السلام عليكم ورحمة الله وبركاته
:06:
:55:
:arb:
توبه من بعد التعب
انا متزوجه ولدهم الكبير ومن يوم دخلت التاسع وزوجي وأهل يترقبون ولادتي .... كل يوم يسألون :06: ماولدتي .
دخلت العاشر ولا ولدت الا فيه <<<<< سبحان الله .
قبل ولادتي بيوم رحت المستشفى بعد ما حسيت بالم بسيط جدا , الماما الله يخليها لي كلمت زوجي ووداني غصب .عني
كنت احسب الولاده شي بسيط ولحظه عابره بحكم اني بكريه . لكن :09: ما أقول الا يالله رحمتك اللهم اشفي والدتي .
دخلت المستشفى يوم الاربعاء في الليل . طبعا من سوء حظي ان الدكاتره ما فيه الى مناوب , المهم الالم ماكان ذاك القوه . يوم الخميس جابت لي أمي شاي حاطه فيه خروع علشان تبغى البطن فاضي والولاده سهله <<<<<<< يحبي لأمي ..... الله يشفيها قولوا امين . وطبعا ما كان فيه الم ابدا . بعد المغرب صار الالم يزيد شوي شوي امي قالت ماعاد بجيك وصارت تكلمني لانها شوي حساسه . انا أصلا ما اعرف الم الولاده لانه اول طفل . وناسيه ان الخروع يمغص البطن بعد واجتمع الاثنين . انا ماعاد اتحمل فصرت اروح للحمام واطلع . وصار عندي خوف طلبت الممرضه وكشفوا قال الرحم مغلق والجهاز مافيه طلق . صرت ارتجف من الخوف . سبحان الله راح عن بالي زوجي صار همي أمي كيف اوصل لها ولا ابغى اخوفها في الاخير رحت اطلب الممرضه صارت تقول انتي دلوعه :06: كيف دلوعه حرام عليها .
دخل علي :arb: نهاية الزيارة ( تقريبا العشاء ) وانا ما احيط بالي حولي من الالم ما كنت داريه عنه اصلاً قعد على السرير بكل برود وصار يقولي سلامات ياقلبي تحملي و احتسبي الاجر . انادي الممرضة , وصرت اقوله وانا شبه مكتومه تعبانه .... تعبانه ولا فيه فايده صار يقول تحملي شوي وخلاص <<< طبعا ينتظر الولد وش همه , المهم نادوا وخرجوا الزوار والله يابنات اني تفشلة ذاك اليوم لان الي بجنبي عندها زوجها في زياره وانا قاعده اصارخ واونون على الممرضه كنت حاسه بالرجال لكن غصب عني زاد الالم اكثر و هي تقولي الرحم ما انفتح !!! انا بنفجر من الالم ماعاد اقدر احرك رجلي . نادوا لي دكتور الله يوفقه وقال نزلوها لغرفة الولاده نزلت والله لا يوريك الرحم مغلق والالم ما ينطاق والجوال ما فيه ودي بس امي تجي بموت ودي اكلمها :icon33: نزلت وخلوني وراحوا يمكن وحده ثانيه مدري ؟؟ الالم كل شوي يزيد والله اني تمنيت اني انزل من السرير واركض في الاسياب من الالم . يوم قلت حيلتي على سرير قصير وظهري بينقص , صرت اناظر وراء الحاجز واشر لدكتور لبسه اخضر في اخضر يوم شاف التعب الي فيني قال ما تتحملين خلاص قلت خلاص ما اقدر قال للممرضه كلام عطتني بعدها حاجه خلتني شبه نايمه والالم فيه , بعدين مرني مره ثانيه قال للممرضة كلام وعطتني نفس الابره والله انه ريحني بعدها صرت كاني شبه دايخه . المهم جاني بعدها نومه خفيفه ثم قمت على الم قوي جدا ورغبه في الاستغراغ ثم هديت شوي . ثم جابوا لي جهاز قالوا لي انه طلق صناعي وانهم بيعطوني على شوي شوي من المغذيه , المهم ركبوا الجهاز يوم حاولت تركب وتزبطه خرب عليها صارت تذكر الله وتسبح , ونادت ممرضه ثانيه علشان تسويه فسوته اخيرا صار الالم يجي شوي ويروح , المشكله انهم ربطوني في السرير بجهاز نبضات القلب , والالم يزيد وانا صار معي هلع حتى اني احس اني ما اتنفس , ودي اهرب من السرير وانحاش , صرت اصارخ وانا ما احد يدري عني , بس قاعدين الممرضات يهاوشون . غير انهم رابطيني للسرير بجهاز القلب , حطوا على وجهي كمام . يوم اكشفوا على سبحان الله قالوا مفتوح سبعه سـم , والطفل محشور راسه من اعلى بالحوض . فشفت الموت بعيني . صاروا يجلسوني ويمشوني غصب , الى ان انفرج الامر وجبت عبودي :04:الساعه الثامنه صباحا .
دينا العصيمي @dyna_alaasymy
عضوة فعالة
يلزم عليك تسجيل الدخول أولًا لكتابة تعليق.
الحمدلله على سلآمتك عيوني ويتربى بعزنك
ذكرتيني بنفسي اقول لو حملت مارح اقول لأحد << يقالها البطن شبرين
ومره سويت تحليل حمل وطلع خط خفيف ومابقيت أحد الا وبشرته
<< هذي اللي بتسكت هههههههههههه
يالله الله يسعدك ويحفظه لك ولآيحرمك بره ياحي ياقيوم :)
<< متأخره بالحمل 7 سنوات دعواتك ياعسوووله
ذكرتيني بنفسي اقول لو حملت مارح اقول لأحد << يقالها البطن شبرين
ومره سويت تحليل حمل وطلع خط خفيف ومابقيت أحد الا وبشرته
<< هذي اللي بتسكت هههههههههههه
يالله الله يسعدك ويحفظه لك ولآيحرمك بره ياحي ياقيوم :)
<< متأخره بالحمل 7 سنوات دعواتك ياعسوووله
الصفحة الأخيرة
والحمدلله على سلامتك..