السلام عليكم ورحمة الله وبركاته
هلا خواتي الغاليات
اتمنى خواتي انكم ماتزعلون من الكلام اللي بكتبه بس انا الاحظ انكم وايد اتبالغون في مواضيعكم يعني مثلا اللي تقول عندي طريقه اتخلي ابو الشباب ينهبل عليج واللي تقول شلون اجننيه :30: واللي تقول سويله ليله حمراء مادري سوداء واللي تقول اقلبي البيت فوق تحت علشان زوجج يرضى عنج واللي تقول عندي عطر يخلي زوجج ينهبل ويركض وراج :32: واللي تقول اصبغي شعرج وحطي الوان الدنيا بويهج ورقصيله:23: بنات انا مو ضد ان المرأه تتجمل حق زوجها علشان ترضيه انا ضد المبالغه في الشي يحليلهم ها الرياييل بيتخبلون من كثر ها الحركات هههههههههه اهم شي خواتي ان الوحده اتحافظ على نظافتها واناقتها جدام زوجها وتكون معاه طيبه وحبوبه وماتخلي لبتسامه اتفارق ويها وشوفوا الزوج شلون يحطها تاج على راسه وسبحان الله ترا المحبه من رب العالمين هو مسخر القلوب كل ما كانت علاقتج بربج قويه وكل ما سعيتي لأرضائه راح يوفقج ويسعدج ويسخر لج زوجج :27: على سبيل المثال انا بكلمكم عن نفسي شوي انا الحمدالله ما ابالغ في ها الامور لا اسوي ليله حمراء ولا زرقاء ولا خضراء ومع هذا زوجي يحبني ويموت فيني وكله يدور رضاي الله لايحرمني منه وهذا تسخير من رب العالمين قولوا ماشاءالله تراني مو ناقصه حسد لان كل صديقاتي ومعارفي حاسديني على حياتي :06: حتى اني دايما اقرا الاذكار علشان لا تصيبني عينهم :08: والله العظيم بنات كل ما كلمتني وحده قالتلي انتي مرتاحه مع زوجج ولا قالتلي حياتج مع زوجج حلوه ياريتني مثلج ياااااااااااااربي والله اخاف من كلامهم:06: تدرون ليش يقولون جذيه لاني ماعمري شكيت من زوجي يعني اسرار حياتي ما تطلع برا البيت مهما كان ولان صارلي ثمان سنوات متزوجه وماعندي عيال ومع هذا زوجي يحبني وما يفكر يتزوج علي بالرغم من حنية امه عليه (تبي تشوف عياله) علشان جذيه اهم حاسديني على حب زوجي لي وتمسكه فيني بنات انا ما بمدح نفسي انا بكون معاكم صريحه وبقوللكم شلي محبب زوجي فيني اولا رضاي انا الحمدالله راضيه بكل اللي يكتبه لي رب العالمين وها الشي مخليني كبيره بعيون زوجي اهو دايما يقولي هذا اللي محببني فيج انج دايما راضيه وقنوعه وثاني شي محافظتني على نظافتي الشخصيه وريحتي دايما اتعطر وتبخرونظف بيتي وبخره ترا الزوج مايحب الزوجه المهمله في وايد زوجات اتشوفينها تكشخ وتتعدل بس بيتها اسمحولي على ها الكلمه زباله وها الشي ينفر زوجها منها لا وتجي تشتكي ليش زوجها يسهر ويتركها وثالث شي ابتسامتي الحمدالله انا بشوشه دايما ابتسم بوجه زوجي وها الشي يسعده وااااااااااااااايد يستانس اذا شافني مبتسمه :42: ورابع شي الدلع دايما ادلعه وقوله كلام حلو والله احيانا ادلعه مثل البيبي ترا الريال بداخله طفل ويستانس اذا زوجته دلعته وخامس شي دعائي واستعانتي برب العالمين اذا واجهتني بحياتي مشكله اسجد وادعي ربي وابكي واطلع كل اللي بقلبي لرب السماوات والارض ترا مافي مثل الدعاء يا بنات خاصه بالسجود, و صدقوني يا بنات بالمعامله الطيبه والاخلاق العاليه راح تكسبون ازواجكم مو بالمبالغه الزايده انا اعرف وايد زوجات اربعه وعشرين ساعه بهاالصالونات قص وصبغ وحالتهم حاله بس علشان يرضون ازواجهم ومع هذا ازواجهم مو صوبهم ولا مسويلهم سالفه لا ويغازلون من وراهم واعرف زوجات ماشاءالله عليهم اخلاق وتدين ويدورون رضى ربهم قبل رضى ازواجهم والله موفقهم مع ازواجهم لان اهم شي عندهم رضى ربهم واذا احب الله عبد من عباده حبب خلقه فيه
آسفـــــــــــــــــــــه بنات على الاطاله بس حبيت افيدكم من خلال تجربتي لانكم غالين علي .
