:44:
مادري اشفيني نفسيتي تعبانه وطفشانه وعندي حالة ملل كل المواضيع صارت متشابهه عندي طفش بشكل مو طبيعي :angry:
مادري من الغبره الي جت الرياض اليوم اثرت على النفسية شوشت الارسال عندي :icon33:
ابي سوالف حلوووووه توسع الصدر ... مادري اشفيني بس طاري علي " الــــــــذيــــــــــــب "
عندي واحده بأبدى فيها قالها لي ابوي عن جدي عن زمان قبل ...
يقول كانوا يسرحون البزارين في البر ثلاث اربع ايام عشان يرعون بالحلال وكان ابوي الله يرحمه اموصيه ابوه اذا جا الليل يركب على ناقته ويمشي فيها ولا ينام بين الغنم لانامت عشان تحرسه من العقارب والحييا واي حركه هي بتصحيه طوالي لأنها تتنبه بسرعة ..
يقول ابوي كنت نايم ومتحضن بندقي مبعد شوي عن الغنم يقول يوم قمت الصبح لقيت جربة الماي حقتي مسحوبه لبعيد ومشقوقه من طرفها ..
اثاري الذيب جاه بالليل وسحب الجربه شوي شوي لانه يخاف من البندق ويعرف ريحة الرصاص وشقها وشرب من الماي وراح ..
عاد ابوي يقول اخذت جربتي وربطتها وخليتها معي اشرب معها لان مافي ماي والمسافة بعيده خفت لاموت من الجوع ...
وقصة ثانية له مع الذيب يقول كنت راكب على ناقتي وبالليل تمشي في وراي النياق الثانية يسمونها قبل الجيش يقول حسيت بالناقة يوم ان ظهرها كش وارتفع واتلفت يمين يسار وانا ماشوف شي من الظلما ظلام دامس ..
يقول صرت اتلفت مع راس الناقة وانا اطلع الشلفا واصوبها بالاتجاه الي تطالع فيه وانا اضرب الرصاص واقعد اتنطر .. يوم اخذت شوي وظهر الناقة ينزل ويركد عرفت ان الذيب راح ..
وسالفة ثالثه بعد يقول كنت رايح للديره " الزلفي " عشان اتقضى هيل وتمر وقهوه ويوم مسى الليل واظلمت الدنيا وانا اسمع صوت الذي يعوي ..
يقول وانا ارفع شوي واطلع اقديميتي يقول مادريت الا الذيب يطامر علي يبي يمسك رجولي يسحبني معها والناقه تركض وهو يركض ورانا ..
يقول رجعت اقديمتي واخذت الشلفا وامسكها بيد واحده وانا اطلق بالهوا يوم اطلقت الا الذيب يوم رجع ووقف بمكانه يقول وانا اريح الناقه واقعد اطلق عليه لين انحاش ولا عاد شفته ...
وهذى سالفة للذيابه مع واحد ثاني يقولها لي ابوي ..
يقول هذا كان رجال يرعي بغنمه بالشتا والبرد يقول يوم حزت المغرب دخل مادرى الا بخمسة ذيابه طابتن عليه وهو ياخذ بندقه ويطلق عليها قبل تجيه وهو يذبح اثنين منهم والباقين ينقزون عليه ينشهون رقبته وبطنه لين طلعت اشواه ومات ...
بس واذا عندكم سواااااااالف قبل وزمان اول ياليت تسدحونها هنااااااااااااااااا:27:
noga511 @noga511
محررة ذهبية
بـــــــــــدون ســــــــــــبب بـــــــــــس ادخلي دقيقه / تمنع مواضيع الدردشة
45
2K
هذا الموضوع مغلق.
noga511
•
ياسبحان الله سيم سيم انتا: ) من جد من جد طفش عاد اللي اخبره من سوالف ابوي الله يرحمه انه مره صاد حجل جو ثعابين لمه اكثر من واحد وهو يصوبهن بالبندقيه وبس : ) ترى القصه احس فيها نقص بس هذا اللي اذكرهياسبحان الله سيم سيم انتا: ) من جد من جد طفش عاد اللي اخبره من سوالف ابوي الله يرحمه انه...
هلا بك نورتي :26:
بس ترى مافهمت من القصة شي :22:
وشو حجل ؟؟
بس ترى مافهمت من القصة شي :22:
وشو حجل ؟؟
يمه مدري عندي فوبيااا من الكلاب والذياابه وطقتهاا
اخااف منها خوف مو طبيعي
لمجرد اقرأ عنها قصص بس احس جسمي يكش
وبمجرد ما اسمع نباااح الكلب احس بخوووووووف فضيع
مدري يمكن وانا صغيره كااانوا يخوفونا بالكلاب والحيوااانات
اخااف منها خوف مو طبيعي
لمجرد اقرأ عنها قصص بس احس جسمي يكش
وبمجرد ما اسمع نباااح الكلب احس بخوووووووف فضيع
مدري يمكن وانا صغيره كااانوا يخوفونا بالكلاب والحيوااانات
الصفحة الأخيرة
سيم سيم انتا: )
من جد من جد طفش
عاد اللي اخبره من سوالف ابوي الله يرحمه انه مره صاد حجل جو ثعابين لمه اكثر من واحد وهو يصوبهن بالبندقيه وبس : )
ترى القصه احس فيها نقص بس هذا اللي اذكره