صار وماصار..
يعني الذكرى تنفع المؤمنين واغلب الي موجود نعرفه بس ننساه وقت الزعل والغضب..

كنت متخذه طريقة مع زوجي اذا زعلت احاول ارضى فيها وهي اني بدل مااجلس اتذكر مساوئه معي اصير اتذكر كل شي حلو سواه معي لو كان بسييييييييييييييط مرة..وارضى..
بس مرات مااقدر يغلبني الشيطااااااااااااااااان :30:

بس الحين الشي الي موقادرة اعرف شلون اعالجه هو الكذب..لاني الردود الي لقيتها تقول صارحيه او انصحيه احسها ماتناسب لاني مو لاقيه دليل على كذبه..!
واحس من زمان اصلا ماصار مواقف بيننا من هالنوع لاني احاول اتحاشى اسأله بعض المرات اذا حسيته مايبي يجاوب عشان لايكذب..

الله يعين ويسهل..

طبعا لاتستغربون هالموضوع تقولون طيب وش تبين الحين..
ماابي شي :p بس بقول لكم قوقل شيييييييي
والا وش رايكم؟؟

على فكرة تكفون الي عندها رد ماله داعي لاااتقوله الله يوفقكم..
ولاتقولون كل مواضيعكم الزوج ومالزوج لا والله ياكثر المواضيع الي ودي كتبها عن العيال والاهل وكلش..
بس قوقل يصلح لاي موضوع يعني معتبرته صديقتي الصدوقة..
بس هااااااااااااه مو اي شي تصدقوووونه طبعا الواحد يشغل عقله ويعرف يختار الزين من الشين
الي يناسبه والي مايناااسبه

يلزم عليك تسجيل الدخول أولًا لكتابة تعليق.

تسجيل دخول

جروح متالمه • 15 سنة

يا قلبي هذي مشكله كل الناس تصير معهم يا كثر الكذابين بحياتنا انتي اللي راح يساعدك دكتور نفساني خذي رقم دكتور نفساني وقولي له مشكلة زوجك واهو بطرق واساليب راح يحلها لك باذن الله

بنت أبــوها • 15 سنة

الله يجزاك خير..
بس مادري المشكلة تستدعي طبيب نفسي!!
لانها كذبات تااافهه ماتخرب ودايم يقول لي امزح!!
ومرات يكذب مايقول امزح ولاشي..
وهنا ماادري هل فعلا هذي كذبه او صااادق..
ربك يعين..بس ان شاء الله ماتوصل لطبيب نفسي هههه اخوفه اقول لو كذبت نوديك الدكتور

غادة الرياض • 15 سنة

انا اقول لاتحدينه يكذب عليك
ولاتدققين بكل كلمه يقولها
يعني لو سولف سالفه باين انها كذب اسمعي من هنا ومشي من هناك
لانو احسن علاج للكذب انو ماتقول للكذاب انت كذاب

بنت أبــوها • 15 سنة

فعلا هذا الي اسويه..
لاني بالصدفة اكتشفت الموضوع معه كان يكلم بالتلفون وقال شي التفتت ببراءه قلت تقصد كذا؟؟
قال لا لا مو قصدي..انتي فهمتي غلط!!وانا متاكدة انه كان يقصدها
وصارت معي ثاني مرة وعرفت ان الدعوة ميب مضبوطة صرت امشيهااااااااااااااااااااا!!
ومااسأل خلاص افهم الي ابيه واعدي..

BSMAH90 • 15 سنة

بنت أبــوها :

الله يجزاك خير.. بس مادري المشكلة تستدعي طبيب نفسي!! لانها كذبات تااافهه ماتخرب ودايم يقول لي امزح!! ومرات يكذب مايقول امزح ولاشي.. وهنا ماادري هل فعلا هذي كذبه او صااادق.. ربك يعين..بس ان شاء الله ماتوصل لطبيب نفسي هههه اخوفه اقول لو كذبت نوديك الدكتور

الله يجزاك خير.. بس مادري المشكلة تستدعي طبيب نفسي!! لانها كذبات تااافهه ماتخرب ودايم يقول لي...

مشكلة الكذب صعب نحلها لك وخاصة إذا كان تربى عليها من الصغر يعني احنا يمكن مانملك المعلومات الكافية لطريقة حل المشكلة .....

أعتقد المشكلة تحتاج إلى مختص في هذي الأمور وليس بالضرورة يكون طبيب نفسي ممكن يحلها مستشار في العلاقات الزوجية....

ابحثي في قوقل عن مستشار موثوق في حل المشاكل الزوجية وليس بالضرورة إنك تكلمينه ممكن تكتبين مشكلتك في موقعه أو ترسلين المشكله على إيميله وهو إن شاء الله بيفهم منك المشكلة وبعدين بيعطيك الحل المناسب لحالتك.......

ومافي مانع تاخذين بعض نصائح البنات اللي تحسينها ممكن تفيدك لكن علشان تحلين الموضوع بشكل كامل وماترجع المشكلة لزوجك مرة ثانية يلزمك مستشار في العلاقات الزوجية....
وبالتوفيق إن شاء الله....