بـــــــــــــــــــــليز ســـــــــــاعدوني

مرحبا حبوبه

اولا الف مبروك والله يتمم علــى خير

اول شي تصدقي بجزء عشان ربي يباركـ لك

خذي ورقه واكتبي فيها احتياجاتك وحطي مبلغ تقريبي لكل شي


مممم سوي ليزر او اعتني ببشرتك قبل الزواج بفتره...وهذي تحتاج ميزانيه

بعدين الباقي عطور وميك اب
ملابس سهرات وطلعات
عبايات وملافع
ساعات
شوزات وشنط
لبس البيت
ذهبـ
وومبلغ لفستانك وميك اب العرس ووو

ونصييحه لاتصرفينه كله
خلي بحسابك مبلغ لك وللزمن...

للرفع

..ماشاء الله ماشاء الله ماشاء الله
الله يبارك لك فيه..
..شوفي بقلك شيلي 50 الف لك..
..وال50 الثانيه قضي فيها تكفيك وزوود..
طبعا بقضي لك حق شهرين فقط لانه راح يتغير جسمك ومن الممكن يصير لك حمل فراح يتغير جسمك..

دامك بالرياض..ماعرف اسماء المحلات لكن بديك وشوفي..
من واحة الجلابيه اكيد موجود بالرياض خذي منه قميص اول ليله اللي تكشخي فيه افضل اللون البيج العسلي واذا تحبي الابيض براحتك
سعرهم حلو وقت تخفيض..
اشتري من عندهم بجامتين كاشخه تكشخين فيهم حلوه بجايمهم روعه وتخدم معاك
وخذي معاك قميصين لو حاابه قصيره او طويله اللي يريحك وذقك انت انا افضل قصيره لايام الدلع..
والالوان براحتك اختاري اي لون تحبيه ساده مشجر اي شي..
راح تلاقي محلات عندكم ماعرف بالضبط بس تلاقي تبيع شغلات رخيصه بنفس جوده الماركه اشتري 4قمصان نوم و3بجايم من عندهم..
وخذي داخليات على ذوقك كمان بتلاقي اشكال والولان اهم شي التناسق احب الاطقم..
خذي روووب حمام لاول ليله قريب لونه من قميص نومك ولو تشتري اللي طقم رجالي حريمي حلو بعد لم ولزوجك تكشخووون
واشتري روب ثااني ملون اي لوون تفضلينه..
خذي مناشف تجيك طقم صغيره وسط وكبيره خذي لونين وحده لك ولحده لزوجك
اللي طقم اقصد
ولمن تشتري طقم الروب بيجي معاه مناشف
اشتري شباشب للارواب اللي تحبيه بتلاقي اشكاال كمان المشكله ماعرف اسماء المحلات والا دليتك عليهم..

نجي لملابس الطلعات اشتري 3 اطقم على ذوقك للخرجات الرسميه..
واشتري تنانير عمليه تقدري تلبسيها مثلا مع كذا بلوزه طبعا للبيت او زيارات عاديه..
اشتري بناطيل كثري منهااا مو مره اللي يريحك يعني
ونوعي منها واشتري عليهم بلايز وبديهات للبيت او لو تحبي للطلعه لاهل زوجك لصحباتك لاهلك
اشتري شورتااات
تناير قصيره تحت الركبه
وقصيره نص الفخذ للبيت
لاتكثيري منهم وعارفه ليش اقول لاتكثري..
بالنسبه لعطورك خذي 2 ريحتهم قويه و3 ريحتهم نعوومه
وخذي مع العطور اللي ريحتهم خفيفه اطقم كامله يعني شاور جل وبدي لوشن وبودره وهيك
اشتري مسك الابيض ريحتهم تهبل بعد الحمام
خذي بخوور ((العود المبخر..المسني..احبهم كثييييييير..))
خذي عطوور اقصد مرشاات للبيت((من غناتي بخاخ المفارش وللبيت هوا واحد..وذي مذهله والله مدري من اي شركه بس اتوقع بتلاقيه في محلات البخور))
خذي لك عطور من جنيد روووعه عطورتهم ...وكمان العطور المسحات المركزه لمسه حرير مررره ريحتها تخبل عني انا اعجبتني مدري عنك..
عندهم عطوور عفيف وصخر هذولا مره خراااافه..عطر اللي من غنااتي يهبل مررره..

احس دخت بس بكمل عشان خاطر عيونك..

المكياج افضل ماتشتري شنط لانه مابتحتاجينها كثير..
افضل ماسكرا ماكس فاكتر الدبدوبه اللي في خط ازرق..
وكريم اساس ماكس فاكتر خفيف وبودره للبيت والجمعات العاديه..للزواجات شانيل وبودره حقته من شانيل كمان..
واحمر خدود من بودي شوووب ..
والاوراج ماك وريميل الالوان اللي تحبيها..
والكحل ماك الاسود..
واللي محل الوان من مكياجي..
رسم عيون ماحبه ولاعرف من وين افضل شي..
قلوسات بتلاقي اي مكان ..
الظلال من اي مكان في مخملي وفي عادي المخملي للمناسبات والعادي في علب صغيره تاخذي للمناسبات العاديه او للبيت
بودره لرسم الحواجب من بودي شوب يجيك لونين في علبه وحده..


الكريمات..
بتجيك كريمات مع العطورات الاطقم..
ويزاده عليها خذي اللي يناسب بشرتك..
اهم شي الفازلين الجل حلو للشفايف افضل من اي مرطب وللحلو للارجل وتلبسي شراب ههههههههههه
اش كماااااااااااااااااااااااااااااان..

الشباصات والامشاط والبنس والمكر والفير والاستشوار ومشط الاستشوار ومقص للشعر
هذه على ذوقك بس افكرك..

الجزم وانت بكرامه على حسب لبسك تنوعي
واطي وعالي مشجر
وخذي 2 للطلعه يعني عمليه مررره
وخذي 2 جزم بشنطهاا

شنطك هم بعد ع لبسك وبراحتك تبيها كبيره او صغيره..


مناديل لمزيل المكياج من جونسوون...من اولاي مزيل مكياج للعيون والشفاء سائل يجي لونه من جوا نصه ازرق زيتي وازرق مويه ههههههه اخص ياوصف..
مزيل مناكير لاتنسي تشتري مناكير على لبسك..او قمصانك ..
خذي مقشر للجسم اتوقع اسمه st ives
امواس جيليت النسائيه venus
خذي حلاوة للشعر..
الاكسسوارت اللي يناسب لبسك كمان
والساعات خذي ذوقك اللي تحبيه من اي ماركه..<<<ماحب الساعات كثير خخخخ
الذهب لاتاخذي كثير اخر شي..
واخر شي فستانك ومسكتك وشريطك للزفه


هذا اللي في راسي حاليا..

ان شاء الله البنات يجوون يكملووون لك

واذا بغيتي يالغلا اساليني وانا ارد كل


ومبروك وربي يتمم عليك

ماشاء الله 1000 الف *
ماقصررو البنات ماشاء الله

لي رجعة لموضوعك بس نصيييييحة
اصرفي 50الف

وشيلي 50الف في البنك بدوووووووون احد يدري الا امك وابووووك فقططططططط

يمكن بعدين يجي في راسك مشروع وتستثمريها

لا تحطيها كلها في الخروووق حراام