بسم الله الرحمن الرحيم
كثر الكلام عن بذره اليقطونا وما تفعله للبشره
من بياض و تخفيف الاثار وكذلك التجاعيد
وو ... ووووو .... وووو
بس مشكله
الى الحين ماعرفنا شكلها (بالظبط )
وانا شخصياً شريت ولا عرفت اضبطه
وخاصه ان العطار قال..
انو لسان الحمل اهو بذره القطونا
وهذي معلومات عن طريقه الاستخدام من احد الاخوات
وياليت تستفيدون منها
واي وحده تعرف بالظبط شكلها او استخدمتها
تزودنا بمعلوماااات...
OOOOOOOOOOOOOOOOOOOOOOOOOOOOOOOOOOOOOOOOOOOOOOOOOo
الوصفة العجيبة:لتقشير طبيعي للوجه وعلاج للبقع والحفر والخطوط والتجاعيد
الأول طبعا لازم تستحملوا الرغي بتاعى وتسمعوا قصة معرفتى بالماسك دة معلش بقي مفيش حاجة من غير مقابل عشان تعيشوا معايا الموقف ..................
كان ياما كان يا سعد يا اكرام كان فيه بنت جميييييلة
( ادة احم احم دة انا عشت فى الدور بجد ولا ايه !!!!!! )
طيب خلاص خلاص هبطل هزار وهحكي بجد بس بليز متزهقوش
وتنزلوا بالصفحة لتحت وتقروا الوصفة علطول أوكى ؟
انا كنت مرة بتابع دكتور جلدية فى
التلفزيون ولقيته بيتكلم عن وصفة نبات (........)
وأنه بيعمل تقشير للوجه وبيعمل عمل التقشير الكيماوى بس
بطريقة آمنة وسهلة وتقدر أى واحدة تعملها فى البيت وأنه كمان طبعا طالما
بيقشر يبقي بيشيل طبقات الجلد
الميت ويبيض البقع ويوحد لون البشرة ويعالج البقع وكمان قال انه بيرطب الوش ويشيل التجاعيد
والخطوط وكمان الحفر الى بتبقي فى الوش من أثار حب الشباب وغيره .............
أنا طبعا جريييت
وجبت الأجندة النونو بتاعتى الى بكتب فيها كل الوصفات الى بسمعها
وكتبت الوصفة بالظبط بس
بصراحة بصراحة قلت انا عمرى ما هعملها ... ليه بأة ؟ عشان بصراحة اسم النبات
الى قاله كان غريب عليه
وأول مرة اسمعه وقلت طبعا كالعادة استحالة نبات زى دة هلاقيه بسهولة كدة عند العطار
أكيد موش موجود عند أى حد ولو موجود طبعا هيكون مستورد وتمنه غالى اكيد
وطبعا طنشت ونسيت الموضوع
وفى مرة وانا عند العطار بتاعى الى
متعودة اتعامل معاه وقلت اما اقوله كدة على اسم النبات دة وانا متوقعة طبعا انه هيعد يقولي
ويطلعلي فى 500 حاجة وفى الآخر برده موش هيفهم الى انا عاوزاه ...
واتفاجأت لما قلت له انا عاوزة نبات ( .........)
لقيته بكل سهولة راح جابه ولقيت البنت الى بتشتغل فى المحل بتقولي
هو انتى عاوزاه عشان وشك ؟؟!!!!!!!!!!!!!!! أنا قلت لها: ايوة انتى تعرفيه
قالت لي : طبعا .. انا بقي استعبطت زيادة
وقلت أسأل العطار عن طريقته عشان أتأكد بالظبط من الموضوع
ولقيته بيقولي نفس الطريقة الى قالها الدكتور بالظبط ....
المهم قلت له خلاص هات شوية أما اجربها واشتريت كمية بحوالي 2 جنيه بس طبعا
وانا مستغربة من السعر الرخيص والكمية فعلا كفتنى مرتين ...
