السلام عليكم
أخواتي اشكركم على مساعدتي
انا قبل اسبوع انزلت موضوع لمساعدتي في اختيار افضل نوع غساله ومشاء الله عليكم ماحد قصر فيكم
الأن الحمد لله تم شرائي غسالة ميتاج بدون عامود حوض استيل حجم 10 كيلو من محل محمود شاكر بالدمام الخبرالسريع والغساله جديده 2012 نزلت من شهرين بصراحه ترددت لكن فتح موقع ميتاج الامريكي وقرات عن موديل الغساله وقرات أراء اللي اشتروها لاقيتهم يمدحوها وينصحون فيها
قلت أتوكل على الله واشتريها رحت علي المحل احترت بينها وبين موديل اللي بعمود لكن اخترت اللي بدون عامود وهي فل اوتوماتك
سعرها 4100 ريال لكن عليها خصم 3100 ريال وعامل خصم على جميع الغسالات ميتاح
اليوم ركبوها العمال واليوم جربتها وغسلت فيها الصراحه أبهرتني بالنتيجه
النتيجه:
1- صوتها جدا هادئ ولا كأن فيه غسالة تشتغل
2-تنظف الملابس
3-وتطلع الملابس ناشفه نسبة 85 في المئه
4-فل اوتوماتك
5-فيها خاصية الهاند وش
6-وبها مميزات كثيره
7-باللمس ازرارها
8-واهم شي فيها حساس تضع كمية الماي على حسب كمية غسيلك هي اللي تحدد
9-بالداخل درج مقسم لدرجين درج للصابون ودرج للمنعم
10-وتصدر صوت نغمه عند انتهائها من الغسله
11-وهي من نوع He وهذا النوع يجب عليكي استخدام فقط صابون غسيل مكتوب عليه he ومتوفر في اسواق التميمي ومنه احجام وانا اخذت الحجم لصغير ويغسل حتي 33 غسله سعره 33 ريال
تفضلوا صور الغساله
وهذا الحوض
وهذا الدولاب
وهذ صور الأزرار
وهه كلمة he
وهذا المنظف he
وهذه بلوزة بنتي الكم كان متوسخ على سواااد
طبعا غسلتها وحطيتها في نشافة كينمور شوفو كيف طلعت مكويه ونظيفه
واي سؤال انا متواجده للرد ترى تعبت بالموضوع:)