حيالله حوائياتنا الظفرات وأنا أولهن<<<أقول أها بس!!هههههه
اليوم جايبتلكن بروستد لاصار ولااستوى!!!!
بس من جد طلع رهييييييب,,
المقادير:
-دجاج والأفضل يكون كبير,,
-(دقيق+ملح)للدعك,,
-فلفل أحمر مطحون,,للي يرغب في الحار,,
-(دقيق+بقسماط+بقسماط خاص بالبروستد+كورن فليكس مدقوق+بيكنج بودر+ملح+فلفل أحمر مطحون عند الرغبة)
مقادير التتبيلة:
-بيض,,
-طحينه,,
-ثوم مهروس
-فلفل أسود,,
-قرفة,,
-كمون,,
-كزبرة ناشفة,,
-ملح,,
-بيكنج بودر,,
-خل أبيض,,
-فلفل أحمر مطحون(كمية بسيطة عند الرغبة),,
-بعضهم يضيفون جبن شيدر مبشور,,
أو شوربة خضار ماجي بعد تصفيتها من القطع الكبيرة,,
الطريقة:
أولاً:
يقطع الدجاج بعد التخلص من الأجزاء غير المرغوب فيها إلى أرباع أو أسداس,,
ثم يدعك (بالدقيق+الملح)ويغسل مرة أخرى,,
ثانياً:
نضع مقادير تتبيلة الدجاج في زبدية وتخلط جيداً,,
ثم نضع عليها قطع الدجاج وتترك فيه لمدة4-5ساعات,,
والأفضل أن توضع فيه من الليل وتترك في الثلاجة,,
هذي صورة تتبيلة باردة عشان بناتي!!
وهذي الحااارة لي أنا وأبو الشباااااب!!:p
برجع أكمل ,,
بس باخذ استراحة!!!
خخخخخخخخخ
هههههههه
نكمل,,
ثالثاً:
نخلط خلطة البقسماط مع بعض,,
أنا خلطت دقيق وبيكنج بودر وشوي ملح وشوي فلفل أحمر مطحون
وبقسماط ونوع ثاني من البقسماط خاص بالبروستد,,
وكورن فليكس دقيته بالنجر وخلطته معهم,,
هذي صورة البقسماط الخاص بالبروستد,,
يجي فيه كيسين ,,كيس تتبيلة وكيس بقسماط ناعم,,
حسافة ماأنتبهت لكيس التتبيلة إلا يوم جيت أقلي والا كان حطيته مع خلطة التتبيلة,,
هذا هو
وهذي صورة البقسماط العادي,,
نجي ألحين,,
اللي يبون البروستد حاااااار زي البيك وكنتاكي يطلعونه من الخلطة
ويرشونه بفلفل أحمر مطحون بعدين يقلبونه في خلطة البقساط,,
واللي يبون حرارته معتدله يكتفون بالتتبيلة الحارة وبس,,
واللي يبونه بارد لايقربون الفلفل<<احلفي!!هههه
ناخذ قطع الدجاج ونقلبها في خلطة البقسماط زي كذا
شوفوا شكل البقسماط وتراه يمسك في الدجاج مضبوط,,
وهذا شكل الدجاج بعد ماقلبناه في البقسماط بس أهم شي ترصين عليه شوي بيدك وأنتي تقلبينه ,,
بعد كذا نقلي البروستد في زيت عميق ومتوسط الحرارة إلى أن تنضج ثم نخرجها من الزيت ونضعها على ورق مااااااااااص,,
ثم تقدم مع الأرز المسلوق وسلطة الملفوف وعيدان البطاطس المقلية,,