المهم بقي جربتها مرة واتنين وتلااتة وبجد معجزة
انا المشكلة انه كان ساعات عندى اثار للحبوب من الى بتطلع فى
فترة( البيريود ) وكانت بتروح لوحدها بس
بتسيب أثر وكمان ساعات بيطلع لى حبوب فى وشي بسبب انى
بحب أوى الشطة والمواد الحريفة
فى الأكل ودة طبعا بيسبب هياج شوية للبشرة وبتظهر على هيئة حبوب حمرة
بس برده اما بتروح بتسيب أثر ...
وبعد ما جربت الماسك دة من المرة التالتة بجد حسيت بفرق رهييييب ولقيت
وشي عمال يفتح والبقع بتختفي وكمان مامتى اتشجعت وقالتلي انها عاوزة تجربه عشان التجاعيد
وفعلا ماما لقيت انو التجاعيد بتخف بشكل ملحوظ مع كل مرة استعمال
ودلوقتى هكتب لكوا مكونات الماسك
وطريقته ويلا ركزوا معايا
ملاعق كبيرة نبات بـــذرة الـــقـــاطـونــة
قطرات قليلة من زيت اللوز المر
( انتبهوا زيت اللوز المر غير الحلو )
وزى ما قلت انه بذرة القاطونة دي هتلاقوها
ان شاءالله متوفرة عند أى عطار وهتلاقوا شكلها بالظبط بالظبط عاملة
زى حبوب السمسم بس لونها بيدي على بنى كدة ودة
الطريقة : ركزوا بقي معايا أول حاجة هنحط البذور فى الهاون وندقهم كذا دقة كدة يعنى مو ش هنطحنهم ناعم ولا نسيبهم خشن يعنى ندقهم كذا مرة كدة وخلاص
وانتبهوا الدق يكون فى الهاون لكن موش مطلوب خالص تطحن فى المطحنة خدوا بالكم وبعدين نبدأ نضيف ليهم ميه شوية بشوية بس موش نغرقهم خالص
ونبدأ نقلب لمدة ثوانى وهنلاقي انه البذور بدات تتماسك فى بعضها وبقت زى الجيلاتين كدة وبقت لزجة ساعتها نبطل نزود مية ونبطل تقليب
لأن انتبهوا ممكن لو زودنا الميه والتقليب هنلاقيه لزق فى بعضه خااالص وبقي زى السويت وهيبقي صعب يتفرد على الوش عشان كدة نوقف المية والتقليب
أول اما نحس انه بدأ يلزق فى بعضه
وبقي متماسك شوية وينفع يتفرد على البشرة
بعد كدة هنضيف قطرات قليلة جدااا من زيت اللوز الــمـــر ونبدأ نقلبهم بصوابعنا على عجينة البذور
تحضير البشرة قبل الماسك : لازم قبلها ننضف وشنا كويس وانا عن نفسي بنضف وشي باللبن زى ما أنا متعودة
وبعدها نغسل وشنا بالميه بس وننشفه كويس تمام لغاية كدة ؟؟!!
ونبدأ نوزع الماسك على وشنا وعلى الرقبة ما عدااااااا
منطقة تحت العين خدوا بالكم لانه مينفعش نحط ماسك تقشير فى المنطقة الرقيقة
الى تحت العين لانه هيبقي قوي عليها وعشان كدة هنكتفي بس بوضع طبقة رقيقة
من زيت اللوز المر لوحده ونسيب الماسك لمدة من 3 الى 4 ساعات ومعلش
المدة طويلة شوية بس زى ما قلت لكم الماسك دة ليه مفعول التقشير الكيماوى
ولازم ياخد وقته على البشرة عشان كدة ممكن نحطه فى يوم الأجازة أو بليل
فى الوقت الى فاضيين فيه ونسيبه على وشنا وننساه ونعمل اى حاجة وهنلاقي
الوقت عدى بسرعة وبعد كدة نغسل وشنا بماء فاتر وبعدين ماء مثلج عشان
نقفل المسام ونمسح وشنا بقطنة فيها ماءورد أو اى تونيك عندك ومتعودة عليه ....
