أهلييين بنااااتتتت ..
اليوم نخطي خطوة جديدة نحو اسلوب حياة أفضل ..
أشكر كل البنات اللي ساعدوا على انجاح موضوعي الأول
http://forum.hawaaworld.com/showthread.php?t=1875816
راح نفتتح بسم الله أكاديمية الايجابيات ..
بس نبي مشتركات رسميات للمجموعة ..
راح أفتتح باب التسجيل للمشتركات .. العدد مفتوح بس باب التسجيل محدود لمدة 3 أيام فقط .. بليز بنات لما أفتتح موضوعي أو ينتهي باب التسجيل أعتذر عن استقبال عن أي مشاركة جديدة لحفظ النظام بالموضوع .. مدة الأكاديمية راح تكون 8 أسابيع لما يعادل شهرين .. و إن نجحت الأكاديمية ان شاء الله نفتتح الجزء الثاني عليكم و على تفاعلكم :)
شروط المشتركة
1) الالتزام بالحضور كثر الامكان للاستفادة القصوى من الموضوع و زيادة الحماس أكثر
2) لاااااااااااا للسلبية .. حتى لو كنتي ملكة السلبية ما نبي أي رسائل سلبية في الموضوع .. موضوعنا للإيجابيات المتفائلات فقط .. و سيتم اعداد شعار للموضوع ان شاء الله مع افتتاح الأكاديمية
3) كل مشاركة راغبة بالاشتراك تجيب على الأسئلة التالية :
الاسم:
اللقب الجديد((لقب إيجابي نكلمج فيه)) :
ما هو هدفك من نقص الوزن؟
ماذا تشعرين تجاه جسمك الآن ؟
ماذا يمثل الطعام بالنسبة لك ؟
ما هي طموحك في الحياة غير الرشاقة ؟
4) إذا كانت المشتركة تحب تشاركنا بتجارب إيجابية من نقص الوزن و من هالنوع ماكو مشكلة و أحب بمشاركاتكم و تفاعلكم معانا
5) المشتركة اللي حاسة إنها تحتاج دعم معنوي خاص أو مكثف تقدر ترسل لي رسالة خاصة تبلغني فيها و أقدر أتواصل معاها بشكل أسرع
هدف الأكاديمية
راح تكون بمثابة مدرسة لنا ..تعلمنا طريقة جديدة للنظر لأنفسنا و لأجسامنا .. راح أنزل لكم نصايح وواجبات مهمة .. و راح أكون الناظرة على المدرسة ..
تحصيل الدرجات
كل ما زادت إيجابية المشتركة حصلت نقاط أكثر .. إلى الآن ما عندي طريقة تحصيل النقاط بس راح أضعها مع افتتاح الاكاديمية ان شا ءالله ..
و اسبوعيا راح نختار ((أميرة الإيجابية)) ..و إهي اللي راح تكون أكثر وحدة حصلت نقاط بالاسبوع و راح يكون في شعار خاص لها تحطه في التوقيع..
في وايد شغلات ودي أنبه عليها .. بس أنا أبي أشوف الاقبال على الموضوع لتسجيل المشتركات :)
بانتظاركم حبيباتي و حياكم الله :32::32:
