بـعد معناة وهوشات سنين واخييرا حربي مع اللقيمات انتهت

السلام عليكم كيفكم يااحلى حوائيات
واكبر زغروده بالدونيا:icon28: تحملووني بهذر واااجد لاني مبسوطه
مو مصدقه حربي معها انتهت وهوشاتي مع ابو الشباب انتهت
قصتي معها طويييله وباي منتدى تلقون استفسار ودموع منهمره عن اللقيمات ترا ياانا ياوحده من صديقاتي وتبي تفزع لي
صدقوني ماخليت احد الا وسئلته ولا خليت منتدى الا وشكيت فيه لان ابو الشباب ماياكل حلا ابدااا ولايفطر الا على تمر وقيمات وتخيلو كيف مرت السنين الي طافت من زواجي كلها حرب وضرب وخناقات ليش مااضبطهم وليش ماسويتهم ولو امد سفره ومافيه قيمات يسال وينها :09:
المهم مشكلتي معه انه عاش فتره عند عائله قبل زواجنا وهالعائله حرمتهم الله يصلحهافنانه و طباااخه ماشاء الله>>>ليش الله يصلحها لانوه يبي كل شي مثلها وانا وييين وهي وين
المهم شائت الظروف اننا نجلس عندهم كم يوم بهالرمضان وهي من النوع الي مستحيل تعلمك بشي انسي
كل ابو دايم اسئلها عن اشياء عاجبه زوجي عندهم ماترد:icon33: والله حتى العصير لها فيه طريقه خاصه
تخيلو يسالني يقول ذقتي الفيمتو طعمه من اروع ماذقت قلت وش عاد فيمتو بعد بيصير له طريقه:mad:
بس لاتشكون انه مغرم فيها ههههه مثلي اول زواجي لين شفتها تراها كبر امه
تبارك الله عليها ربي لايضرها الموهييم قصة حياتي ومعناتي انتهت ابشركم لاني دخلت اساعدهم بالمطبخ ولما بدت باللقيمات كنت انا احرك قدر الشوربه وابدد ابد ماغشيت ولا طاحت عيوني عليها هعع اصلا مادخلت اساعد الا للقز
:42:
وقزيت الشوربه واللقيمات
والحمد لله اول رمضان يمر من غير انتقاد
ياااكثر هذرتي بس لاتلوموني فرحاانه لانهم مقرمشات من برى مجوفات من جوااا
والسر هو
كاس لبن بالباديه>>>ماادري وش تسمون صحن العجن
وكاس مويه نحط بوسطه ملعقه كبيره خميره ونخلطه ونكبه فوق كاس ونص طحين الطحين نوعه المروه
و اليوم اضفت ملعقه صغيره نشاء وطلعو رووعه
اليوم عيالي انبسطو منها عاد المعزب يسال كيف هالسنه ضبطتيها وش معنى هالسنه :mad:
ههه شكله يلمح انها معلمتني لانه دايما يقول خليها تعلمك:(طييب هي مستحيل تقر
بس قلت له السر بطحين المروه وفعلا شكله من الطحين

او من طريقة القلي لاني صرت اقصر مرره عليها واخلي الشغاله تقلبهم وتطول وهي تقلب
يااااااااطول موضوعك يامشاعل مسرحيه موب موضوع بس لاتلوموني فرحااانه مرره:35: