بــــرنـــــامجي الفتــــــــــــــاك

السلام عليكم ورحمة الله وبركاته

اولا ياحبيباتي حبيت انقل لكم برنامجي المتبع بإذن الله خلال الشهر هذا
واتوقع انه حيكون برنامج قوي لاني مليت من الطبيعة وحبيت اني اجرب الكريمات لبعض الاماكن بجسمي

بسم الله ابدأ:
العيون:
اتوقع انه برنامج العيون حيجيب نتيجة فتاكة :30:
اولا انظف عيوني بمحلوا اخذته من بودي شوب وهو خاص للعيون وفي محلول تاني للوجه والعيون مع بعض بس انا اكتفيت بالمحلول الخاص بالعيون لان الوجه عندي منظفات كثييييييييييييييييييييير

وعلى فكرة المحلول مرة ممتااااااااااااااز ومفيد حتى المسكرة اللي ضد الموية يشيلها بالرااااااااااحة

تانيا: احط كريم خاص للهالات السوداء برضه من بودي شوب وفي فكرة ناوية اجربها الليلة وهي قالت عليها اختنا في الله انها تجيب كبسولة فيتامين هـ وتعصر نصها مع كريم الخاص للعيون طبعا الكريم الكمية اللي انتي تبغيها مو تعبي العلبة حق الكريم بالكبسولة.

انا اخذت كبسولات زيت كبد الحوت

والكريم استخدمه صباح ومساء ولي مستمرة عليه تقريبا اربع او تلاتة ايام ومافي أي نتيجة لحد الان بس ان شالله مع الكبسولة أنا متأكدة ان النتيجة حتكون مرضيه"ياااااااارب"

واذا حسيت ان عيوني بتطلع من محلها من كثر التعب او طولت الجلسة على الكمبيوتر:eek:
البس النظارة اللي من بودي شوب مرييييييييييييييييحة لابعد درجة

هذا الشي خاص بالعيون وانا مهتمة فيها كثير لاني تعبانة من الهالات وجهي ولله الحمد صافي مافيه ولاحبة "ماشاء الله لاقوة الابالله" بس اللي مبهدلني الهلات هي لو تروح انا خلاص بستغنى عن كل المنظفات والخلطات.


برنامجي لوجهي:
في الصبح وقبل النوم اغسل وجهي بصابونة العسل كويسة مابها شي واذا بحط قناع على وجهي اغسله بمنظف عميق من ماركة كليراند كلير حلو لانه زي منتو عارفين القناع يبغاله وجه نظيف لان الدهون تمنع استفادة الجلد من الخلطة او القناع.
وفي العصر او المغرب حسب فضاوتي احط قناع العسل مع حبة البركة وطريقته انك تجيبي حبة البركة وتطحنيها تماااام وخلطيها مع عسل طبيعي مية مية وتحطيها على وجهك مع الفرك لمدة خمس دقايق وتتركينه على وجهك كماسك لمدة ربع ساعة بعدين تغسليه. وانا بعده امسح وجهي بمحلول مكون من نص كاسة منقوع المرة والنص الباقي ماء ورد. مفيد للشد وللصفاء وطبعا هذا الخلطة ماخذتها من وحدة بالنت اسمها راما الله يوفقها.

اذا ماتحبي تطحني وتخلطي ممكن تجيبيه جاهز من محلات العسل.

وقبل مانام احط على وجهي كريم الليل اللي انا مسويته وهو"كريم جليسوليد العلبة الوسط مع ملعقة فكس وملعقة فازلين وملعقة زيت زيتون و6 حبات ليمون بن زهير بس انا حطيت ليمون عادي "وانام عااادي

على رقبتي
اول شي امسحها بالاسكينول في الصبح اول ماقوم من النوم ولمن احط الخلطة المكونة من "2ملاعق كريم سودو+2ملاعق فكس+نص فنجان زيت لوز" احطه لمدة نص ساعة واغسله هي تنفع للوجه بس انا خفت تحرق وجهي واكتفيت بخلطة العسل وحبة الركة.

جسمي:
حمام مغربي كل اسبوع
اقشره بمقشر طبيعي ليمون +ملح
على المنظقة الحساسة احط الزيت الفلبيني الاخضر كتير ناس مدحوه وقلت خليني اجرب مو خسرانة شي ولسه يدوبك بادية .

صدري
استخدم خلطة مكونة من :نص كاسة صغير جليسرين سائل ونص كاسة زيت زيتون و2ملاعق شبه مطحونة و2ملعق كريم جسم أي كريم انا استخدمت كريم دوف حق شد البشرة ونص كاسة صغير ماء ورد وعصير نص ليمونة
طبعا اخلطهم واحطهم على صدري وانام فيها واذا صحيت اغسله وادهنه بكريم دوف لشد البشرة

التشققات
راح استخدم كريم اشتريته من بودي شوب خاص للتششقات بس قبلها بحط خلطة خل التفاح ولسان البحر ولمن اغلق منهم راح ادهنه بالكريم.

الركب والكواع
لسه ماسويت فيها شي بس ناويتلها على نية:30:
"احط لها إما خلطة سارونة حق كريمات الريتن أي وكيلي وافالون والدوكين كل شي متوفر ماعدا الفاهيروكسيد مو لاقيته بليييييز اللي تلاقيه تقولي لاني سألت الصيدلي واستغرب من الاسم كأنه اول مرة يسمع فيه
او اقشرها زي ماقالت الاخت دلع بكريم اسكاتول<<ان شالله الاسم صح"

شفايفي
راح استعمل خلطة الفازلين والكركديه صحيح بنات ماأيدوها بس هم استخدموها غلط بس في وحدة مشيت معاها تمام
او اني احتمال اشتري البيزيلين اللي قالت عنه وحده الله يذكرها بالخير.

اقدامي ويداتي
طبعا الرجول حمام مائي كل اسبوع لاني بعاني من تشققات بزيادة وبعده بالمقشر
على طاري المقشر في وحدة ذكرت مقشر ممتاز من بودي شوب يخفف آثار التعب ويخفف التشققات بس انا ماشتريته بس ناوية آخذه ان شالله.

بعد التقشير اغلف رجولي بكريم خاص للاقدام او بكريم ممكن انتي تسويه بالبيت وفي وحده قالت "3ملاعق كريم جليسرين مع ملعقة عسل مع عصير ليمون بس مادري كم ليمون وقالت انها ممتازة وتوخر السواد وتلين الاقدم

واذا مرة ماتوفر ولا شي عندك الفازلين

اليدات
في وحدة قالت طريقة مرة تجنن تخلي اليدات ناعمة وبيضة هو انك تغسلي يدك تمام اوكي وبعده تقشريها بأي مقشر عندك اللي عندها سكراب العروسة حتستفيد كثير وبعده تفركي المفاصل بالليمون وتنتظري الين مايجف بعدين تحطي كريم مبيض اللي عندها كريم العروسة حتستفيد اكتر بس انا ماعندي هالكريم ممكن استخدام كريم فير اند لفي

هو كريم العروسة متوفر بجدة؟؟ بلييييييييييز اللي تعرف مكانه تدلني:(

وشعري
استخدم له خلطة الحلبة مع زيت النارجيل النتايج مبدأيا كويسة وان شاء الله تستمر للأفضل
طبعا الريحة تختفي بمجرد ماتحطي حمام زيت.

نصائح :-
سوي بخار لوجهك قبل ماتبدأي بأي برنامج لوجهك
اذا بتحطي شي على وجهك لازم يكون وجهك نظيييف يعني اعغسليه بمنظف عميق
رقبتك اهتمي فيها زي وجهك
الصبر ثم الصبر ثم الصبر
الجسم نفس الشي سوي له حمام مغربي نهاية كل اسبوع

يتبع..................