يلزم عليك تسجيل الدخول أولًا لكتابة تعليق.
والله كلامك كله درر ما شاء الله عليك وكله بصراحه يدخل القلب
الله يحفظ لك زوجك ويخليه لك يا رب ويرزقك الذريه الصالحه انتي واختي وكل محرومه يارب
وهذي لك :24:
الله يحفظ لك زوجك ويخليه لك يا رب ويرزقك الذريه الصالحه انتي واختي وكل محرومه يارب
وهذي لك :24:
ام الليث
•
الله يرزقك بالذرية الصالحة
والله أنت تستاهلين كل خير على هالدرر وفعلا أهم شي العلاقة مع الله سبحانه وتعالى فهو الكفيل بتسيير كافة الأمور
والله أنت تستاهلين كل خير على هالدرر وفعلا أهم شي العلاقة مع الله سبحانه وتعالى فهو الكفيل بتسيير كافة الأمور
جـــــــــــزاكم الله خير خواتي الحبيبات الصراحه ردودكم اسعدتني وايد ومني لكم احلـــــــــــ:26: ــــــــــــى :27:
مشكورة جنونة <<<<<<<<<<< امحق دلع ؟؟؟
عزيزتي أجمل نقطة ذكرتيها 000 الحب من الله
سبحان الله 00 يسخر القلوب 00 ويجعل بينها
مودة ورحمــــــــــــــــــــة
الله يرزقك بدرزن أطفال 00 ويصلحهم وهذا أهم شئ الصلاح
وإذا كانوا مو صالحين 00 الوحدة تندم على انجابها لهم
حبيبتــــــــــــــــــي جنونة ترى 00 العين حق وهي تسبق القدر
إحرصي والأفضل 00 ماتذكرين انك سعيدة مع زوجج <<<< أخس صرت زيك هع هع هع
إلا بالمنتدى عادي :30: مانعرفك خوذي راحتك بالكلام ما احد بيحسدك :o
غير الي حولك وشايفينك وشايفين حياتك:06:
طولت مو؟؟؟:11:
عزيزتي أجمل نقطة ذكرتيها 000 الحب من الله
سبحان الله 00 يسخر القلوب 00 ويجعل بينها
مودة ورحمــــــــــــــــــــة
الله يرزقك بدرزن أطفال 00 ويصلحهم وهذا أهم شئ الصلاح
وإذا كانوا مو صالحين 00 الوحدة تندم على انجابها لهم
حبيبتــــــــــــــــــي جنونة ترى 00 العين حق وهي تسبق القدر
إحرصي والأفضل 00 ماتذكرين انك سعيدة مع زوجج <<<< أخس صرت زيك هع هع هع
إلا بالمنتدى عادي :30: مانعرفك خوذي راحتك بالكلام ما احد بيحسدك :o
غير الي حولك وشايفينك وشايفين حياتك:06:
طولت مو؟؟؟:11:
الصفحة الأخيرة
وكمان ما فيه مانع من التجديد الحلوووووووو مو الهبال :27: :27:
الله يخلي لك زوجك ولا يحرمكم من بعض ويرزقك بالذريه الصالحه
آآآآآآآآآآآمين