مرحبا ياليت يا طباخاتنا تفيدوني وتعطوني طريقه سهله وسريعه اريد اسوي فطاير ومعجنات مشكله وخليه نحل
بس من نفس العجينه يعني شي اسوي منه حلو ومالح
ياليت تفيدوني
om mansoor @om_mansoor
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
هذي عجينتي أخذتها من المنتدى من زمان فما أتذكر صاحبتها الله يجزاها خير ويحرم يدينها عن النار
بصراحة روووووووعة وسهللللللللللللللة وسريعة وكل ماسويتها يسألوني الناس عن الطريقة
المقادير حسب الترتيب :
كأس ماء دافئئئئئئئئئئئ (انتبهي مو ساخن)
نصف فنجان سكر (فنجان القهوة العربية )
نصف ملعقة صغيرة ملح
ملعقة طعام خميرة
نصف كأس حليب بودرة
ربع كأس زيت (اتركي شوية منه لأضافته في الآخر)
تخلطينها بالمضرب اليدوي
اتركيها شوية فيما تنخلين كأسين دقيق وشوية باكينج باودر اضيفيهم على الخليط السابق ثم باقي الزيت
ومن ملمسها في هاللحظة بتعرفين شلون هي جناااااااااااااااان
اتركيها عشر دقايق أو إلى ربع ساعة وأبدي شكليها وطبعا هي تصلح لكل الأنواع أنا أسوي منها
السينمون رولز والخلية والفطاير والبيتزا وأي شي
أنتظر تجربتك لها يااااااااعسل :)