بغيت زوجي يوقف معاي وقفة رجال في هالعزاء .. لكن :(

سلام ..
الحمدلله على حال ..
اللهم برحمتك ارحم أمواتنا و أموات المسلمين و اغفر لهم ذنوبهم و تجاوز عن سيئاتهم انك انت العفو الكريم ..
لوحدي و اهلي مو عندي .. دورنا حجوزات دايركت على مدينتي ما حصلنا .. كلها انتظار و سفر 10 او 13 ساعه !!!
و سفر في السياره مسافة 10 ساعات ما اقدر حامل و الدكتوره كمان ما تنصح ..
و زوجي مو فاضي يروح معايا و لا يقدر يخليني اروح و اجلس انتظر بالساعات عشان رحله ثانيه ..
و انا احس بيتي ياكلني .. نفسيتي تعبااانه اصلا صار لي فوق ال 4 شهور ما رحت عند اهلي
و الحين موت جدتي ..
و زوجي بيجي عليه يوم زي اللي جاء علي و بعامله بالمثل ..
لا بكيت اسلوبه اقرب للعصبيه ان ليش ابكي و كلنا بنمووت ..
ما يبغاني ابكي عشان خايف ع اللي في بطني و لا تقولون مجرد اوهام او تخييل هو قالها لي ..
يعني ما لازم ابكي او احزن على جدتي !!! الله يبعد الشر عن أهلي لو صار فيهم شي بيسوي زي كذا ؟؟ ..
و لا جاء البيت كالعاده جلس مقابل الجوال !!!!
و لا جلس يضحك عااادي و يضحكني معاه كمان !!!!
و الله عيييب عليه على الاقل يراعي هالأول يوم
عيييب عندنا انه هو ما يروح و يسافر و يعزي ابوي
فكيف انه ما يوديني انا كمان .. يقولي اذا رحتي ايش بتسوين ؟؟!!!
ما صااارت في عيلتنا ما صارت .. خالاتي اللي هالميته تصير مرت عمهم كلهم يجون ع العزاء و يقعدون كم يوم
و احنا هنا في الغربه و انا فوق الغربه غربه ثانيه و لاني قادره اروح بيت اهلي اجلس مع امي و اخواتي و اتناسى الموضوع :(
حايوديني بإذن الله بأي طريقه لكن عيب عليه هالكلمات اللي نطق فيهم ..
انا تربيت في السعوديه و اعرف اصولنا احسن منه و هو متربي هناك على هالعادات و التقاليد و المواجيب و هذا هو جالس و لا يفكر بشي !!!!
خالي واحد من تبوك و الثاني من سكاكا و 10 او 11 ثانيين معاهم عمال عند غيرهم اخذوا اجازات من شغلهم و راحوا عند أبوي .. هذا غييير اللي حاجوا عند ابوي من فين و من فييين بس يروح ابوي على بلادنا و يرجع بعد كم يوم
و زوج بنته يقول لبنته ايش حاتقدري تسوي اذا رحتي ؟!!!!!!!
جدتي راحت و ما تتعوض لكن ابنه اللي في بطني اذا راح ف 10 غيره يجوا ..
و لا هو اللي توحم و لا هو اللي استفرغ و لا هو اللي امتنع عن الاكل و الشرب و لا رحت و جيت على المستشفى كثير حتى صرف عليه مصاريف ادويه و لا سونار و لا غيره ...
كل التعب كان تعبي انا و انا ما يهمني ايش يصير اذا ما يويت شي غلط و بس بكيت و لا حزنت و لا سافرت
:( يمكن كلامي ملخبط و يمكن ما منه فايده و يمكن مافيه سؤال و لا مطلوب ..
بس الأكيد اني متضااايقه و بغيت زوجي يكون واقف معاي عشاني .. مو يجبرني ع الاكل او عدم البكاء عشان خاطر اللي في بطني وبس
بغيت الناس تشيل الفكره اللي حطوها براسهم عن زوجي و قبيلته .. بإن أبوي اخطأ يوم زوجني منه لأن هالناس مافيهم خير و مو من ثوبنا و لا احنا من ثوبهم و لا نصلح لهم و لا يصلحون لنا ..
لكن وللأسف يتصرف تصرفات تثبت لهم كلامهم
الله يرحم جميع المسلمين