شكل أولادك يستهلكون جهد كبير منك ، الحل جيبي مدرسة خصوصية تأسس ولدك من جديد ووديه للمكتبه وخليه يشتري قصص أطفال الكتب الصغيرة خليه يتحفز وينبسط ، حطي له مكافآت وحوافز وأشرفي عليه فقط ووفري جهدك لشي ثاني ..

علمي أولادك على الإعتماد على النفس و مساعدتك في المنزل ..
اشتري أجهزة توفر لك وقت وجهد مثل غسالة المواعين والغسالة الأتوماتيكية والمجفف . استغلي التطور لصالحك ..

بالنسبة للنظام انت أكثر وحدة تقدر تبتكر لنفسها نظام يساعدها ، احنا هنا ما نعرف طاقتك ولياقتك ولا حجم بيتك وعدد الغرف ولا عدد أولادك ولا طبيعة حياتك ..

أهم شي فكري في طوق توفر وقتك وجهدك واهتمي بنفسك ، و لا تقسين على نفسك وتسىين كل حاجة ، لا وزعي الأدوار والمسؤوليات واستعيني بمساعدات خارجية إن أمكن ( خدامة بالساعة مثلا ومدرسة خصوصية ثقة )


والله يوفقك

ماشاءالله ماقصروا
جزاكم الله خير

مشكورات حبيباتي في الله

والله بيتي دور مكون خمس غرف ومطبخ وثلاث حمامات وانا وعائلتي مكونين من خمس أفراد 

ما ذكرتي لو انتي موظفة او لا و لو عندك خادمة او لا

بس بعتبر انك غير موظفة و بدون شغالة

طيب الان انتي عندك مسؤوليتين اساسيتين


البيت و دراسة الاولاد

اعتمدي توزيع المهام و تحفيز الاولاد انهم يعتمدوا على انفسهم

بالاول خلينا نتكلم عن دراستهم

لاااااااازم تأسسينهم في المهارات الاساسية

خصصي كل يوم ساعة او نصف ساعة او الي يناسبك تأسسينهم في القراءة و لو كانوا كلهم يعانون من الضعف في اللغة العربية خلاص اعمليه درس جماعي لهم كلهم و ما راح يفرق معك لانك حتبتدي معهم من الاحرف يعني حتى اصغر واحد فيهم حيناسبة مستوى الدرس و بعد هالنص ساعة الي اخذناها للتاسيس تمسكينهم لمراجعة دروسهم كلن على حده


لازم يتعلموا النظام


يعني انا بمسكهم كلهم مرة وحدة كلن جالس في مكانه و مطلع كتابه ...الان انت يا فلان ابيك بس تحل النقطة هذي بس و تعطيه مثال و اتركيه يحل لحاله و هكذا

ممكن حتى تعطيه نسخ منها يتعلم على الخط و منها انه ما يحتاجك معه فتتفرغي لواحد اخر من الاولاد


و طبعا يكون عندك جدول بالمهارات الاساسية و كل يوم تحددي لك هدف و شوي شوي لحد ما تخلصي


و ممكن تستعيني بمعلمة خاصة تجي تساعدك


حطيببالك لو ما تأسس حيتعبك طول سنوات دراسته


نجي لشغل البيت


لو انتي غير موظفة خلصي كل شغلك الصباح وقت دوامهم حتى اكلك خلصي طبخ الغدا و العشا و تنظيفك و غسيلك عشان تتفرغي للاولاد

ربي يعينك و يوفقك