وشوفي بقي وشك بعدها وهتلاحظى الفرق من أول مرة واعملي الماسك
مرتين فى الاسبوع عشان تحلي كل مشاكل وشك وهو آآمن فى الاستعمال وطبيعي
ملحوظة: بصراحة الماسك دة اما بيتحط على الوش بيبقي شكله مرعب شوية
وانا بصراحة اما حطيته أخويا استلمنى تريأة انتوا عارفين بقي الصبيان وغلاستهم بس
انا مهمنيش برده وفضلت قاعدة لهم فى البيت بشكلي المرعب عشان كدة بنصح
غير الجريئات وخصوصا المتزوجات طبعا انهم يعملوا الماسك دة
من غير ما حد يشوفهم وخليهم بس ينبهروا بالنتيجة بعدها ويوقولوا ادة ؟ هى عملت ايه فى وشها .؟؟؟
فوائد الماسك
بذرة الــقاطـونة: زى ما قلت دة نبات عجيب لأنه فعلا بيفتح البشرة جدااا وبيعمل زي تقشير لخلايا الجلد الميتة والدكتور قال انو بيعمل عمل التقشير الكيماوى
الى بيتعمل برة عند الدكاترة فى العيادات وبيكون طبعا تكلفته باهظة
زيت اللوز الــمــر : وهو مختلف عن زيت اللوز الحلو فى انه منظف كويس اوى للبشرة وكمان بيحتوى على حامض السلسليك ( sel elick acid )
ودة بيعمل تقشير للبشرة وبينضفها والحامض دة موجود فى أحماض الفاكهة
وبيستخدم فى عمليات التقشير الكيماوى وكمان بيحتوى على الكاروتين ( caroten) وفيتامينات
ودة مهم جداا للبشرة لحمايتها من الشيخوخة والعوامل الجوية الخارجية الى بتأذى البشرة والكاروتين دة موجود اكتر حاجة فى الجزر
,,,,,,,,,,,,,,,,,,,,,,,,منــــــــقـــــول ,,,,,,,,,,,,,,,,
بعد كـــذا اكــــيييد اخذتو معلومات
عـــــــــاد الحين
خليونا نتبادل المعلومات
ونصيييير خبيرات لأنفسنا
..... انتـــــظـــــركــــــم ....
Mis_S @mis_s
عضوة جديدة
بـــــــذره اليقــــطـــونا ... ((نتــائجـــهـــا روووعـــــه ... بــــس ...!!!! )
48
24K
يلزم عليك تسجيل الدخول أولًا لكتابة تعليق.
بسمـ الله .. والله أنا ماعندي فكرهـ بس أتمنى أن أحنا ننزل لها صورهـ .. من أجل نتعرف على شكلها .. عموما مشكوره والله يرزقك الخير كلــه بالدنيا والأخرهـ ويرزقكـ الجنــه .. فديتك
عندي جبتها من العطار لاني سمعت عبد الباسط مدحها للقولون وكمان قال انها تستخدم للبشره وتعطي نتائج مثل التقشير الكيميائي بس ماجربتها للبشره
والي عندي نفس الصوره هاذي
وهذا موضوع في المنتدي عنها
http://forum.hawaaworld.com/showthread.php?t=1645127
والي عندي نفس الصوره هاذي
وهذا موضوع في المنتدي عنها
http://forum.hawaaworld.com/showthread.php?t=1645127
بنت نجد^
•
لا موهذي صورتها ,,,
هذي بذر كتان
بذر القطونه بداخلها زي الحفره صغيره ....
وفعلا تشد البشره وتنظفها.......
هذي بذر كتان
بذر القطونه بداخلها زي الحفره صغيره ....
وفعلا تشد البشره وتنظفها.......
الصفحة الأخيرة
وانا عملتها من غير زيت اللوز المر للوش وللشعر كماسك مرة واحدة وهيا لتنعيم الشعر ودكتور بالتلفزيون اسمه اسامه حجازى قالها مرة كجل طبيعى لتنعيم الشعر ومن المنتدى عرفت انها مفيدة للبشرة كمان
ولاحظت انها بتشد الوش جدا ولما تيجى تشيلها كانك بتشيلى كيس بلاستيك بطبقة رقيقة بس المرة الى جاية حجربها للوش بزيت اللوز المر