بـــــــــــــــــــــــــدائـ ــــــــــــــــــــــــــــــ ل

انا هنا جبت لكم موضوع حلو ويفيد الجميع بإذن الله

دايما يكون ودنا نسوي حلا او اي طبخه بأوقات مالأمها داعي مثل اختكم في الله ما تحب تدخل المطبخ الا نصايف الليول.. ومو على كل حال يكون متوفر كل اللي ابيه ولو أمووووووووووووت محد بيطلع يجيب لي الاغراض>>>>> والله لو هو دواء
المهم ... انا احب اسوي بدائل للاغراض مثل القشطه او الحليب المركز ف قلت اشارككم فيها واللي عندها شي لا تبخل علينا


الحليب المركز

1 كاس حليب بودره
1كاس مويه
1 كاس سكر
1 ملعقة دقيق
وتنحط عالنار الى ان تغلظ وبعدين نخلطها ونحطها ببرطمان زجاجي وتحفظ بالثلاجه



القشطه

1 كاس حليب بودره
1 كاس مويه
3 ملاعق دقيق

ونفس طريقة الحليب المركز بس ما تخلطينها وممكن تزيدينها شوية مويه اذا شفتيها ثقيله


التوفي

2 ملعقه زبده
كاسة سكر
قشطه
تذاب الزبده على النار وبعدين تحطين السكر لين يذوب ويشقر وبعدين تطفين النار عنه وتحطين القشطه على طول وتحفظ ببرطمان زجاجي في الثلاجه

النسكويك

مقادير متساويه من الشيكولاته والنسكويك

الجبنه المالحه

5 كاسات حليب
نصف كاسة خل

تحطين الحليب عالنار لين يغلي وبعدين تحطين عليه الخل وتخلينه يغلي على نار متوسطه وهو يبدا من حاله يفصل يعني يصير الحليب بجهه والمويه بجهه وتخلينه عالنار تقريبا خمس دقايق وبعدين تصفينه بمصفاة فتحتها صغيره ولما تتصفى تحطينها بشاشه كبيره وتحطين عليها ملح واي نكهه تحبينها مثل النعناع او الحبه السودا او البقدونس وبعدين تغلفينها بالشاش وتحطينها بعلبه وبالثلاجة لمدة يوم كامل

اممممممممممم

هذا اللي عندي الى الآن واللي عندها شي ثاني لا تبخل علينا واتمنى انها تعجبكم